"Zaman-Türkmenistan"

Esaslandyryjysy: "Zaman-Türkmenistan" Hojalyk jemgyýeti
Salgysy: Aşgabat şäheri, Gündogar köçesi, 10 A
Telefon belgileri: 28-14-05

Gazeti PDF görnüşinde ýükläp almak

Habarlar

Ýüpekçilikde möhüm möwsüm

Bahar paslynyň gelmegi bilen, daş-töweregimizi gurşap alan tebigata jan girdi. Daragtlar pyntyklap, gülläp, ýaprak ýaýyp başladylar. Tut agaçlary-da özüniň ýüpek ýapraklarynyň ujuny görkezdi. Şeýle günlerde hormatly Prezidentimiziň ýurdumyzda 2021-nji ýylda pile öndürmek hakynda Karara gol çekmegi ýüpekçileri örän begendirdi. «Türkmenistan — parahatçylygyň we ynanyşmagyň Watany» ýylynda ýurdumyz boýunça 2100 tonna çig pile öndürmek baradaky wezipe ýurdumyzyň ýüpekçileriniň öňünde belent borç bolup durýar. Halkymyz bu pudagy üstünlikli alyp barmak bilen, baý tejribe toplady. Ata-baba ýörelgesini dowam etdirip, ýüpekçilerimiz pileden diňe bir ýüpek matalary, halylary dokamak bilen çäklenmän, onlarça görnüşli önümleri öndürmegi hem ýola goýdular.

19 Mart 2021

Oba hojalyk

Ýer bilen baglanyşykly sözler

Par — öňki ýyl sürlen ýer.Atyz — daş-töweregine çil çekilen ýer.Ýanaw — ýapgyt ýer.Çeltik — şaly ekiljek yzgarly ýer.Depiz — sähralarda ýerleşýän daş-töweregini gum gurşap alan şor ýer.Ala — üstüne gyrymsy çöp biten çäge gatyşykly takyrlar.Aklaň — üstünde selçeň ösümlik bitýän ullakan çägeli depe.Daz — ösümlik bitmeýän şor ýer.Şirem — iki derýanyň arasyndaky ýer.Akyn — ýagyş suwunyň akan ýeri.Peýkal — bölek ekin meýdany.Pyşda — joýanyň arasyndaky boş ýer.Nurhorda — dökün dökülen ýer.Tagta — tekiz düzlük, iki jülgäniň aralygyndaky tekizlik.Bil — görnüşine görä ýer.Guzaý — bir tarapyna Gün düşýän ýer.Çagat — ösümligi az otly ýer.Ýazy — sähralyk otuň bol ýeri.Şüdügär — sürlüp goýlan ýer.Kak — takyrlarda ýagyş suwunyň ýygnanýan ýeri.Jezire — dört tarapy suw bilen gurşalan ýer.Ak gaýyr — derýanyň suwunyň çekilen ýeri.

18 Mart 2021

Oba hojalyk

Azyk berekedi ugrunda

Türkmenistanyň Oba hojalyk we daşky gurşawy goramak ministrliginiň «Balkanazyk» önümçilik birleşiginiň Serdar şäherindäki azyk önümleri kärhanasynda «Türkmenistan — parahatçylygyň we ynanyşmagyň Watany» ýylynyň ýanwar-fewral aýlarynda öwgä mynasyp işler bitirildi. Has takygy, geçen iki aýda bu ýerde gaýtadan işlenen 2 müň 417 tonna pagta çigidinden 375 tonna ýokary hilli azyklyk ýag taýýarlanylyp, meýilnama artygy bilen berjaý edildi. Şeýle hem kärhanada taýýarlanylýan ýokary hilli et we süýt önümlerine bolan isleg hem barha artýar. Muňa geçen hasabat döwründe söwda nokatlaryna 20 tonna et we 27 tonna süýt önümleriniň göze gelüwli gaplara gaplanylyp ugradylmagy hem aýdyň görkezýär. Bu görkezijiler geçen ýylyň degişli döwri bilen deňeşdirilende ep-esli köpdür. Önümçilik işleriniň amala aşyrylmagy bilen gürrüňi edilýän döwürde bu ýerde pul hasabynda bitirilen işleriň möçberi 1 million 294 müň manatdan hem köp boldy.

