"Türkmen sporty" gazeti

Esaslandyryjysy: "Türkmen Sporty" gazetiniň redaksiýasy
Salgysy: Aşgabat şäheri, 1995-nji köçe 66 jaýy
Telefon belgileri: 22-33-91, 22-33-72

Gazeti PDF görnüşinde ýükläp almak

Habarlar

Malym bar — halym bar

Welaýat oba hojalyk önümçilik birleşiginiň garamagyndaky Murgap etrap „«Maldar» maldarçylyk hojalygy dowarlaryň baş sanyny, önümliligini artdyrmakda tutanýerli zähmet çekýän hojalyklaryň biri. Hojalygyň 3-4-nji bölümleri owlak-guzy möwsüminde bire-bir önüm alyp ýokary netije gazanmagy başarýarlar. Biz döredijilik toparymyz bilen ýaz paslynyň ilkinji günlerinde bu maldarçylyk hojalygynda iş saparynda bolduk. Birnäçe gum depelerinden aşyp, maldarlaryň ýanlaryna golaýlanymyzda goýunlaryň, guzularyň mäleşýän sesleri töwerege ýaň salýardy. Erkana ýaýnap, gezip ýören goýundyr guzular gök otlar bilen bilelikde sährany bezeýärdiler.

29 Mart 2021

Oba hojalyk

Ene toprak — rysgal-berekediň çeşmesi

26-njy martda hormatly Prezidentimiz Gurbanguly Berdimuhamedow sanly ulgam arkaly Türkmenistanyň Ministrler Kabinetiniň nobatdaky mejlisini geçirdi. Onda döwletimiziň durmuşyna degişli möhüm meseleler ara alnyp maslahatlaşyldy we milli ykdysadyýetimiziň pudaklarynyň sazlaşykly ösüşine gönükdirilen birnäçe resminamalaryň taslamalaryna garaldy. Mejlisde Ministrler Kabinetiniň Başlygynyň orunbasary E.Orazgeldiýew welaýatlarda gowaça hasylynyň düýbüni tutmak we ekiş möwsümini bellenen agrotehniki möhletlerde geçirmek, şeýle hem bugdaý ekilen meýdanlarda ideg etmek boýunça alnyp barylýan işler barada hasabat berdi.

29 Mart 2021

Oba hojalyk

Bol ha­sy­lyň bin­ýa­dy

Mä­lim bol­şy ýa­ly, şu gün­ler ýur­du­my­zyň pag­ta­çy kä­ren­de­çi­le­ri mö­hüm jo­gap­kär­li möw­sü­mi baş­dan ge­çir­ýär­ler. Türk­me­nis­ta­nyň Mi­nistr­ler Ka­bi­ne­ti­niň 19njy mart­da ge­çi­ri­len mej­li­sin­de hor­mat­ly Pre­zi­den­ti­mi­ziň tas­syk­lan ter­tip­na­ma­sy­na la­ýyk­lyk­da, 24nji mart­da ýur­du­my­zyň Ahal, Bal­kan, Le­bap we Ma­ry we­la­ýat­la­ryn­da go­wa­ça eki­şi­ne gi­ri­şil­di. Di­ýa­ry­my­zyň de­mir­ga­zyk se­bi­ti­niň top­rakho­wa şert­le­ri bi­len bag­ly­lyk­da, Da­şo­guz we­la­ýa­tyn­da bu jo­gap­kär­li möw­süm 31nji mart­da baş­la­nar. Ataba­ba­la­ry­my­zyň dur­mu­şyn­da oba ho­ja­lyk iş­le­ri uly or­ny eýe­läp­dir. Olar eke­ran­çy­ly­gyň iň ga­dy­my däp­le­ri­ni, mil­li ýö­rel­ge­le­ri­ni dö­re­dip­dir­ler hemde yzy­gi­der­li ös­dü­rip­dir­ler. Ýe­riň “di­li­ni ta­pyp”, top­rak­dan bol ha­syl al­ma­gy ba­şa­ran mer­da­na pe­der­le­ri­miz­den, zäh­met­keş ­daý­han­la­ry­myz­dan mi­ras ga­lan şol ga­dy­my eke­ran­çy­lyk däp­le­ri hor­mat­ly Pre­zi­den­ti­mi­ziň pa­ra­sat­ly baş­tu­tan­ly­gyn­da Ber­ka­rar döw­le­ti­mi­ziň bag­ty­ýar­lyk döw­rün­de my­na­syp do­wam et­di­ri­lip, za­ma­na­bap de­re­je­de kä­mil­leş­di­ril­ýär.

