Türkmenmetbugat

"Türkmenistan Sport" Halkara žurnalynyň elektron goşundysy

Esaslandyryjysy: Türkmenistanyň sport we ýaşlar syýasaty ministrligi
Salgysy: Aşgabat şäheri, B.Saparmyrat Türkmenbaşy şaýoly 54
Telefon belgileri: 22-81-38

Gazeti PDF görnüşinde ýükläp almak

Habarlar

Ösüşde okgunly ädimler ädilýär

Bu gün ýurdumyzyň ähli ýerinde bolşy ýaly, Lebap welaýatynyň daýhanlary hem ýere hyzmat etmäge, ondan has ýokary hasyl almaga ruhlandyrýan özgertmeleri üçin ýurt Baştutanymyza tüýs ýüreklerinden çykýan hoşallyk sözlerini aýdýarlar. Sebäbi hormatly Prezidentimiziň 2018-nji ýylyň 25-nji sentýabrynda geçirilen Türkmenistanyň Halk Maslahatynyň birinji mejlisinde obasenagat toplumynyň işini üýtgedip gurap, ýerden bol hasyl almagyň, düýpli özgertmeleri geçirmegiň hem-de dolandyryş usullaryny kämilleşdirmegiň amatly ýollaryny salgy beren teklipleri we şolaryň esasynda Halk Maslahatynyň çykaran Kararlarynyň üstünlikli durmuşa geçirilip ugramagy daýhanlaryň durmuşyny bütinleýin özgertdi. Toprakdan önüm öndürýän daýhanlaryň ruhlary belende göterilip, zähmet gadamlary has batlandy. Olar şanly Garaşsyzlygymyzyň 30 ýyllyk toýuna mynasyp zähmet sowgatlary bilen barmak üçin has-da gujur-gaýrata galýarlar. Welaýatyň oba hojalyk pudagyndaky oňyn özgerişlikler, pudagyň maddy-enjamlaýyn binýadynyň yzygiderli berkidilmegi, daşary ýurtlaryň kämil tehnikalarynyň satyn alnyp berilmegi ýokary netijeleri gazanmak üçin oňaýly şertleri döredýär. Has dogrusy, daýhanlaryň zähmet çekmäge, ýokary netijeleri gazanmaga bolan isleglerini artdyrýar. Hormatly Prezidentimiziň başlangyjy bilen 2019-njy ýyldan başlap, azyklyk bugdaýyň we pagtanyň, piläniň döwlet satyn alnyş nyrhlaryna täzeden seredilmegi, ýok

7 Fewral 2021

Öňde möhüm möwsüm

Gyş pasly öz ornuny mylaýym ýaz paslyna berip, ýere ýyly girenden soňra ýurdumyzyň daýhanlarynyň ýaz aladalary başlanýar. Olaryň hatarynda ýazky gowaça ekiş möwsümine aýratyn orun degişlidir. Gymmaty altyna deňelýän pagta hasylynyň düýbüni tutmak işlerine ýurdumyz boýunça döwlet derejesinde örän jogapkärli çemeleşilýär. Çünki pagta hasyly Berkarar döwletimiziň aýratyn baýlyklarynyň biridir. Muňa Ahal welaýatynyň oba hojalyk önümçilik birleşigine degişli bolan etrap tehnikalara hyzmat ediş kärhanalarynyň abatlaýjylary-da oňat düşünmek bilen, «Türkmenistan — parahatçylygyň we ynanyşmagyň Watany» ýylynyň ýazky ekiş möwsümine gurat tehnikalar bilen doly taýýarlykly barmak ugrunda özleriniň yhlasly zähmetlerini gaýgyrmaýarlar. Şeýle kärhanalaryň biri hem Ak bugdaý etrabynyň Tehniki hyzmat ediş kärhanasydyr.