18 Mart 2021

Oba hojalyk

Daýhanlaryň ygtybarly daýanjy

Oba hojalyk ekinlerinden bereketli hasyl öndürmekde, möwsümleýin agrotehniki çäreleri öz wagtynda we ýokary hilli geçirmekde täze tehnologiýalar bilen enjamlaşdyrylan tehnikalaryň ähmiýeti uludyr. Bu babatda mehanizatorlar daýhanlaryň iň ýakyn ýardamçylarydyr. Görogly etrap Tehniki hyzmat ediş kärhanasynda dünýäniň abraýly kompaniýalarynyň öndüren «Case», «CLAAS», «Ahion-850», «John Deere», «Belarus-1221» kysymly sürüm traktorlarynyň 47-si, şeýle-de «СLAAS AHOS-340» bejergi traktorlarynyň 39-sy, däne we pagta ýygnaýan kombaýnlaryň 69-sy bar. Olaryň kömegi bilen 2020-nji «Türkmenistan — Bitaraplygyň mekany» ýylynda etrapda galla hem-de pagta meýdanlarynda düzlemek, sürüm, ekiş, hatarara bejeriş-ideg, ýygym işleri ýokary derejede amala aşyryldy. Şol sanda abatlaýyş ussahanasynda we beýleki ýerlerde işler talabalaýyk ýerine ýetirildi.

17 Mart 2021

Oba hojalyk

Daýhan ýörelgesi

Geçen ýyl Hasyl toýunyň öň ýanynda hormatly Prezidentimiziň Permany esasynda oňa ýokary döwlet sylagy — Türkmenistanyň «Watana bolan söýgüsi üçin» medaly gowşuryldy. Bu onuň köp ýyllaryň dowamynda çeken halal zähmetine, yhlas-başarnygyna berlen ýokary baha, kalbyny guwançdan dolduran waka boldy. Elbetde, beýleki kärlerde bolşy ýaly, daýhançylykda hem şeýle ýakymly pursatlara, uly tejribä ýetilýänçä ýadawsyz zähmet çekmeli  bolýar. Dogry, bir ýylyň dowamynda-da ýerden bol hasyl alyp, ýokary netije gazanmak mümkin. Ýöne bu entek hakyky daýhan bolandygyňy aňlatmaýar. Ol diňe uly ýoluň başlangyjy bolup biler. Soň şol ýol bilen irginsiz hem-de dogry ýörän adamyň şeýle derejeleriň buýsanjyny başdan geçirjekdigine şübhe ýok.

17 Mart 2021

Oba hojalyk

Oba hojalyk habarlary

TEHNIKALAR MÖWSÜME TAÝÝARS.A.Nyýazow adyndaky etrabyň S.Rozmetow adyndaky oba hojalyk paýdarlar jemgyýeti bagtyýarlyk döwrümiziň her ýylynda dürli görnüşli oba hojalyk önümlerini öndürmekde ýokary netijeleri gazanyp gelýär. Munuň özi hojalykda ýylyň dowamynda derwaýys çäreleriň öz wagtynda hem-de ýokary hilli amala aşyrylmagy bilen baglanyşyklydyr. Paýdarlar jemgyýetiniň zähmetsöýer kärendeçileri, mehanizatorlary «Türkmenistan — parahatçylygyň we ynanyşmagyň Watany» ýylynyň golaýlap gelýän gowaça ekişi möwsümine hem oňat taýýarlyk görýärler. Olar şu günler ýerleri möwsüme taýýarlamak boýunça zerur işleri talabalaýyk alyp barmak bilen, onuň ilkinji pursatlardan ýokary depgine eýe bolmagyna şert döredýärler.

