Düýn — 11-nji oktýabrda Magtymguly Pyragynyň doglan gününiň 300 ýyllygy mynasybetli paýtagtymyzda «Döwürleriň we siwilizasiýalaryň özara arabaglanyşygy — parahatçylygyň we ösüşiň binýady» atly halkara forum geçirildi. Hormatly Prezidentimiziň we dünýäniň çar künjünden ýokary derejeli myhmanlaryň gatnaşmagynda geçirilen forumyň öňüsyrasynda akyldar şahyryň Köpetdagyň etegindäki ýadygärligine gül desseleri goýuldy.
Magtymgulynyň we ata-babalarymyzyň döwletlilik ýörelgeleri, wagyz-nesihatlary bilen kämil raýat jemgyýetini kemala getirmäge aýratyn üns berilmegi, elbetde, döwletimiziň agzybir, zähmetsöýer halkymyzyň abadançylygynyň kepilidir.
