Italiýanyň çempionatynda sanawyň lideri «Inter» öz meýdançasynda «Salernitananyň» derwezesinden jogapsyz 4 gol girizdi. Gollary Turam, Martines, Dumfris hem-de Arnautowiç geçirdi. «Inter» toparyndaky 125-nji goluny geçiren Lautaro Martines 124 golly watandaşy Mauro Ikardiden öňe geçip, klubuň iň netijeli argentinaly oýunçysy rekordynyň täze eýesi boldy. «Werona» bilen duşuşan «Ýuwentus» topary 2–2 hasabynda deňme-deň oýnap, bassyr 4-nji duşuşygyny ýeňişsiz tamamlady. «Atalantanyň» «Sassuolony» 3–0 ýeňen tapgyrynda «Roma» hem şol hasap bilen myhmançylykda «Frozinoneden» üstün çykdy. «Lasiony» myhmançylykda 2–1 hasabynda ýeňen «Bolonýa» 4-nji basgançakdaky ornuny saklamagy başardy.