29 Mart 2021

Oba hojalyk

Gowaçanyň gowy gögerişini gazanmak çäreleri (Hünärmeniň maslahaty)

Ýaz paslynda ygalyň köp ýagmagy köplenç, gowaçanyň ekiş geçirilýän günlerine gabat gelýär. Ekişden soň ýagan ygal gämigiň üstki gatlagyny gapakladyp, tohumyň wagtynda gögerip çykmagyny kynlaşdyrýar. Bu ýagdaýda gämigiň üstki gatlagy galňap gatamanka, ýumşatmak üçin traktorlara dakylan «MBX – 4» kysymly dişli toprak ýumşadyjy guraly ulanylýar. Traktor işe başlanda, gowaça ekişini geçiren ekijiniň ýörän hatararasyndan ýöremeli we onuň iş öndürijiligi sagatda 0,86 gektardan geçmeli däl. Gowaça ekilen meýdanlarda yzgar ýetmezçiligi sebäpli kadaly gögeriş alynmadyk ýagdaýynda yzgar suwy tutulýar. Toýun toprakly ýerlerde joýalar gowy yzgarlar ýaly suw başaşa keşlerden haýal akdyrylýar. Eňňit we çägesöw toprakly atyzlarda bolsa, suw hemme keşlerden akdyrylýar. Gögeriş suwy berlende, suw gerişleri basmaly däldir. Ýerler taba gelen badyna hatararalar talabalaýyk ýumşadylýar. Doly gögeriş alnan meýdanlarda hem ýekeleme işlerinden öň haýal etmän, 1-nji hatarara bejergini geçirmek gerek.

29 Mart 2021

Oba hojalyk

Gökli somsa

Türk­men top­ra­gynyň nygmaty Tebigat ynsanyň öz elleri bilen ýetişdirýän gök-bakjasyndan başga-da, nygmat eçilibilýär. «Ekme ysmanakdan ýadan bolsaňyz» diýip, ýaprajyklary naşyja dag ysmanagyny, teresini, narpyzyny, ak selmäni derrew ýetişdirer. Çarwa nowruzda — alabaharda ata-babalarymyz ýorunjadan taýýarlanan nygmatlar bilen bedenlerini gurplandyrypdyrlar. Özem täze ýorunjanyň ýokuma has baýdygyna göz ýetiripdirler. Ýorunjadan türkmen zenanlary gutap, somsa, gökli aş, gökli çorba, jazly gök, tereli gök, gazanlama, gaplama... ýaly dürli görnüşli tagamlary bişiripdirler. Olaryň arasynda tamdyra ýapylyp taýýarlanýan gökli somsanyň tagamynyň aýratyn lezzeti bar.

28 Mart 2021

Oba hojalyk

Türkmen selmelegi

Türkmen selmelegi köpýyllyk ösümlik. Amatly şertlerde onuň kökýany, ýapraklary iri bolýar. Ýapraklaryň uzynlygynyň bir ýarym metre çenli ýetýäni-de bar. Türkmen selmelegi — Diýarymyzyň özboluşly ösümligidir. Oňa günbatar Köpetdagda duş gelmek bolýar. Bu ösümlige golaý görnüşler Orta ýer deňzine ýakyn ýurtlarda gögerýärler. Türkmen selmelegi şeýle-de Sumbar we Çendir derýalarynyň jülgelerinde gögerýär. Ýyl geldigiçe, bu dermanlyk ösümliginiň sany oba ilaty tarapyndan artdyrylýar. Selmelek toprakda çyglylyk ýeterlik bolanda gögerýär, gülleýär we miwe berýär, tomus paslynyň jokrama yssysynda bolsa, ol uka gidýär. Selmelegiň ýapraklarynda ýara bitiriji, beden gurplandyryjy häsiýetler bar. Ösümligiň köki hakynda halk arasynda dürli rowaýatlar hem aýdylýar.