7 Fewral 2021

Tagamy datly türkmen ýeralmasy

Ýurdumyzyň Ahal, Balkan, Daşoguz, Lebap, Mary welaýatlarynda ýeralma ekip ýetişdirýän telekeçileriň we kärendeçileriň sany indi ýylsaýyn artýar hem-de türkmen ekerançylary geçen ýyl ýurt boýunça müňlerçe gektar meýdana ýeralma ekip, ondan bol hasyl almagy başardylar. Geçen asyryň kyrkynjy ýyllaryndan soň, türkmen Diýaryndaky mes toprakly ýerlerde badat, ýeralma ekmek has rowaçlanyp başlaýar. Eýýäm ellinji ýyllaryň ikinji ýarymynda Aşgabat şäheriniň günbatarynda ýerleşen Köşi, Ýalkym, Gökje, Bagyr, Gurtly… ýaly obalaryň ekin meýdanlarynda türkmen daýhanlary ir we giç ýetişýän ýeralmalary ekip, olardan örän ýokary hasyly ýygnamagy başarypdyrlar. Netijede, ol obalarda ýeralma ýetişdirmek boýunça ussat ekerançylar nesli kemala gelipdi.

7 Fewral 2021

Köşekler geçen ýylkydan köp bolar

Hormatly Prezidentimiziň düýedarçylygy ösdürmek baradaky tabşyryklaryndan ugur almak bilen, «Türkmenistan — parahatçylygyň we ynanyşmagyň Watany» ýylyny zähmet üstünliklerine beslemegi öz öňlerinde baş wezipe edip goýýan Sakarçäge etrabynyň «Sakarçäge» maldarçylyk hojalygynyň agzybir sarwanlary hem gyş paslynyň şu günlerinde gaýratly zähmet çekýärler. Çünki bu ýerde bar bolan çopan toparlarynyň ählisi hem öz işlerine tüýs ýürekden berlen, düýedarçylykdan oňat baş çykarýan, ýylyň islendik paslynda-da düýeleri horlaman orta we ýokary semizlikde saklap bilýän galjaň maldarlardan ybarat. Hut şonuň üçin hem olar düýelerden önüm almakda ýylyň-ýylyna gowy netije gazanyp, işleriň ilerlemegine mynasyp goşant goşup gelýärler. Hojalygyň sarwanlary geçen ýylda-da bu babatda gowy görkezijiler gazandylar. Has takygy, geçen ýyl bu ýerde bakylýan düýelerden 661 köşek alyndy.

7 Fewral 2021

Anyklaýjy dronlar

XXI asyryň esasy tehnologiýa täzelikleriniň biri bolan dron kameralarynyň mümkinçilikleri barha artýar. Ýakynda Ysraýylyň we Braziliýanyň alymlary oba hojalyk maksatly dronlaryň täze görnüşini işläp taýýarladylar. Has takygy, täze kamera sitrus miweleriniň ösüşi we onuň ösüşini bökdeýän ýagdaýlar barada maglumatlary toplap, eýesine habar berýär. Bu kameralary Ysraýylyň «Agrowing» we Braziliýanyň «VetorGEO» kompaniýalarynyň hünärmenleri işläp düzdüler.

7 Fewral 2021

Kömelek ekini gorar

Bugdaýa degýän käbir keselleri kömelek sporalary bilen hem bejerip boljak ekeni. Bu teklibi Daniýanyň Kopengagen uniwersitetiniň alymlary öňe sürýärler. Olar bugdaýyň aphid infestasiýalaryna garşy göreşijiligini ýokarlandyrmak üçin kömelegiň üç görnüşiniň täsirini öwrendiler. Uniwersitetiň alymlary tarapyndan alnyp barlan taslamanyň wekilleriniň biri bolan Nikolaý Witt Meýling: «Synaglarda käbir himiki serişdelerden hem peýdalanyp, kömelekleriň ösümlikleri goramak ukybynyň bardygyny ýüze çykardyk. Olaryň ösümlige täsirini hem synag edip gördük. Netije gowy» diýýär.

