Türkmenmetbugat

"Türkmen sporty" gazeti

Esaslandyryjysy: "Türkmen Sporty" gazetiniň redaksiýasy
Salgysy: Aşgabat şäheri, 1995-nji köçe 66 jaýy
Telefon belgileri: 22-33-91, 22-33-72

Gazeti PDF görnüşinde ýükläp almak

Habarlar

Tygşytlylyk — kämillik

«Tygşytlynyň rysgy iki» diýen ýaly pähimpisint sözleri tapanyma monçadym, ýöne bu-da bärden gaýtma eken: tygşytlylyk — ýaşaýşyň hem ilki, hem-de ahyrky şerti ýa-da ýaşaýşa hemişelik hemra şert. Tebigatdan mugtuna alýan ähli zatlarymyz, dem alýan howamyzdan başlap, gaýry tebigy eşret-serişdelerimiz özüne eşrepidenem has sarpaly, dogrusy, gudrat kimin garaýşy talap edýär. Çünki olary täzeden ýasap bolmaýar, onsoň munuň soňunyň-hasabynyň bardygyny dünýäniň häzirki ekologik ýagdaýy mesaňa görkezýär. Şu jähetden, biziň ozalky garaýşymyzyň birtaraplaýyndygy indi barha ýiti duýulýar. Muňa müňlerçe delillerden ýeke mysal: «Wagty tygşytlamak — pul» diýilmesi gowy, emma oňa derek «Wagtyňy ýitirmek — ömrüňi ýitirmek» diýilse, bize berlen ömür müddetiniň her pursat-pillesiniň gymmaty, ylaýta-da, pula deňärden has uly ähmiýeti hem dürs-dogry, hem dolulygyna açylýar. Diýmek, wagtyň sähelçesini-de, ýagny ujypsyzja ülşünem tygşytlamak — ömrüňi iňňän netijeli sarp etmegiň owal-ahyr talabydyr. Tygşytlylyk maşgaladan başlanýar

2 Maý 2024

Atşynaslaryň alkyşy

Golaýda Aba Annaýew adyndaky Halkara atçylyk akademiýasynda «Alkyş Size, şöhrat Size, Gahryman Arkadagymyz, Arkadagly Gahryman Serdarymyz» atly hoşallyk maslahaty geçirildi. Maslahata ýurdumyzyň atçylyk pudagynda zähmet çekýän işgärler, Atçylyk ylmy-önümçilik merkeziniň alymlary we işgärleri hem-de bu ugra degişli ýokary okuw mekdebiniň professor-mugallymlary we talyp ýaşlary, Türkmen bedewiniň milli baýramyna bagyşlanyp geçirilen bäsleşikleriň ýeňijileri, jemgyýetçilik guramalarynyň wekilleri gatnaşdylar.

1 Maý 2024

Köňül şähri

Edil şeýleräk manydaky «Her zadyň öz wagty-sagady, ýeri bar» diýen sözler gepiň gerdişine göräräk aýdylagan. Bu diýseň-diýmeseň şeýle, hakykatdan-da, her zadyň öz wagty, sagady, ýeri bar. Uly uly ýerinde, kiçi-de tekrarlanyşyna görä, uludan kiçeldilen ýaly bolanda, tüýs diýmäjiniň diýmäjisine ogşaýar. Kynyň kyny, aňsadyň aňsady diňe ertekide bolýar. Durmuş — durmuş. Elbetde, göz giderlik, eşretli diýilýän durmuşa, ýaşaýşa «Edil ertekidäki ýaly» diýläýmesi bar. Mysal üçin, Arkadag şäherindäki durmuş häzirki türkmen aň inženeriýasynyň şähergurluşygy innowasiýasy boýunça ýatsaň-tursaň kelläňe gelmejek iň soňky gazanylanlaryny şeýle ýönekeýden ýakymly deňeşdirme diýseň deňeşdirmä, meňzetme diýseň meňzetmä şaplaşyp duran sözlere rowa gördi. Bu jümle «akylly» şäherde adam hakdaky aladanyňmy, hoşallygyňmy aňlatmasy bolsa gerek.