17 Mart 2021

Oba hojalyk

Ýokary netijeler ugrunda

Gyş paslynyň tamamlanyp, ýaz paslynyň gelmegi bilen obahojalykçylaryň iş-aladalary has-da gyzgalaňly häsiýete eýe bolýar. Häzirki wagt maldarlar üçin jogapkärli möwsüm, owlak-guzy almak, mallaryň baş sanyny artdyrmak wezipesi örboýuna galýar. Mallary gyşdan dok we abat alyp çykan çopan toparlarynda owlak-guzy almak möwsümi üstünlikli başlandy we dowam edýär. Welaýatymyzyň maldarlary hem möwsümleýin işleriň her birini guramaçylykly geçirmegiň hötdesinden gelýärler. Türkmenistan — parahatçylygyň we ynanyşmagyň Watany ýylyny üstünliklere besläp, ýokary netijeleri gazanmak üçin welaýat oba hojalyk önümçilik birleşiginiň garamagyndaky maldarçylyk hojalyklarynyň agzybir, zähmetsöýer işgärleri, çopan-çoluklary, weterinar lukmanlary tutanýerli zähmet çekýärler. Hormatly Prezidentimiziň goldawlaryndan, özleri hakynda edýän irginsiz aladalaryndan ruhlanyp işleýän maldarlar, ilaty ýokary hilli azyk önümleri bilen üpjün etmek, mallardan bol önüm alyp, baş sanyny artdyrmak üçin ýaryşyp işleýärler. Bu möwsümi ýokary netijelere besläp, abraýly jemlemek üçin işler guramaçylykly alnyp barylýar.

17 Mart 2021

Oba hojalyk

Maldarçylykda jogapkärli möwsüm

Ak bugdaý etrabynyň maldarlary dowarlardan owlak-guzy, düýelern köşek almak boýunça jogapkärli möwsümi guramaçylykly alyp barýarlar. Mukads Garaşsyzlygymyzyň şanly 30 ýyllygynyň uludan toý ediljek ýylynda etrap boýunça dowarlardan sagdyn owlak-guzularyň 48 müň 710-syny, düýelern köşegiň 1 müň 528-sini almak meýilleşdirilýär. Häzirki güne çenli alnan owlak-guzularyň we köşegiň sany maldarlaryň bu möwsümi ýokary görkezijiler bilen jemlejekdigine ynamy artdyrýar. Jogapkärli möwsüm etrabyň aýry-aýry hojalyklarynyň çöl merdanalarynyň alyp barýan işleri aýratyn bellenilmäge mynasypdyr. Etrabyň Magtymguly adyndaky, «Gäwers», «Ýalkym», «Ýerbent» daýhan birleşikleriniň maldarlary babatynda şeýle diýmek bolar. Agzalan hojalyklaryň maldarlarynyň dowarlardan owlak-guzy, düýelern köşek almak boýunça meýilnamalaryna höt geljek günleri uzakda däl. Ýeri gelen, maldarçylykdaky möhüm möwsümiň dowam edýän häzirki günlerin Türkmenistanyň Kärşler arkalaşyklarynyň etrap birleşmesiniň, Türkmenistanyň Magtymguly adyndaky Ýaşlar guramasynyň etrap Geňeşiniň wekilleriniň hem çopan goşunda bolup, çopan-çoluklaryň armasyny ýetirýändigini bellemek gerek.