7 Fewral 2021

BAE-de dik ekinzarlyk taslamasy

Ekerançylyk meýdanlarynyň birnäçe gektar giňlige däl-de, birnäçe metr beýiklige uzajakdygyny göz öňüne getireliň!. Ýagny ekin häzirkisine görä, wertikal görnüşde — dikligine ýetişdiriler. Eýýäm bu babatynda käbir tutumlaryň hem başy başlandy. Ysraýylyň «Vertical Field» kompaniýasy «Emirates Smart Solutions and Technologies» kompaniýasy bilen Birleşen Arap Emirliklerinde dikligine ekin ýetişdirmegiň tutuş bir ulgamyny döretmek boýunça ylalaşyga geldi.

7 Fewral 2021

Özgertmeleriň depginini güýçlendirmek möhümdir

Hormatly Prezidentimiz oba hojalyk toplumyny ösdürmek boýunça iş maslahatyny geçirdi 3-nji fewralda milli Liderimiz Ministrler Kabinetiniň Başlygynyň käbir orunbasarlarynyň, degişli ministrlikleriň hem-de pudaklaýyn dolandyryş edaralarynyň ýolbaşçylarynyň, ugurdaş ýokary okuw mekdepleriniň rektorlarynyň gatnaşmagynda oba hojalygyny ösdürmek boýunça sanly wideoaragatnaşyk arkaly iş maslahatyny geçirdi.

5 Fewral 2021

Oba hojalygyny ösdürmegiň ýokary depgini saklanmalydyr

3-nji fewralda hormatly Prezidentimiz Gurbanguly Berdimuhamedow Ministrler Kabinetiniň Başlygynyň käbir orunbasarlarynyň, degişli ministrlikleriň hem-de pudaklaýyn dolandyryş edaralarynyň ýolbaşçylarynyň we ugurdaş ýokary okuw mekdepleriniň rektorlarynyň gatnaşmagynda oba hojalygyny ösdürmek boýunça sanly wideoaragatnaşyk arkaly iş maslahatyny geçirdi. Hormatly Prezidentimiz sanly wideoaragatnaşyk arkaly geçirilýän iş maslahatynyň gün tertibine geçip, ilki bilen, oba hojalyk we daşky gurşawy goramak ministri M.Baýramdurdyýewe söz berdi. Ministr pudagy ösdürmek, onuň maddy-enjamlaýyn binýadyny has-da pugtalandyrmak boýunça görülýän çäreler barada hasabat berdi.

5 Fewral 2021

Bir etrapdan iki habar

ÖŇDEBARYJY KÄRENDEÇINIŇ BUÝSANJY Saparmyrat Türkmenbaşy etrabynyň kärendeçi daýhanlary özleriniň yhlasly zähmetleri bilen oba hojalyk ekinleriniň dürli görnüşlerinden bol hasyl almakda her ýyl guwandyryjy netijeleri gazanýarlar. Şeýle kärendeçileriň hatarynda N.Gylyjow adyndaky daýhan birleşiginiň kärendeçisi Oguljemal Babaýewany hem görkezmek bolar.

5 Fewral 2021

Tehnikalar ekişe taýýar

Hormatly Prezidentimiziň ýakynda üstümizdäki ýylyň pagta hasyly baradaky Karara gol çekmegi bilen, etrap tehniki hyzmat ediş kärhanalarynda işleriň depgini has-da güýçlendirildi. Welaýatymyzyň beýleki etraplarynda bolşy ýaly, Döwletli etrap tehniki hyzmat ediş kärhanasynda hem ekiji tehnikalaryňdyr enjamlaryň abatlygy doly gözden geçirildi. Etrapdaky merkezi ussahanada we Dostlukdaky, Daşrabatdaky bölümlerde tehnikalardyr enjamlar täze möwsüme doly taýýar edildi. Şu ýyl gowaça ekişinde etrap tehniki hyzmat ediş kärhanasyna degişli tehnikalaryň onlarçasy işlediler. Olaryň ählisi milli Liderimiziň tagallasy bilen soňky ýyllarda satyn alnan tehnikalardyr.

