Hünär bäsleşiginiň jemi jemlendi

Jemgyýet
1 Noýabr 2024
303

Golaýda Türkmenistanyň Jemgyýetçilik guramalarynyň mekezinde Türkmenistanyň Kärdeşler arkalaşyklarynyň Awiasiýa we aragatnaşyk işgärleriniň kärdeşler arkalaşygynyň geňeşiniň guramagynda dabara geçirildi. Dabaranyň dowamynda kärdeşler arkalaşygynyň Türkmenistanyň Ministrler Kabinetiniň ýanyndaky Ulag we kommunikasiýalar agentliginiň «Türkmenhowaýollary» hem-de «Türkmenaragatnaşyk» agentlikleri bilen bilelikde yglan eden «Öz käriniň ussady» atly bäsleşiginiň jemi jemlendi. «Pähim-paýhas ummany Magtymguly Pyragy» ýylynda bäsleşige atlary agzalan agentliklerde zähmet çekýän kärdeşler arkalaşygynyň işjeň agzalary gatnaşdy. Emin agzalary tarapyndan şolaryň  8-si ýeňiji diýlip yglan edildi. Ýeňijilere Arkadagly Gahryman Serdarymyzyň adyndan sowgatlar we Hormat hatlary gowşuryldy.

«Watan».
Beýleki habarlar