16 Mart 2021

Oba hojalyk

«Ekiniň hemdemi, ýeriň ýarany»

Magtymguly Pyragynyň bu setirini ýöne ýerden sözbaşa çykarmadyk. Hakyň didaryny gören gudratly suwuň dirilik çeşmesidigi barada «Suw damjasy — altyn dänesi», «Suwly ýer — gülli, suwsuz ýer — ýelli», «Suw — hasylyň enesi» diýen ýaly pähimler döräpdir. Elbetde, suwsuz ýaşaýşyň ýokdugy hemmä düşnükli hakykat. Çünki suw biosferanyň iň wajyp elementleriniň biri. Ekerançy alymlaryň pikirine görä, ösümlik alýan suwunyň her 1000 gramyndan diňe iki gramyny organiki maddalary emele getirmek üçin harçlaýar. Galan 998 gramyny bolsa bugardyp goýberýär. Şeýlelikde, tebigatda ähli janly-jandaryň ýaşamagy üçin zerur bolan suw aýlanyşygy geçýär. Aýry-aýry ösümlikleriň suwy sarp edişi birmeňzeş bolmaýar. Mysal üçin, bir kilogram bugdaý dänesini ösdürip ýetişdirmek üçin, ol kemala gelýänçä, ortaça, 750 litr suw harçlanýar. Bir kilogram arpanyň ýa-da ýeralmanyň doly hasyl bermegi üçin bolsa 1250 litr suwy harç etmeli bolýar. Şundan görnüşi ýaly, ýurdumyzda öndürilýän oba hojalyk önümleri üçin ägirt uly möçberde suw gerek. Şunça mukdardaky suw gorlaryny döredip, ondan netijeli we tygşytly peýdalanmak şu günüň möhüm wezipesi bolup durýar. Eýsem, şu günki günde biz bu işiň hötdesinden gelip bilýärismi? Ine, bu barada hormatly Prezidentimiz şu ýylyň 3-nji fewralynda ýurdumyzyň oba hojalyk toplumyny ösdürmek boýunça geçiren maslahatynda aýratyn durup geçdi.

16 Mart 2021

Oba hojalyk

Irki ekinler ekilýär

«Türkmenistan — parahatçylygyň we ynanyşmagyň Watany» ýylynda welaýatymyzyň ýer eýeleri bazarlarymyzy dürli görnüşli azyk önümleri bilen üpjün etmäge, oba hojalygynyň düşewüntliligini ýokarlandyrmaga, ýurdumyzy berekediň, bolçulygyň mekanyna öwürmäge mynasyp goşant goşmak maksady bilen oba hojalyk ekinleriniň irki ekilýän birnäçe görnüşleriniň ekişine guramaçylykly girişdiler.

15 Mart 2021

Oba hojalyk

Tehnikaň saz — muşakgatyň az

Gyş paslynyň tamamlanmagy bilen daýhanlar üçin jogapkärli möwsüm başlanýar. Baharyň gelmegi bilen «Gyş gamyny ýaz iý» diýlenine eýerilip, dürli ekinler ekilýär. Esasan hem kärende ýerlerinde gowaça ekişi gyzgalaňly ýagdaýa eýe bolýar. Gowaça ekişini öz wagtynda we ýokary hilli geçirmek bol hasyl almagyň girewidir. Bu işde esasan daýhanlar tehnika güýjüne daýanýarlar. Şoňa görä hem şu günler daýhan birleşiklerinde we etraplaryň tehniki hyzmat ediş kärhanalarynda jogapkärli möwsüm — gowaça ekişine taýýarlyk işleri giň gerimde ýaýbaňlanýar. Kärendeçi daýhanlar kärende ýerleriniň gyralaryny, ýapdyr salmalary arassalamak işleri bilen meşgul bolýarlar. Gowaça ekişine taýýarlyk işlerinde esasan tehnikalara daýanylýar. «Tehnika — daýhanyň ygtybarly daýanjy» diýlip hem şonuň üçin aýdylan bolsa gerek. Tehnika birnäçe adamyň bir günde etjek işini sähel salymyň içinde ýerine ýetirmegi başarýar. Şeýlelikde, tehnikanyň bahasyna ýetip bolmajak gymmatynyň bardygyna göz ýetirse bolýar. Ýöne diňe tehnikanyň bolany bilen oňa düşünýän hünärmenler bolmasa onuň bir özüniň etjek işi ýok. Şonuň üçin traktorlara tirkelýän abzallary, gurallary dogry düzmegi we talaba laýyk ulanmagy başarýan hünärmenlerdir mehanizatorlar gerek. Daýhan birleşiklerinde we tehniki hyzmat ediş kärhanalarynda işiniň ussady bolan tejribeli hünärmenler, abatlaýjy ussalar, mehanizatorlar zähmet çekýärler. Mehanizatorlar özleri