5 Fewral 2021

Öňde jogapkärli möwsüm

Hormatly Prezidentimiziň şu ýylyň 1-nji fewralynda sanly wideoaragatnaşyk arkaly geçiren iş maslahatynda ýaz ekişine ählitaraplaýyn taýýarlykly barmagyň möhümdigi barada aýdanlaryndan we beren tabşyryklaryndan ugur alnyp, Ak bugdaý etrabynda möwsüme taýýarlyk işlerine has-da giň gerim berildi. Etrapda gowaça ekiljek meýdanlary ekiş möwsümine talabalaýyk taýýarlamak maksady bilen, sürüm işleriniň hiline we onuň agrotehniki möhletlerde geçirilmegine aýratyn üns gönükdirilýär. Bu işde ýokary iş öndürijiligi bolan traktorlaryň 56-synyň hyzmatyndan netijeli peýdalanylýar. Şonuň bilen bir hatarda tekizleýiş işleri hem barha gyzyşýar. Gowaça ekişinde tehnikalara we gurallara uly orun degişli bolup durýar. Muňa oňat düşünýän etrabyň Tehniki hyzmat ediş kärhanasynyň bejeriji ussalarydyr hünärmenleri tehnikalardyr gurallaryň abatlygyna aýratyn ähmiýet berýärler. Olar häzirki günlerde tehnikalary we gurallary doly gözden geçirýärler, zerurlyk bolan ýagdaýynda abatlaýyş işlerini ýerine ýetirýärler. Munuň üçin kärhanada ähli şertler üpjün edilendir.

4 Fewral 2021

Meýdan işleriniň depgini artýar

«Türkmenistan — parahatçylygyň we ynanyşmagyň Watany» şygary astynda geçýän şanly ýylymyzyň häzirki günlerinde durmuşyň dürli ugurlarynda üstünlikli işler alnyp barylýar. Senagat, gurluşyk, medeniýet, bilim we beýleki ulgamlarda netijeli işler durmuşa geçirilýär. Arkadagly döwrümiziň ösüşdir özgertmelere beslenen ajaýyp günlerimizde türkmen daýhanlarynyň azyk bolçulygyny pugtalandyrmak babatdaky alyp barýan işleri hem öwgä mynasypdyr. Şu günler gallaçylar ýaşajyk maýsalaryň idegini birkemsiz ýetirýärler, pagtaçylar ýaz ekişine ykjam taýýarlyk görýärler, gök ekerançylar bolsa, saçagymyza bereket goşjak ter gök önümleriň ýetişdirmegiň aladasy bilen gümradyr. Kaka etrabynyň oba zähmetkeşleri hem häzirki meýdan işleriniň her birine jogapkärli çemeleşýärler. Gahryman Arkadagymyzyň oba hojalyk işgärleriniň öňünde goýan wezipelerini üstünlikli ýerine ýetirmek maksady bilen, etrabyň pagtaçy kärendeçileri sürüm geçirilmegi meýilleşdirilen 23 müň 400 gektar meýdanda bu işi tamamlaýjy tapgyrda alyp barýarlar, gallaçylar bolsa, däne ekilen 41 müň gektar meýdandaky maýsalara agrotehnikanyň talaplaryna laýyklykda ideg edýärler.

