Daýhançylygy kesp-kär edinen pederlerimiz «Serçeden gorkan dary ekmez» diýen nakyla batyrgaýlyk bilen çemeleşip, iň ownuk däneli ekin bolan daryny ekip, ondan bol hasyl almagyň ussatlary bolupdyr.
Il içinde juda seýrek gelýän gadyrly myhmanyň aýagynyň aşagyna «dary sepjek» diýilmegi hem onuň şol öýe ýygy-ýygydan gelinmegi islenip aýdylýan jümle. Şunuň özi hem bu ekiniň örän arzyly ekindigine güwä geçýär.
