«Türkmenistan Sport», № 4 (20), 2023
Berkarar döwletiň täze eýýamynyň Galkynyşy döwri Gahryman Arkadagymyzyň başyny başlan milli sportumyzy ösdürmek babatda başlangyçlarynyň Arkadagly Gahryman Serdarymyz tarapyndan mynasyp dowam etdirilýän we täze basgançaklara çykarylýan ajaýyp zamanasydyr. Bu döwürde sportuň ýurdumyzda däp bolup gelýän görnüşleri bilen birlikde gyşky, ýagny buzuň üstünde oýnalýan görnüşleri, şol sanda buzda figuralaýyn typmak, tans sporty, hokkeý ýaly görnüşleri ýyldan-ýyla rowaçlanyp barýar.