Türkmenistanyň Döwlet haryt-çig mal biržasynyň geçen hepdedäki söwdalarynda geleşikleriň 17-si hasaba alyndy.
Daşary ýurt walýutasyna Gonkongdan, Singapurdan, Owganystandan, Türkiýeden, BAE-den, Beýik Britaniýadan we Azerbaýjandan gelen işewürler Türkmenbaşydaky nebiti gaýtadan işleýän zawodlar toplumynda öndürilen awtobenzini, polietileni, tehniki kükürdi we polipropileni satyn aldylar. Şeýle-de Türkmenistanyň Dokma senagaty ministrliginiň dokma toplumlarynda öndürilen dürli görnüşli matalar satyldy. Geleşikleriň jemi bahasy ABŞ-nyň 24 million 168 müň 390 dollaryna barabar boldy.
