«Türkmenistan Sport», № 3 (19), 2023
Bu setirleri öz gürrüňimize sözbaşy edip almagymyz ýöne ýerden däl. Sebäbi türkmen halky hiç bir döwürde-de bedewini özünden aýry görmändir. Ony ýakyn hossar, dost, syrdaş saýypdyr, hormatlapdyr. Munuň özi ahalteke bedewleri bilen bilelikde geçilen müňýyllyklara siňip gidýän ýol bilen düşündirilýär. Şatlykly günleri-de, hasratly günleri-de bolan şol uzak ýolda türkmen bilen bedew at diýen düşünje aýrylmaz bitewilige öwrüldi.