28 Mart 2021

Oba hojalyk

Gowaça ekişi geçirilýär

Gowaça ekişine taýýarlykly girişen Tejen etrabynyň oba zähmetkeşleri bu jogapkärli işi guramaçylykly alyp barýarlar. 34 müň gektar meýdanda gowaçanyň ýokary hasylly görnüşlerini ekmegi meýilleşdirýän etrabyň «ak altyn» ussatlary häzirki wagtyň amatly günlerinden netijeli peýdalanýarlar. Gowaça ekişinde etrabyň Tehniki hyzmat ediş kärhanasynyň tejribeli mehanizatorlary işjeňlik görkezýärler. Olar özlerine ynanylan ýokary öndürijilikli ekiji tehnikalaryň 79-syna erk edýärler. Tehnikalara hyzmat ediş toparlarynyň iş üstündäki hyzmatlarynyň ýola goýulmagy bolsa, ekişiň bökdençsiz alnyp barylmagyna şert döredýär.

28 Mart 2021

Oba hojalyk

Bereket çeşmesi

Häzirki bagtyýarlyk döwrümizde toprakdan bol hasyl almak üçin giň mümkinçilikler döredilýär. Hormatly Prezidentimiziň taýsyz tagallasy bilen oba hojalygy ösdürilýär, oba hojalygyna döwrebap innowasiýalar ornaşdyrylýar. Şonuň netijesinde hem ýurdumyzda pagtadan, bugdaýdan, gök-bakja ekinlerinden bol hasyl alynýar. Ynha, ýakynda hem hormatly Prezidentimiz Kaka etrabynda döwrebap ýyladyşhana toplumynyň açylyş dabarasyna gatnaşdy. Şeýle hem hormatly Prezidentimiz sanly ulgam arkaly ýurdumyzyň ähli welaýatlarynda gurlan täze ýyladyşhanalaryň açylyşyna ak pata berdi. Bularyň hemmesi türkmen topragynyň berekedidir. Mälim bolşy ýaly, ilatyň ýaşaýyş derejesini we onuň hilini ýokarlandyrmak bilen gönüden-göni baglanyşykly bolan oba hojalygyny hemme taraplaýyn ösdürmek hormatly Prezidentimiziň döwlet syýasatynyň ileri tutulýan ugrudyr. Türkmenistanda ýaýbaňlandyrylan durmuş-ykdysady özgertmeleriň çäklerinde häzirki wagtda bu ulgamda obasenagat toplumynyň öndürijiligini ýokarlandyrmaga, dürli görnüşli oba hojalyk önümleriniň öndürilişini yzygiderli artdyrmaga, ekerançylaryň döredijilikli zähmet çekmegi üçin amatly şertleri döretmäge gönükdirilen düýpli özgertmeler durmuşa geçirilýär. Köp möçberde maliýe serişdeleri maýa goýlup, pudagyň maddy-enjamlaýyn binýadyny pugtalandyrmak, sanly ulgamy we innowasion tehnologiýalary giňden ornaşdyrmak boýunça işler alnyp barylýar.

28 Mart 2021

Oba hojalyk

Tohumyň müňlesin, daýhan!

24-nji martda ýurdumyzyň Ahal, Balkan, Lebap we Mary welaýatlarynda «Türkmenistan — parahatçylygyň we ynanyşmagyň Watany» ýylynyň wajyp oba hojalyk möwsümi hasaplanýan gowaça ekişine köpçülikleýin girişildi. Demirgazyk sebitimiz bolan Daşoguz welaýatynyň daýhanlary bu möwsüme 31-nji martda girişerler. Ahal welaýatynyň oba zähmetkeşleri mukaddes Garaşsyzlygymyzyň şanly 30 ýyllygynyň uludan bellenilýän ýylynda 145 müň gektar meýdanda gowaça ekişini geçirip, bu gymmatly ekinden 280 müň tonna hasyl almagy maksat edinýärler.