1 Maý 2024

Taryhy taryply, toýy tutumly

Şan-şöhraty dünýä dolan ahalteke bedewlerimize goýulýan hormat-sarpanyň Berkarar döwletiň täze eýýamynyň Galkynyşy döwründe has-da belende göterilendigine «Pähim-paýhas ummany Magtymguly Pyragy» ýylynda giňden bellenilip geçilen Türkmen bedewiniň milli baýramynyň biri-birine ulaşan dabaralarynyň mysalynda aýdyň göz ýetirdik. Şol dabaralara Arkadagly Gahryman Serdarymyzyň gatnaşmagy bolsa bu ählihalk baýramynyň taryha altyn harplar bilen ýazylan şanly wakalaryň hatarynda mynasyp orun almagyny üpjün etdi. Aba Annaýew adyndaky Halkara atçylyk akademiýasynda we Halkara ahalteke atçylyk sport toplumynda hormatly Prezidentimiziň gatnaşmagynda geçirilen dabaralar behişdi bedewlerimize söýgi-buýsanjyň ebedilikdiginiň we egsilmezdiginiň güwäsine öwrüldi. Türkmen halkynyň Milli Lideri Gahryman Arkadagymyzyň parasatly başlangyçlarynyň Arkadagly Gahryman Serdarymyz tarapyndan döwrebap derejede dowam etdirilýändiginiň aýdyň nyşanyna öwrülen çäreleriň dowamynda hormatly Prezidentimize atçylyk pudagyny ösdürmek baradaky aladalaryna çäksiz hoşallygyň nyşany hökmünde ýurdumyzyň welaýatlarynyň, Aşgabat şäheriniň ýaşaýjylarynyň, harby we hukuk goraýjy edaralaryň adyndan ajaýyp ahalteke bedewleriniň sowgat berilmegi halkymyzyň döwlet Baştutanymyzyň daşynda berkden-berk jebisleşendiginiň aýdyň kepili bolup dabaralandy.

1 Maý 2024

Ösüşli geljegi nazarlaýan tutumlar

Türkmen halkynyň Milli Lideri Gahryman Arkadagymyzyň hem-de hormatly Prezidentimiziň pähim-paýhasly başlangyçlary bilen işlenip düzülen, uly ösüşli geljegi nazarlaýan «Berkarar döwletiň täze eýýamynyň Galkynyşy: Türkmenistany 2022 — 2052-nji ýyllarda durmuş-ykdysady taýdan ösdürmegiň Milli maksatnamasy», ýurdumyzyň hemmetaraplaýyn ösüşini üpjün etmegiň ýakyn ýyllardaky wezipeleri göz öňünde tutulyp taýýarlanan «Türkmenistanyň Prezidentiniň ýurdumyzy 2022 — 2028-nji ýyllarda durmuş-ykdysady taýdan ösdürmegiň Maksatnamasy» ýokary depginlerde durmuşa geçirilýär.   Ýurt möçberindäki ösüş maksatnamalarymyzda Diýarymyzyň günbatar sebitini ösdürmeklige hem uly üns berilýär. Sebitiň geografik ýerleşişi, amatly tebigy we bioklimat aýratynlyklary, gazylyp alynýan çig mal serişdeleriniň baý we köpdürli ýataklary ýurdumyzyň ykdysadyýetiniň giň gerimli ösüşleri üçin ygtybarly binýady emele getirýärler. Özem Hazarýaka sebiti ösdürmek ýurdumyzyň ähli welaýatlaryna ykdysady taýdan oňyn täsirini ýetirýändigi bilen aýratyn ähmiýete eýedir. Hut şoňa görä-de, döwletimiziň ykdysady ösüşine gönükdirilýän düýpli maýa goýumlaryň möçberiniň üçden iki bölegine golaýy welaýatymyzyň paýyna düşýär.  

