Şu günler Omanyň Maskat şäherinde 14 ýaşa çenli tennisçi gyzlaryň arasynda geçirilýän halkara ýaryşdan ilkinji hoş habar gelip gowuşdy. 16-njy ýanwara çenli dowam etjek halkara ýaryşda türkmenistanly tennisçi Ilima Guseýnowa altyn medala mynasyp boldy.
Eýýäm birnäçe ýyldan bäri halkara giňişlikde ukybyny ykrar etdirip gelýän Ilima Omandaky ýaryşa çärýek finaldan girişdi. Miraly Gasanowyň zehinli şägirdi bu tapgyrda ýer eýeleriniň wekili Talýeý Al-Busaidini 6:0, 6:0 hasaplary bilen ýeňdi.
