Diýarymyzda Türkmen alabaýynyň baýramy giňden bellenip geçildi
Halkymyzyň durmuşynda ähli döwürlerde uly orun eýeläp, milli buýsanjymyza öwrülen türkmen alabaýlarynyň sarpasy bu günki gün belent tutulýar. Munuň şeýledigini 27-nji oktýabrda ýurdumyzda giňden bellenilen Türkmen alabaýynyň baýramy hem ýene bir gezek tassyklady. Baýramçylygyň çäklerinde sergiler, maslahatlar, alabaýlaryň daşky keşbini şekillendiriş we amaly-haşam sungaty eserlerinde çeper beýan etmek boýunça döredijilik bäsleşikleri, aýdym-sazly çykyşlar we beýleki medeni çäreler geçirildi.