1 Maý 2024

Gurmagyň hem döretmegiň döwri

Watanymyzy ösüşleriň täze belentliklerine alyp barýan hormatly Prezidentimiziň: «Garaşsyz, hemişelik Bitarap ýurdumyzda gurmaga hem-de döretmäge esaslanýan döwlet syýasatymyz üstünlikli amala aşyrylýar» diýen dürdäne sözleriniň Berkarar döwletiň täze eýýamynyň Galkynyşy döwrüniň ajaýyp hakykaty bolup dabaralanýandygyna her birimiz şaýat. Häzirki wagtda ykdysadyýetimiziň ähli pudaklarynda ýetilen belent sepgitler, amala aşyrylan taryhy özgertmeler halkymyza baky bagtyýarlygy bagyş etdi diýip, buýsanç bilen aýtmaga doly hakymyz bardyr. Şol ýetilen belent sepgitleriň, taryhy özgertmeleriň netijesinde dünýäniň ösen döwletleriniň hataryna ymykly goşulan ýurdumyza söýgi-buýsanç bolsa her bir raýatyň kalbynda joş urýar. Dünýä ülňülerine laýyk gelýän, ähli döwrebap amatlyklary özünde jemleýän ýaşaýyş jaýlarynyň, çagalar baglarynyň, mekdepleriň, medeniýet, saglygy goraýyş, sport we beýleki ulgamlara, önümçilige degişli binalardyr desgalaryň sanynyň ýyl geçdigiçe artmagy halkymyzyň baky bagtyýarlygyň eýesidigini görkezýän anyk subutnamalardyr we ýurdumyzy durmuş-ykdysady taýdan ösdürmegiň uzak möhletleýin maksatnamasynda göz öňünde tutulan wezipeleriň üstünlikli durmuşa geçirilýändiginiň nyşanydyr.

1 Maý 2024

Beýik işler bilen beýgelýän Diýar

«Pähim-paýhas ummany Magtymguly Pyragy» ýyly unudylmajak taryhy wakalary bilen şöhratlanýar. Halkymyz — bu gün öz ykbalynyň, öz bagtynyň eýesi. Baky berkarar döwletimiz — biziň baş mukaddesligimiz. Bu mukaddesligi gözüň göreji ýaly goramak, syýasy hem ykdysady kuwwatyny berkitmek, bedew batly ösüşler bilen täze belentliklere tarap maksada okgunly öňe alyp gitmek belent borçdur. Döwürleriň dowamynda ata-babalarymyz döwlet gurmak, onuň saýasynda erkana ýaşamak ugrunda kämil garaýyşlary öňe sürüpdirler, şu mukaddes topragymyzy gorapdyrlar. Akyldar şahyrymyz Magtymguly Pyragy «Berkarar döwlet istärin» diýmek bilen, Watan mukaddesligi hakynda ençeme şygyrlary nesillere miras galdyrypdyr. Paýhasly pederlerimiziň Watan mukaddesligi baradaky duýgy-düşünjeleri, ony goramak ugrunda görkezen gahrymançylyklary nesiller üçin görelde mekdebidir.