27 Mart 2021

Oba hojalyk

Arkadaga ýüreklerde alkyş bar

Myratdurdy Nazlyýew, ýyladyşhananyň ýolbaşçysy:

26 Mart 2021

Oba hojalyk

Ter gök önümler — ak bazarlaryň bezegi

Naýbaşy baýramymyz bolan mukaddes ýurt Garaşsyzlygymyzyň 30 ýyllyk, gözel paýtagtymyz Aşgabat şäheriniň esaslandyrylmagynyň 140 ýyllyk şanly seneleriniň dabaralanýan «Türkmenistan — parahatçylygyň we ynanyşmagyň Watany» ýylynda milli ykdysadyýetimiziň dürli pudaklarynda hususy ulgamyň eýeleýän ornuny giňeltmek babatdaky tutumlar täze rowaçlyklara beslenýär. Hormatly Prezidentimiziň ak patasy bilen berkarar Diýarymyzyň welaýatlarynda Türkmenistanyň Senagatçylar we telekeçiler birleşmesiniň agzalary tarapyndan gurlan alty sany ýyladyşhananyň dabaraly ýagdaýda açylyp, birbada ulanyşa tabşyrylmagy munuň subutnamasyna öwrüldi. Mähriban Watanymyzyň bagtyýar ilatynyň toý şatlygyny artdyryp, «Döwlet adam üçindir!» diýen baş taglymatymyzyň rowaçlyklara beslenýändiginiň güwäsi bolan bu taryhy pursat ýurdumyzy durmuş-ykdysady taýdan özgertmekde netijeli sepgitlere ýetilýändigini ýene bir ýola tassyklady. Ter gök önümleri bilen zähmetsöýer halkymyzyň baýramçylyk saçaklarynyň bereket bolçulygyny has-da artdyrjak ýyladyşhanalaryň arasynda welaýatymyzyň Türkmenbaşy şäherinde ýerleşýän gök önümleri ösdürip ýetişdirmäge ýöriteleşdirilen, dünýäniň öňdebaryjy önüm öndürijileriniň iň häzirki zaman tehnologiýalaryna daýanýan döwrebap ýyladyşhananyň mynasyp orun eýelemegi guwandyryjydyr. Umumy tutýan meýdany 4 gektar bolup, ýylda bir gektardan 20-50 tonna gök önümleri ýetişdirmek meýilleşdirilýän dö

26 Mart 2021

Oba hojalyk

Möhüm oba hojalyk möwsümi

Ýurdumyzda gowaça ekişine girişildi Pagtaçylyk daşary ýurtlardan getirilýän harytlaryň ornuny tutýan önümleriň öndürilýän mukdaryny artdyrmak, eksport kuwwatyny pugtalandyrmak boýunça döwlet maksatnamalarynyň amala aşyrylmagyny üpjün edýän ýurdumyzyň obasenagat toplumynyň esasy pudaklarynyň biridir. Şoňa görä hormatly Prezidentimiziň Ministrler Kabinetiniň 19-njy martda geçiren mejlisinde tassyklan tertipnamasyna laýyklykda, Ahal, Balkan, Lebap we Mary welaýatlarynyň pagtaçylary gowaça ekişine 24-nji martda girişdiler. Daşoguz welaýatynyň ekerançylary bolsa 31-nji martda ekişe başlarlar.

26 Mart 2021

Oba hojalyk

Ýyladyşhana hojalyklaryny ösdürmek — geljegi uly ugur

Milli Liderimiz ýurdumyzyň ähli welaýatlarynda täze ýyladyşhana toplumlarynyň işine badalga berdi 25-nji martda hormatly Prezidentimiz Gurbanguly Berdimuhamedow Kaka etrabynda Senagatçylar we telekeçiler birleşmesiniň agzasy — «Oguz ýol» hojalyk jemgyýeti tarapyndan gurlan hem-de ýurdumyzyň obasenagat toplumynyň önümçilik düzüminiň üstüni ýetiren döwrebap ýyladyşhana toplumynyň açylyş dabarasyna gatnaşdy. Şeýle hem döwlet Baştutanymyz sanly ulgam arkaly ýurdumyzyň ähli welaýatlarynda gurlan täze ýyladyşhanalaryň açylyşyna ak pata berdi.