15 Mart 2021

Oba hojalyk

Oba hojalygy: bahar aladalary

Baýramaly etrabynyň «Mekan» daýhan birleşiginiň kärendeçisi Muhammetmyrat Aşyrow hojalykda öňdebaryjy kärendeçileriň biridir. Onuň 6 gektar kärende ýeri bolup, oňa bugdaýdyr pagta ekip, her ýyl bereketli hasyl almagy başarýar. Muhammetmyrat aga üstümizdäki — Türkmenistan — parahatçylygyň we ynanyşmagyň Watany ýylynyň hasyly üçin kärende ýerine bugdaý ekdi. Ol «Yhlasly ideg — gowy netije» diýlenine eýerip, ak ekiniň idegini kemsiz ýetirýär. Ol şu günler bugdaýy iýmitlendirmek, suw tutmak işleri bilen meşgul bolýar.

15 Mart 2021

Oba hojalyk

Üstünliklere beslenýän zähmet

Ýylyň-ýylyna bolşy ýaly, welaýat oba hojalyk önümçilik birleşiginiň Serhetabat etrap maldarçylyk hojalygynyň maldarlary Türkmenistan — parahatçylygyň we ynanyşmagyň Watany ýylynda hem dowarlaryň owlak-guzy möwsümine guramaçylykly girişdiler. Owlak- -guzy möwsümi geçirilmeli ýerlerde arassaçylyk işleri geçirilýär. Üstümizdäki ýylda etrap boýunça dowarlaryň baş sany 287867-ä ýetirilip, şol sanda önüm bermeli ene goýunlaryň baş sany 170957 bolup, olardan sagdyn, tohum guzy almak işleri giňden ýaýbaňlanýar. Dowarlaryň owlak-guzy möwsüminde 158943 sany guzy almaklygy meýilleşdirýän çopan toparlarymyzyň gadamlary batly, ümzükleri öňe. Ýaşyl ýaýlalarda dünýä täze inen guzujyklaryň mäleşýän sesleri sähra guşlarynyň sesleri bilen utgaşyp, täsin bir mukam bolup ýaňlanýar. “Guşgy”, “Çemenabat”, “Serhetçi” maldarçylyk hojalyklary dowarlardan önüm almaklygy üstünlikli geçirýärler. Şu ýyl maldarçylyk hojalyklarynyň çopan toparlarynyň yhlasy bilen işler tutanýerli alnyp barylýar. Bu işde tejribeli çopan toparlarynyň goşantlary uludyr.

15 Mart 2021

Oba hojalyk

Gök önümleriň berekedi

Täze taryhy döwrümizde ýurdumyzyň ykdysady kuwwatynyň artmagyna hususy pudagyň wekilleri saldamly goşant goşýarlar. Olaryň agrosenagat toplumynda alyp barýan işleri has-da guwandyryjydyr. Welaýatymyzyň Gökdepe etrabynda ýyladyşhana şertlerinde gök önümleriň dürli görnüşlerini öndürýän telekeçileriň sanynyň ýylsaýyn artmagy bu ugurda begenç bilen bellenilmäge mynasypdyr. Işi barha ilerleýän şeýle döwrebap ýyladyşhanalaryň biri-de, telekeçi Jennet Öwezowa degişli ýyladyşhana toplumydyr.

