Ahal welaýat kitaphanasynda “Pähim-paýhas ummany Magtymguly Pyragy” ýyly mynasybetli duşuşyk geçirildi. Türkmenistanyň Demokratik partiýasynyň welaýat komitetiniň hem-de welaýat kitaphanasynyň bilelikde guramagynda geçirilen duşuşyga talyp ýaşlar, Ak bugdaý etrabyndan partiýa işjeňleri gatnaşdy.
Duşuşyga gatnaşyjylar, ilki bilen, ýörite guralan kitap sergisine aýlanyp gördüler. Gahryman Arkadagymyzyň we Arkadagly Gahryman Serdarymyzyň gymmatly kitaplary sergä bolan gyzyklanmany artdyrdy. Kitaphana işgärleri şol ajaýyp kitaplar hakda ýaşlara täsirli gürrüň berdiler.