4 Fewral 2021

Geljekki bol hasyly ýetişdirmegiň ýollary

Hormatly Prezidentimiziň tagallasy bilen ýurdumyzda oba hojalyk ekinlerini öndürmäge uly üns berilýär. Oba hojalyk ekinlerinden alynýan hasylyň ýokarlanmagy, oba ilatynyň topraga bolan yhlasynyň artmagy, ýylyň ähli paslynda bazarlarymyzda azyk önümleriniň bol we elýeterli bolmagy bu ugurda alnyp barylýan döwlet syýasatynyň iş ýüzünde amala aşýandygyny subut edýär. Ekerançylyk meýdanlarynyň medeniýetini gowulandyrmak, ekin dolanyşygyny ylmy esasda ýola goýmak, gowaça ekininden ýokary hilli bol hasyl almak üçin geçirilýän agrotehniki çäreleriň has kämil usullaryny önümçilige ornaşdyrmak boýunça ýurdumyzda uly işler alnyp barylýar. Gowaçany ösdürip ýetişdirmekde geçirilýän agrotehniki çäreleriň içinde tekizleýiş işleri wajyp bolup durýar. Ekin meýdanlarynyň gowy tekizlenmegi gowaçadan ýokary hasyl almagyň möhüm şertleriniň biridir. Gowaça ekiljek ýerleri oňat tekizlenende ýuwuş, tagt we ösüş suwlarynyň talabalaýyk tutulmagyny, topragyň gowy bejerilmegini, gowaçadan endigan gögeriş alynmagyny üpjün edýär. Sebäbi, meýdanyň beýikli-pesli bolmagy belli bir ýerlerde duzlaryň toplanmagyna şert döredýär. Pes ýerleri suw basmagy bilen gögeriş ýaramaz bolýar.

4 Fewral 2021

Türkmenistanyň Prezidenti oba hojalyk toplumyny ösdürmek boýunça iş maslahatyny geçirdi

Aşgabat, 3-nji fewral (TDH). Şu gün hormatly Prezidentimiz Gurbanguly Berdimuhamedow Ministrler Kabinetiniň Başlygynyň käbir orunbasarlarynyň, degişli ministrlikleriň hem-de pudaklaýyn dolandyryş edaralarynyň ýolbaşçylarynyň we ugurdaş ýokary okuw mekdepleriniň rektorlarynyň gatnaşmagynda oba hojalygyny ösdürmek boýunça sanly wideoaragatnaşyk arkaly iş maslahatyny geçirdi. Döwlet Baştutanymyz iş maslahatyny açyp, ýurdumyzyň oba hojalyk toplumynda geçen ýyl alnyp barlan işleriň netijelerine serediljekdigini bellemek bilen, agrosenagat toplumynyň döwletimiziň ykdysadyýetiniň esasy pudaklarynyň biridigini nygtady. Şoňa görä-de, biziň bu ugurda gazanýan üstünliklerimiz, ýurdumyzda azyk bolçulygyny we halkymyzyň bagtyýar durmuşyny üpjün etmek köp derejede bu pudagyň netijeli ösdürilmegine baglydyr.

4 Fewral 2021

Pomidoryň bereketli hasyly

Berkarar döwletimiziň bagtyýarlyk döwründe hormatly Prezidentimiziň bimöçber aladalary bilen, ýurdumyzda azyk bolçulygyny döretmek, ilatymyzy öz topragymyzda ösdürilip ýetişdirilen gök önümler bilen ýylyň ähli döwründe üpjün etmek boýunça ägirt uly işler alnyp barylýar. Şonuň netijesinde, dürli gök önümler ösdürip ýetişdirmeklige ýöriteleşdirilen ýyladyşhana toplumlary yzygider gurlup, ulanylmaga berilýär. Ter gök önümleriň köp öndürilmeginde welaýat «Azyk» önümçilik birleşiginiň Köneürgenç etrabyndaky ýyladyşhana toplumynyň uly goşandynyň bardygyny bellemek gerek. Bu ýyladyşhanada iki ýyldan bäri pomidoryň bol hasyly ösdürilip ýetişdirilýär. Onuň umumy tutýan meýdany 10 gektar bolup, onda 4 bölüm hereket edýär. Ýyladyşhanada işler awtomatik usulda ýerine ýetirilýär. Ekinleri suwarmak, iýmitlendirmek, çyglylygy, howany kadaly ýagdaýda saklamak kompýuterler arkaly dolandyrylýar. Bu ýerde ýaşlaryň 100-den gowragy zähmet çekip, özlerine berkidilen işleri ýokary hilli berjaý edýärler. Munuň özi bol pomidor hasylyny ösdürip ýetişdirmäge uly mümkinçilik berýär. Göreldeli işgärlerden Mekan Atamedow, Myrat Hanjykow, Baýram Aşyrow, Sapa Durdyýew dagyny görkezmek bolar.