14 Mart 2021

Oba hojalyk

Ýurdumyzda 2 müň 100 tonna pile öndüriler

12-nji martda hormatly Prezidentimiz Gurbanguly Berdimuhamedow sanly ulgam arkaly Türkmenistanyň Ministrler Kabinetiniň nobatdaky mejlisini geçirdi. Onda döwlet durmuşyna degişli möhüm meseleler ara alnyp maslahatlaşyldy we käbir resminamalaryň taslamalaryna garaldy. Mejlisiň dowamynda Ministrler Kabinetiniň Başlygynyň orunbasary E.Orazgeldiýewe söz berildi. Wise-premýer ýurdumyzyň ekerançylyk meýdanlarynda alnyp barylýan möwsümleýin oba hojalyk işleri, azyk bolçulygyny üpjün etmek maksady bilen durmuşa geçirilýän çäreler barada hasabat berdi.

14 Mart 2021

Oba hojalyk

Milli Liderimiziň be­ýik baş­lan­gy­jy:

Ta­ry­hyň sa­ra­lan sa­hy­pa­la­ryn­dan bil­şi­miz ýa­ly, ata Wa­ta­ny­myz ga­dy­my eke­ran­çy­ly­gyň dö­rän me­ka­ny­dyr. Bu gün bol­sa, hor­mat­ly Pre­zi­den­ti­mi­ziň pa­ra­sat­ly baş­lan­gy­jy bi­len bol­çu­ly­gyň, be­re­ke­diň ýur­du­dyr. Eke­ran­çy­ly­gyň esa­sy şert­le­ri­niň bi­ri suw bol­çu­ly­gy­dyr. Dün­ýä­de uzyn we süý­ji suw­ly der­ýa­la­ryň bi­ri bo­lan Amy­der­ýa­nyň ha­na­sy­nyň köp bö­le­gi döw­le­ti­mi­ziň çä­gin­den akyp geç­ýär. Ýur­duň äh­li eke­ran­çy­lyk ýer­le­ri­niň 95 gö­te­ri­me go­la­ýy şu der­ýa­nyň kö­me­gi bi­len su­wa­ryl­ýar. Şu nuk­daý­na­zar­dan suw se­riş­de­le­ri­ni tyg­şyt­ly we re­je­li peý­da­lan­ma­gyň, ony eg­sil­mek­den we ha­pa­lan­mak­dan go­ra­ma­gyň yl­my taý­dan esas­lan­dy­ry­lan has ne­ti­je­li usul­la­ry­ny iş­läp taý­ýar­la­mak we ka­nun­çy­lyk bin­ýa­dy­ny düz­gün­leş­dir­mek ba­bat­da hem yzy­gi­der­li iş­ler al­nyp ba­ryl­ýar. Ila­ty­my­zyň ýa­şa­ýyş-dur­muş şert­le­ri­ni mun­dan beý­läk-de go­wu­lan­dyr­mak hem-de arassa agyz su­wy bi­len üp­jün et­mek üçin 2010-njy ýy­lyň 4-nji okt­ýab­ryn­da «Agyz su­wy ha­kyn­da» Türk­me­nis­ta­nyň Ka­nu­ny güý­je gir­di. 2011-nji ýy­lyň 10-njy ýan­wa­ryn­da bol­sa, hor­mat­ly Pre­zi­den­ti­miz ýur­du­my­zyň ilat­ly ýer­le­ri­ni aras­sa agyz su­wy bi­len üp­jün et­me­giň Baş mak­sat­na­ma­sy­ny tas­syk­la­dy. Bu mak­sat­na­ma­da ila­ty­my­zy, şeý­le hem uzak­da­ky şä­her­çe­le­

