Düýn — 14-nji noýabrda «Esger» gazetiniň redaksiýasynyň guramagynda «Parahatlyk geljege iň mukaddes mirasdyr» atly döredijilik duşuşygy geçirildi. Ol paýtagtymyz Aşgabatdaky Erkin döredijilik mekanynda guralyp, oňa Türkmen döwlet neşirýat gullugynyň wekilleri, halypa ýazyjylar, žurnalistler we talyp ýaşlar gatnaşdy.
Duşuşykda çykyş edenler milli Liderimiz Gahryman Arkadagymyzyň adyl ýoluny dowam etdirýän hormatly Prezidentimiz Serdar Berdimuhamedowyň sebitde we dünýäde parahatçylygy, agzybirligi, hoşniýetliligi, birek-birek bilen ynanyşmagy gazanmak barada alyp barýan syýasaty, onuň adamzat jemgyýetine ýetirýän oňyn täsirleri dogrusynda gürrüň edildi.