1 Maý 2024

Belent buýsanjyň beýany

Dünýäde abraý-mertebesi belende galýan ata Watanymyzyň her bir güni şanly senelere, taryhy wakalara beslenýär. Ýurdumyzda gazanylýan oňyn ösüşler, ýetilýän belent sepgitler halkyň hal-ýagdaýyny gowulandyrmak ýaly asylly maksatlardan gözbaş alýar. Şeýle döwletiň raýaty bolmak, ýaşamak, işlemek, döretmek biziň her birimiz üçin döwletlilikden nyşandyr. Diýarymyzy ösüşiň täze belentliklerine alyp barýan, peder ýoluny mynasyp dowam etdirýän hormatly Prezidentimiziň baştutanlygynda Türkmenistanyň halkara abraýy barha artýar. Häzirki wagtda ähli pudaklar bilen bir hatarda, medeniýet ulgamynda hem uly ösüşler, özgerişler amala aşyrylýar. Gahryman Arkadagymyzyň we Arkadagly Gahryman Serdarymyzyň taýsyz tagallalary bilen türkmen medeniýeti we sungaty gülläp ösýär. Bu günki günde türkmen medeniýeti dünýä ýüzünde giňden dabaralanýar. Aslynda her bir döwlet beýleki döwletden öz milliligi, edim-gylymlary, däp-dessurlary bilen tapawutlanýar. Ähli taraplaýyn kämil, baý türkmen medeniýeti bu günki günde dünýäde öz mynasyp ornuny eýeleýär. Daşary ýurtlarda geçirilýän Türkmenistanyň Medeniýet günleri, ýurdumyzda geçirilýän daşary ýurtlaryň Medeniýet günleri halklary ýakynlaşdyrýar, medeniýetleri baýlaşdyrýar, birek-birekden öwrenmek, kämilleşmek babatda giň mümkinçilikleri açýar.

1 Maý 2024

Tutumly işleriň rowaçlanýan döwri

Bu gün merdana halkymyz Gahryman Arkadagymyzyň, Arkadagly Gahryman Serdarymyzyň taýsyz tagallalary netijesinde dana şahyrymyz Magtymguly Pyragynyň arzuwlan berkarar döwletinde eşretli durmuşda ýaşaýar. Ýurdumyzda halkyň bagtyýar durmuşy barada yzygiderli alada edilmek bilen, amala aşyrylýan ähli işler halkymyzyň bähbidine gönükdirilýär. Döwlet Baştutanymyzyň: «Täze eýýamda berkarar döwletimizi mundan beýläk-de ösdürmäge, ilatymyzyň ýaşaýyş-durmuş derejesini has-da ýokarlandyrmaga, ähli ugurlar boýunça ykdysady ösüşleri, ägirt uly öňegidişlikleri gazanmaga gönükdirilen işleri alyp barýarys» diýip belläp geçişi ýaly, ýurdumyzy durmuş-ykdysady taýdan ösdürmek, bagtyýar raýatlarymyzyň durmuş taýdan goraglylygyny üpjün etmek döwlet syýasatynda ileri tutulýar. Ata Watanymyzyň ähli ýerinde häzirki zamanyň talaplaryna laýyk gelýän ýaşaýyş, durmuş we önümçilik maksatly desgalaryň, binalaryň yzygiderli gurlup ulanmaga berilmegi munuň aýdyň subutnamasydyr. Maşgalany goldamak, çaganyň we enäniň saglygyny goramak, ösüp gelýän ýaş nesli asylly ýörelgelerimiz esasynda terbiýelemek hem-de olara döwrebap bilim bermek boýunça döwlet goldawynyň döwrüň talaplaryndan ugur alýan kämil ulgamy  döredildi. Berkarar döwletiň täze eýýamynyň Galkynyşy döwründe Arkadagly Gahryman Serdarymyzyň pähim-paýhasly ýolbaşçylygynda bu işler mynasyp dowam etdirilip, ýaşlaryň jemgyýetimizde tutýan ornuna mynasyp