4 Fewral 2021

Obasenagat toplumy: maksatlar aýdyň, wezipeler anyk

1-nji fewralda hormatly Prezidentimiz Ministrler Kabinetiniň Başlygynyň obasenagat toplumyna gözegçilik edýän orunbasarynyň hem-de ýurdumyzyň welaýatlarynyň häkimleriniň gatnaşmagynda sanly wideoaragatnaşyk arkaly iş maslahatyny geçirdi. Iş maslahatynda welaýatlary durmuş-ykdysady taýdan ösdürmek, geçiriljek ekiş möwsümine taýýarlyk görmek meselelerine, möwsümleýin oba hojalyk işleriniň barşyna garaldy hem-de welaýatlaryň ýolbaşçylarynyň hepdäniň dowamynda alnyp barlan işler baradaky hasabatlary diňlenildi. Milli Liderimiz iş maslahatynyň gün tertibindäki meselelerine geçip, degişli yzygiderlilikde ýurdumyzyň welaýatlarynyň häkimleriniň hasabatlaryny diňledi. Häkimler alnyp barylýan işler barada hasabat berdiler. Hasabatyň çäklerinde ýurdumyzy 2019 — 2025-nji ýyllarda durmuş-ykdysady taýdan ösdürmegiň maksatnamasynda hem-de Oba milli maksatnamasynda şu ýyl üçin bellenilen işleriň öz wagtynda ýokary hilli ýerine ýetirilmegini gazanmak ugrunda yzygiderli tagallalaryň görülýändigi habar berildi.

3 Fewral 2021

Toprak berekede beslener

Ene ýere eýelik edýän janypkeş daýhanlarymyz üçin gyzgalaňly günler başlandy. Olar kemsiz ideg edilip, ekişe taýýar edilen topraga ilimiziň desterhanlaryna naz-nygmat, rysgal bolup doljak bereket tohumlaryny ekmäge girişýärler. Ýurdumyzyň ähli ýerinde bolşy ýaly, lebaply babadaýhanlar hem häzirki pursatda aýratyn ruhubelentlik ýagdaýyny başdan geçirýärler. Olar hormatly Prezidentimiziň gol çeken Karary bilen tassyklanylan welaýatlar boýunça üstümizdäki ýylda oba hojalyk ekinlerini ýerleşdirmegiň meýilnamasynda bellenilenleri üstünlikli ýerine ýetirmek, ekin dolanyşygyny ylmy esasda alyp barmak, ekinleriň hasyllylygyny ýokarlandyrmak arkaly oba hojalyk önümleriniň öndürilýän möçberlerini artdyrmak ýaly il-ýurt bähbitli wajyp işe saldamly goşant goşmak hyjuwy bilen joşýarlar. Hormatly Prezidentimiz döwlet berkararlygynyň, ýurt abadançylygynyň sarsmaz sütünleriniň biri bolan azyk bolçulygyny ygtybarly üpjün etmek meselesine ilkinji derejeli ähmiýet bermek bilen, oba hojalyk işgärleriniň öňünde jogapkärli wezipeleri goýdy. Şunuň bilen birlikde öňden bellenilenleri abraý bilen berjaý etmek üçin önüm öndürijilere giň goldawyň berilýändigini, olaryň öndürijilikli zähmet çekmekleri üçin amatly şertleriň döredilýändigini bellemek ýakymlydyr. Şeýle goldaw-hemaýaty ene ýere hyzmat edýän, oňa ukyp-başarnygyny, mähir-yhlasyny bagyş edýän adamlar ýakyndan duýýarlar. Şol sebäpli olar uly höwe

