Ýakynda TDP-niň Esenguly etrap komiteti etrap hassahanasynda Türkmenistanyň saglygy goraýyş we derman senagaty işgärleriniň güni mynasybetli «Halkyň saglygy — ýurduň baýlygy» ady bilen wagyz-nesihat duşuşygyny geçirdi. Oňa saglyk ulgamynyň işgärleri, jemgyýetçilik guramalarynyň wekilleri, ýaşulular gatnaşdy.
Duşuşygyň dowamynda çykyş edenler hormatly Prezidentimiziň tagallalary netijesinde ýurdumyzda her bir adamyň saglygyny goramak üçin alnyp barylýan işler dogrusynda gürrüň berdiler. Şeýle hem ata Watanymyzda saglyk öýleriniň, hassahanalaryň yzygiderli gurulýandygynyň ähmiýeti barada aýtdylar.
