«Türkmenistan Sport», № 4 (20), 2023
Türkmen halky toý tutanda pälwanlara göreş tutdyryp, ýigitlere at çapdyryp we gazan atarylyp, bagşy aýtdyrylyp türkmen milliligine mahsus bolan däpler ýerine ýetirilýär. Mälim bolşy ýaly, gadymy döwürlerden bäri türkmen milli göreşi toýlaryň bezegi hasaplanypdyr. Uly-uly toýlara alysdan we ýakyndan pälwanlar çagyrylypdyr. Türkmen halkynyň köküni asyrlaryň jümmüşinden alyp gaýdýan milli göreşi halkyň durmuşynda biçak uly ähmiýete eýe bolupdyr. Muňa edebi mirasymyza ser salanymyzda hem göz ýetirýäris.