14 Mart 2021

Oba hojalyk

Nar we injir baglarynyň idegi

Balkan welaýatynyň Magtymguly etrabynyň S.Nyýazow adyndaky subtropiki ekinleri ösdürip ýetişdirýän daýhan birleşiginiň kärendeçileri hem nar, injir, alma we beýleki gök-bakja önümlerini ösdürip ýetişdirmekde guwandyryjy netijeleri gazanýarlar. Geçen ýyl daýhan birleşiginde 270 gektar meýdany tutýan nar agaçlaryndan, 12 gektar meýdany tutýan injir agaçlaryndan ýokary hilli önüm alyndy. Has takygy, geçen ýyl daýhan birleşigi boýunça naryň we injiriň bol hasyly ýetişdirildi. Bu bolsa daýhan birleşigiň kärendeçileri tarapyndan bellenilen şertnamalaýyn borçnamanyň üstünlikli berjaý edilendigini aňladýar. Şeýle hem daýhan birleşigiň 15 gektar meýdanynda ýaş alma nahallary oturdylyp, olara ýokary derejede ideg edilýär. Tejribeli kärendeçiler Döwletýar Berkeliýew, Oguldursun Gaýypowa, Maýa Şapoladowa, Gubadan Berdiýewa daýhan birleşikde gazanylan üstünliklere özleriniň saldamly goşantlaryny goşýarlar. Birleşigiň ussat kärendeçi bagbanlary baglara yhlasly hyzmat etmek bilen, miwe berýän agaçlaryň ýokary hasyl bermegi we ýaňy oturdylan nahallaryň kadaly boý almagy üçin agrotehnikanyň talaplaryna laýyklykda iş alyp barýarlar. Şu günler kärendeçi bagbanlar baglaryň ak güllere bürenen meýdanlarynda möhüm çäreleri amala aşyrýarlar. Miweli agaçlara ideg işlerini ýokarlandyryp, olardan bol hasyl almak ugrunda tutanýerli zähmet çekýärler.

14 Mart 2021

Oba hojalyk

Kiwi agajyny ösdürip ýetişdirmek meýilleşdirilýär

Ata Watanymyzda dürli ösümlikleri ösdürip ýetişdirmäge, olardan datly miwedir ir-iýmişleri we gök-bakja ekin önümlerini almaga uly mümkinçilikler bar. Şoňa görä-de, biziň tebigatymyzyň ýabany ösümlik dünýäsi hem örän köpdürlüligi bilen tapawutlanýar. Ygally ýyllarda bahar aýlary dagetek düzlüklerinde, çöllük we sähra meýdanlarynda ýuwa ösümliginiň agdyklyk etmegi soganyň mekanydygyny aňlatsa, türşegiň bolmagy gawunyň, garpyzyň, ýabany sülebaşyň bolmagy süläniň, arpagan bolsa arpanyň, bugdaýyň ýabany görnüşleriniň bolmagy ak bugdaýyň watanydygyny ýene bir gezek subut edýär. Şeýle hem eziz Diýarymyz özge ýerlerde gaýtalanmaýan dürli görnüşdäki ir-iýmişleriň, şirinden-şeker miweleriň watanydyr. Mähriban ene topragymyzda öz Watanymyza mahsus bolan ekinlerden başga-da, gaýry ýurtlardan getirilip ekilýän, asla toprak-howa şertleri düýbünden başga bolan pürli agaçlar — eldar sosnasyny, možžewelnik, kiparis we tuýa arçasy ýaly agaçlaryň tohumyny ýygnamak, olary ösdürip ýetişdirmek tärlerini işläp düzmek ýa-da ozal ýabany ösýän meýdan ekinleri bolan türkmen arçasyny, ak sazagy, gyzyl gülälegi, üzärligi, göýüli ekerançylyk medeniýetine salmakda uly işler geçirilýär. Lebap welaýatynyň çäginde ösdürilip ýetişdirilýän, watany Gündogar Aziýa bolan Pawloniýa agajyny muňa mysal getirmek bolar. Bu agaç köp kislorod bölüp çykarmak bilen, howany arassalaýar we ýeňil gurluşyk senagaty üçin çig m