3 Fewral 2021

Zeminiň zynaty

Gürrüňiň bag we bagbançylyk barada boljakdygyny meşhur nakylyň bir böleginden ybarat sözbaşydan hem aňansyňyz. Hakykatdan-da, «Bag ― zeminiň zynaty». Şonuň üçin goýry baglygyň deňinden ýylyň hiç bir paslynda-da biparh geçip bolanok. Ululary kiçilerini, kiçilerem topragy penalap duran baglar kalbyňda söze sygmaz duýgulary oýarýar. Şu gezek hem şeýle boldy. Aslynda, ümzügimiz Çärjew etrabynyň «Watan» daýhan birleşigine sarydy. Ýöne fotohabarçymyzyň: «Ine, saňa ýene bir makalalyk sebäp. Bu baglary synla!» diýen sözi özüm ulagyň içinde bolsamam, nirädir bir ýerlere sumat bolan pikirlerimi yzyna dolap getirdi. Hakykatdanam, «Jeýhundan» «Watana» sary uzan ýoluň sag kenary durşuna baglyk bolup durdy. Özem «eýesiniň gözünden suw içýän» baglyk. Ähli zat tertipli, ähli zat endigan, garaz, işlenilýäni daşyndan hem bildirip dur.

3 Fewral 2021

Obasenagat toplumyndaky möhüm wezipeler

Ýurdumyzyň sebitlerini durmuş-ykdysady taýdan ösdürmek, obasenagat toplumynyň netijeliligini ýokarlandyrmak we azyk bolçulygyny üpjün etmek hormatly Prezidentimiziň durmuşa geçirýän özgertmeleriniň möhüm ugurlarynyň hatarynda durýar. Döwlet Baştutanymyzyň 1-nji fewralda Ministrler Kabinetiniň Başlygynyň obasenagat toplumyna gözegçilik edýän orunbasarynyň hem-de ýurdumyzyň welaýatlarynyň häkimleriniň gatnaşmagynda geçiren sanly wideoaragatnaşyk arkaly iş maslahatynda hem welaýatlary durmuş-ykdysady taýdan ösdürmek, geçiriljek ekiş möwsümine taýýarlyk görmek meselelerine, möwsümleýin oba hojalyk işleriniň barşyna garaldy hem-de welaýatlaryň ýolbaşçylarynyň hasabatlary diňlenildi. Döwlet Baştutanymyz iş maslahatynyň gün tertibindäki meselelere geçip, ilki bilen ýurdumyzyň welaýatlarynyň häkimleriniň hasabatlaryny diňledi. Häkimler öz gözegçilik edýän sebitlerinde alnyp barylýan işler barada hasabat berip, welaýatlaryň gowaça ekiljek meýdanlarynyň ekiş möwsümine taýýarlanylyşy, sürüm we tekizleýiş işleriniň bellenen möhletlerde geçirilmegi babatda durmuşa geçirilýän işler hem-de gowaça ekişini geçirmekde ulanyljak oba hojalyk tehnikalaryny we gurallaryny abatlap, möwsüme doly taýýar etmek, pagta öndürijileri ekiş möwsümine çenli zerur mukdarda tohum bilen üpjün etmek ugrunda görülýän çäreler barada habar berdiler. Şeýle hem hormatly Prezidentimize welaýatlarda ýeralmanyň, soganyň w

3 Fewral 2021

‹
1
2
...
196
197
198
199
200
201
202
203
204
›