Ýurdumyzyň zähmetsöýer daýhanlary, edermen kärendeçileri, ussat bagbanlary şu ýyl hem oba hojalyk önümleriniň bol hasylyny ýetişdirip, ony isripsiz ýygnamak işlerini alyp barýarlar.
Şu günler Daşoguz welaýatynda hem ýetişdirilen pagtanyň ýygymynyň depginini has-da güýçlendirmek bilen hasyly gysga wagtda, ýitgisiz ýygnap almak üçin ähli zerur çäreler görülýär. Ýygym möwsüminde kombaýnlaryň, awtoulaglaryň we beýleki tehnikalaryň, pagta arassalaýjy kärhanalaryň, harmanhanalarynyň doly güýjünde işledilmegi dowam edýär. Pagtaçylar üçin zerur bolan iş we durmuş şertleri döredilýär.