1 Maý 2024

Özgertmeler — ösüşlere badalga

Berkarar döwletiň täze eýýamynyň Galkynyşy döwründe Türkmenistan döwletimiz dünýäde ähli ulgamlarda güýçli depginlerde ösýän döwletleriň biri hökmünde tanalýar. Hormatly Prezidentimiziň «Watan diňe halky bilen Watandyr! Döwlet diňe halky bilen döwletdir!» diýen ynsanperwer taglymatynda halkymyzyň ýaşaýyş-durmuş derejesini hil taýdan dünýä ülňülerine laýyk getirmek ata Watanymyzy pajarlap ösýän ýurda öwürmek esasy maksat bolup durýar. Şoňa görä-de, güneşli Diýarymyzyň ähli ýerinde medeni-durmuş hem-de önümçilik maksatly desgalardaky gurluşyk işlerine aýratyn uly ähmiýet berilýär. Munuň özi ýurdumyzda adam halkyndaky aladanyň ähli zatdan ileri tutulýandygynyň subutnamasy bolup durýar. «Agzybirlikde döredijilikli işläp, döwrümizi, döwletimizi has-da beýgeltmelidiris. Geljege ynam bilen garap, öňe tarap buýsançly gadam urmalydyrys» diýip nygtaýan hormatly Prezidentimiziň parasatly sözlerini özlerine ýol-ýörelge edinen ýaşlarymyz ýurdumyzda ykdysadyýetiň dürli ugurlarynda döredijilikli zähmet çekip, ata Watanymyzyň ösüşlerine, özgerişlerine özleriniň mynasyp goşantlaryny goşýarlar. Munuň üçin bolsa ýaş nesillerimiziň türkmen halkynyň Milli Liderine, Arkadagly Gahryman Serdarymyza alkyşlary, hoşallyklary egsilmeýär.

1 Maý 2024

Galkynyşly Diýara baky şöhrat, şan bedew

Türkmen bedewiniň milli baýramynyň şanyna Balkan atçylyk sport toplumynda uludan tutulan dabaralar milli gymmatlyklarymyza buýsanjyň egsilmezdiginiň özboluşly subutnamasyna öwrüldi. Baýramçylyk ýörişi bilen badalga alan toý çäreleri türkmen halkynyň dünýäniň medeni ösüşine goşan uly goşandynyň anyk mysaly bolan behişdi bedewlerimize bolan hormat-sarpanyň nusgalykdygyny aýdyň görkezdi. Toplumyň esasy girelgesiniň öňündäki ak öýleriň owadan hatary bilen bezelen meýdançada welaýat, Balkanabat şäher häkimlikleriniň, welaýat medeniýet müdirliginiň, jemgyýetçilik guramalarynyň tagallalary bilen guralan medeni çäreler giňden ýaýbaňlandyryldy. Belentden ýaňlanyp, Arkadagly Gahryman Serdarymyzyň beýik tutumlary, üsti şemally bedewlerimiz joşgun bilen wasp edilen aýdym-sazlar, dutar--gyjagyň hoş owazy, milli tanslar, folklor çykyşlary, görkezilen sahnalar dabaranyň mazmun baýlygyny artdyrdy. Milli oýunlar hem-de sportuň dürli görnüşleri boýunça geçirilen ýaryşlar baýramçylygyň täsirli pursatlarynyň üstüni ýetirdi. Bu ýerde guralan sergide ýerleşdirilen at esbaplaryny, bezeg şaýlaryny, atşynaslyk sungatynyň milli ýörelgelerini beýan edýän işleri, amaly- -haşam hem-de muzeý gymmatlyklaryny toý çäresine gatnaşyjylar uly gyzyklanma bilen synladylar. Milli Liderimiziň jöwher paýhasyndan döräp, okyjylaryň söýgüli eserlerine öwrülen ajaýyp kitaplary, ýaş zehinli suratkeşleriň gamyşgulak bedewle

1 Maý 2024

Türkmenistanyň Prezidentiniň «Türkmeniň altyn asyry» atly bäsleşigine

Gujagyňda açylypdyr ak güller Ata ýurdum, eziz Türkmenistanym,Gujagyňda açylypdyr ak güller.Ol güller — hiç haçan solmajak güller,Ol — söýgi gülleri, özgeriş güli,Bagtyýar geljege äkidýär bizi.

