Welaýatymyzyň ýetginjekler ýygyndysy 7 ― 17 ýaş aralygynda geçirilen küşt boýunça Türkmenistanyň birinjiliginde 20 medal gazanyp, toparlaýyn hasapda iň ýokary netijäni görkezdi. Şunda lebaply küştçüleriň 7-siniň altyn medala mynasyp bolandygyny aýratyn nygtamak gerek.
Gündogar sebitiň türgenleri 7 ýaşa çenli küştçüleriň arasynda ikinji we üçünji orunlary eýelän bolsalar, 9 ýaşa çenli türgenleriň arasynda altyn medallara mynasyp boldular. Bu ýaş derejesinde oglanlaryň arasynda Maksat Awlýakulyýew, gyzlaryň arasynda bolsa Dünýä Ruslanowa ýurdumyzyň çempiony boldular.