14 Mart 2021

Oba hojalyk

Sakarçägäniň banany

Berkarar döwletimiziň bagtyýarlyk döwründe hormatly Prezidentimiziň döredip berýän diýseň amatly şertlerinden peýdalanyp, ene topraga yhlasly ýapyşmak bilen, daşary ýurtlardan getirilýän azyk önümleriniň ornuny tutýan önümleriň bolçulygyny döretmäge isleg bildirýän işeňňir adamlaryň, telekeçileriň, hususyýetçileriňdir hojalyk jemgyýetiniň sany üzül-kesil artdy. Üç-dört ýyllykda Sakarçäge etrabynyň «Geňeş» daýhan birleşiginiň çäginde ýerleşen «Ferhar» hojalyk jemgyýeti hem şeýle asylly işe uly höwes bilen goşuldy. 2017-nji ýylda bu ýerde gurlan ýyladyşhanada oturdylan 2 müň düýp «Grantnina» görnüşli banan nahallarynyň biziň toprak-howa şertlerimize çalt uýgunlaşmagy, kesele durnuklylygy, öz-özünden köpelýändigi bilen ony ekip ýetişdirenleriň göwünlerini galkyndyrdy, bu ekine bolan höweslerini has hem artdyrdy. Sebäbi boýy 6 metre, esasy köküniň uzynlygy bolsa, 4 metre ýetýän banan agajynyň iň söýgüli iýmitiniň goýun, sygyr dersi ýaly ýerli dökünlerdigi, goşmaça-da möwsümine görä, azot, fosfor, kaliý ýaly mineral dökünleriň hem ýeterlik mukdaryny peýdalansaň, ýyladyşhanany daşky howa ýagdaýyna laýyklykda 24 — 30 gradus gyzgynlykda, 60 — 70 göterim derejedäki çyglylykda saklasaň, onda bu ekiniň eýesini dilgir etmejekdigine hojalyk jemgyýetiniň işewürleri ilkinji ýylda ymykly göz ýetirdiler. Şeýlelikde, jemi 1,32 gektar meýdany tutýan banan ýyladyşhanasyndan 2019-njy ýylda 49 tonna

14 Mart 2021

Oba hojalyk

Her damjasy eşrepi

Bu goja Zemindäki ýaşaýşy suwsuz göz öňüne getirmek mümkin däl. Aslynda, Zemine jan beren, barça janly-jandaryň, ösümlikleriň döremegine sebäp bolan suw ahbetin! Ýigrimi birinji asyrda, adam aňynyň has ösen döwründe-de suw ezeli ähmiýetini — ýaşaýyş gymmatyny birjik-de peseldenok. Öz akyl-paýhasy bilen Arş gämisini ýasap, ýedi gat asmana çykmagy başaran, köp zatlary kompýuterler arkaly dolandyryp bilýän adam, suwuň öňünde hemişe-de baş egýär. Ençeme aýlap Arş gämisinde ylmy işleri alyp barýan kosmonawtlar üçin zerur bolan iýmiti kiçijik gapjagazdaky emeli goýaltma ýa-da kindiwanja gerdejik bilen çalşyp bilen, başga-da zerur hasaplanan köp zatlaryň oruntutarlaryny döredip bilen adamyň suwy hiç bir zat bilen çalyşmaga, onuň oruntutaryny döretmäge heniz-henizler-ä akyly çatanok. Bu geljekde-de başardar öýdemok. Çünki ähli zatlary döretmekde suw derwaýys bolsa-da, göräýmäge adaty zat hasaplanylýan bu gudratyň oruntutaryny döretmek welin, asla mümkin däl. Dogry, soňky döwürlerde internet saýtlarynda alymlaryň howadan suw almagy başarandyklary ýa-da suwuň külke görnüşini döredendikleri baradaky habarlar gabat gelýär. Ýöne howanyň düzüminde-de suwuň bardygyny ýatlasak, onda howadan suw almak onuň oruntutarynyň döredilendigini aňlatmaýar. Suwuň külke görnüşi hakynda aýdylanda bolsa, dünýä howasynyň maýlamagy bilen bagly meýilnamanyň çäklerinde Beýik Britaniýanyň alymlary suwy owuntyk g

12 Mart 2021

Oba hojalyk