1 Maý 2024

Täzelikler

Kerki çörek kärhanasynda çörek we çörek önümleriniň dürli görnüşlerini öndürmekde ýokary netijeler gazanylýar. Bu ýerde öndürilýän «Ruhubelent», «Altyn däne», «Altyn asyr», «Höwesli» ýaly haryt nyşanly çörek we çörek önümlerine islegler barha ýokarlanýar. Kärhanada şu ýylyň ilkinji çärýeginde çörek we çörek önümleriniň 1 müň 375 tonnasy taýýarlanylyp, ilata hödürlenildi. Ýanwar-aprel aýlarynda bu görkeziji 2 müň tonnadan geçdi. Önümçilik meýilnamasyny artygy bilen berjaý edip gelýän çörek öndürijiler geljekde bu görkezijini has-da artdyrmagy maksat edinýärler.

1 Maý 2024

Goşgy

Dana Pyragy Her jümlesi ýüreklerde ýer eden,Beýik söz ussady, dana Pyragy.Hak işleri, jebisligi wagyz eden,Beýik söz ussady, dana Pyragy.

1 Maý 2024

Söz sungatynyň ussady

2024-nji ýylda türkmen halkynyň beýik akyldary we nusgawy şahyry Magtymguly Pyragynyň doglan gününiň 300 ýyllygyny bellemek hakyndaky çözgüt ähli halkymyz bilen birlikde, kitaphana işgärlerinde hem uly ruhubelentlik döretdi. Ýurdumyzda Magtymguly Pyragynyň doglan gününiň 300 ýyllygy mynasybetli geçirilýän çäreler biri-birine ulaşýar. Jemşidiň jamyna deňelýän ussat şahyryň ynsanperwerlige, edep-ekrama, halallyga ýugrulan eserleri bu günki günde aýdym bolup diňlenýär, gazal bolup ýaňlanýar, nakyla öwrülip, ösüp gelýän ýaş nesli watansöýüjilik ruhunda terbiýelemäge çagyrýar. Eserleri duýga, pikire baý söz ussady:

1 Maý 2024

Şygyrlary ýüreklere nur çaýýar

Hormatly Prezidentimiziň parasatly ýolbaşçylygynda ýurdumyzda akyldar şahyrymyz Magtymguly Pyragynyň doglan gününiň 300 ýyllygyna bagyşlanyp geçirilýän dürli çäreler giňden ýaýbaňlandyrylýar. Şahyryň miras galdyran şygyrlary içgin öwrenilýär. Akyl-paýhasa ýugrulan eserler ýürekleri nura besleýär. Magtymguly Pyragynyň goşgulary, umumadamzat ähmiýetli garaýyşlary hiç bir ynsany biparh goýmaýar. Bu gün beýik söz ussadyna belent sarpa goýulýar, onuň şan-şöhraty giňden dabaralanýar. Watana söýgi, ynsanperwerlik, parahatçylyk söýüjilik, dost-doganlyga çagyryş akyldar şahyryň eserlerinde öz aýdyň beýanyny tapýar. Şahyryň goşgularynyň özenini agzybirlik, ýurt berkararlygy baradaky arzuw-islegler, ýagşy umytlar düzýär.

1 Maý 2024

Ruhy göterilişiň belentliklerine tarap

Türkmen bedewiniň milli baýramyndan soňky oýlanmalar Türkmen bedewiniň milli baýramy, her ýylda däp bolşy ýaly, bu gezek hem birnäçe gün öňünden uly dabaralara beslendi. Behişdi bedewlere bagyşlanan çäreler, hususan-da, Halkara ahalteke atçylyk assosiasiýasynyň XIV mejlisi, «Ýylyň iň owadan ahalteke bedewi» atly halkara gözellik bäsleşiginiň, sungat işgärleriniň arasynda yglan edilen döredijilik bäsleşiginiň jemleri, ussat atşynaslara dakylan hormatly atlar, baýramçylyk at çapyşyklary, atçylyk sport çykyşlary... — bularyň ählisi ýurdumyzda ählumumy toý ruhuny emele getirdi. Halkymyzyň milli mirasyna goýýan sarpasy, ahalteke bedewine çuňňur söýgüsi belende göterildi.

