Syrly hüjrede
Ol babasy Orazmuhammet we obadaşlary bilen hoşlaşyp, medresä tarap ugrady. Magtymguly Şirgazy hanyň medresesine gelende gün guşluk bolupdy. Bu wagt medresäniň öňünde talyplar ýygnanyşyp, mesawy gürrüň edýärdiler. Magtymguly olara salam berdi. Talyplar at üstünden düşen türkmen ýigidini güler ýüz bilen garşy aldylar. Olaryň içinden bir ýigdekçe ylgap gelip, Magtymgulyny gujaklady. Bu Nury Kazymdy. Dostlar gadyrly görüşdiler. Gögeldaş medresesini, talyp ýoldaşlaryny ýatladylar.