1 Maý 2024

Şekillerde — bedewleriň waspy

Behişdi bedewlerimiziň gözelligi — döredijilik adamlarynyň ylham çeşmesi. Muny Balkan welaýatynyň Magtymguly etrabynyň çagalar sungat mekdebiniň heýkeltaraş mugallymy Maksat Şyhyýewiň agaçdan ýasaýan heýkel şekillerinde bedewleriň keşbiniň dürli öwüşginde şöhlelenmeginde-de aýdyň görýäris. Magtymguly etrabynyň seleň-sähralarynyň, ussadyň zehininden döreýän heýkel şekillerini ýatladýan dag gaýalarynyň, nakgaşyň çeken ajaýyp suratyna meňzeýän gözel tebigatynyň kämil keşbiniň... Maksat mugallymyň döredijilik ylhamynyň gözbaşydygyny onuň agaçdan ýasaýan kompozisiýa görnüşindäki, milli we döwrebap sazlaşyga eýe her bir eserinde görmek bolýar. Heýkeltaraşyň işlerini synlanyňda, onuň döredijiliginde bedewlere aýratyn ornuň degişlidigine göz ýetirýärsiň. Her bir eserinde bedewleriň şekilleri täzeçe mazmuna, görnüşe eýedigi bilen tapawutlanýar. Atasynyň «Görogly» şadessanyndan gürrüň beren wakalaryny günde-günaşa diňläp, ondaky Gyratyň keşbini heniz çagaka kalbyna nagyşlan heýkeltaraş bu gün behişdi bedewleriň şekillerini heýkellerine geçirip, naýbaşy eserleri halka ýetirýär. Gahryman Arkadagymyzyň jöwher zehininden dörän, türkmen bedewleriniň waspyny belentden ýetirýän «Ahalteke bedewi — biziň buýsanjymyz we şöhratymyz», «Gadamy batly bedew», «Atda wepa-da bar, sapa-da» atly ajaýyp eserlerinden ylham alýan heýkeltaraş ýurdumyzda her ýyl giňden bellenilýän Türkmen bedewin

30 Aprel 2024

Hepdelik geçirildi

Uly ruhubelentlige beslendi Ýakynda Mary şäherindäki 26-njy orta mekdepde geçirilen türkmen dili we edebiýat hepdeligi uly ruhubelentlige beslendi. Oňa welaýat baş bilim müdirliginiň hünärmenleri, şäherdäki 4-5-7-13-19-25-nji orta mekdepleriň türkmen dili we edebiýat mugallymlary we etrap mekdeplerinden hem mugallymlar gatnaşdylar. Mekdebimiziň türkmen dili we edebiýat mugallymlary Gülnara Ojarowa, Gülşat Agasaparowa hepdeligiň guramaçylyk işlerine uly goşant goşdular.

29 Aprel 2024

Usuly okuw maslahat geçirildi

Ak bugdaý etrabyndaky ýöriteleşdirilen 45-nji orta mekdepde bilim işgärleriniň gatnaşmagynda usuly okuw maslahat geçirildi. Ony Ahal welaýat raýat goranyşy we halas ediş işleri müdirligi gurady. Adatdan daşary ýagdaý ýüze çykanda raýatlara ilkinji kömegiň berlişi, halas ediş işleri boýunça ildeşlerimiziň düşünjesini ýokarlandyrmak, adatdan daşary ýagdaýlaryň öňüni almak maksady bilen geçirilen maslahatda täsirli çykyşlar boldy. Maslahatyň barşynda raýat goranyşy we halas ediş müdirligi tarapyndan geçirilýän okuw-türgenleşikleriň ähmiýetine hem üns çekilip, tebigy hadysalar we heläkçilikler ýüze çykan halatynda halas ediş işlerini ýokary derejede alyp barmakda şeýle çäreleriň ähmiýetiniň uludygy, şoňa görä-de, edara-kärhanalaryň degişli hünärmenleriniň bu ugurdaky işlere işjeň goşulmalydygy barada aýdyldy.

29 Aprel 2024

‹
1
2
...
24
25
26
27
28
29
30
...
532
533
›