26 Mart 2021

Oba hojalyk

Oba hojalyk pudagynda möhüm waka

Ýurdumyzyň her bir sebitinde iri un üweýän, maldarçylyk, guşçulyk toplumlary we ýyladyşhanalar yzygiderli gurlup, ulanylmaga berilýär. Olarda döwrebap tehnologiýalar ornaşdyrylýar. Şu giň gerimli işlere hususy telekeçiligiň wekilleri işjeň gatnaşyp, bu ugurda iri maýa goýum taslamalaryny üstünlikli amala aşyrýarlar. Öňňin Ak bugdaý etrabynda döwrebap ýyladyşhananyň açylyş dabarasy boldy, ol «Bugdaýly» daýhan birleşiginiň çäginde guruldy. Bu waka mynasybetli geçirilen dabara welaýatyň häkimi, etrap häkimliginiň hem-de jemgyýetçilik guramalarynyň ýolbaşçylary, Türkmenistanyň Senagatçylar we telekeçiler birleşmesiniň agzalary, hormatly ýaşulular, köp sanly oba adamlary gatnaşdylar.

26 Mart 2021

Oba hojalyk

Ýaz meýdan işleri

Köneürgenç etrabynyň Hakykat daýhan birleşiginde 2021-nji ýylyň pagta hasyly üçin 850 gektar meýdana gowaça ekmek meýilleşdirilýär. Gowaça ekiljek meýdanlarda daýhan birleşiginiň mehanizatorlaryndan Döwlet Meredow, Gurbanmyrat Gulmyradow, Aýdogdy Myratjykow sürüm-tekizleme işlerini talabalaýyk ýerine ýetirdiler. Gowaça ekiljek meýdanlarda ýuwuş suwlary kada laýyklykda tutuldy. Pagta öndürijiler üçin gowaça tohumynyň çigidini ezmek üçin daýhan birleşiginde ýörite urular taýýar edildi. Hormatly Prezidentimiziň tabşyrygy boýunça, il sylagly ýaşulularyň ak pata bermeginde, pagtaçy daýhanlar, kärendeçiler pagta ekiş möwsümine guramaçylykly girişerler. Şu günler daýhan birleşiginiň ýüpek gurçuklary idedilýän ýörite jaýlarynda abatlaýyş işleri geçirilýär. Şanly Garaşsyzlygymyzyň 30 ýyllyk toýy belleniljek üstümizdäki ýylda hojalygyň ýüpekçi kärendeçileri ýüpek gurçugyndan piläniň bol hasylyny almagy meýilleşdirýärler.

26 Mart 2021

Oba hojalyk

Guzularyň sany artýar

Güneşli Diýarymyzyň sähralarynda bolşy ýaly, dowarlaryň owlak-guzy möwsümi welaýat oba hojalyk önümçilik birleşiginiň Serhetabat etrabynyň bereketli ýaýlalarynda hem guramaçylykly geçirilýär. Etrabyň “Serhetçi” maldarçylyk hojalygynyň çopan toparlary hem şu gyzgalaňly möwsümi üstünlikli alyp barýarlar. Türkmenistan — parahatçylygyň we ynanyşmagyň Watany ýylynda maldarçylyk hojalygy boýunça mallaryň baş sany 53670 bolup, şol sanda ene goýunlaryň 27760-syndan 26129 sany sagdyn, guzy almak meýilleşdirilipdir. Hojalykda Gurbanaly Täçmuhammedowyň 1-nji, Kakamyrat Myradowyň ýolbaşçylyk edýän 2-nji maldarçylyk fermalarynyň çopan toparlarynyň arasynda möwsümi üstünlikli jemlemek maksady bilen özara ýaryş giň gerime eýe bolýar. Ýaryşda Gurbanaly Täçmuhammedowyň ýolbaşçylyk edýän maldarçylyk fermasynyň çopan toparlary öňde barýar. Guramaçy, işbaşarjaň müdir bilen giň sährada, zähmetiň gaýnap joşýan ýerinde didarlaşdyk. — Fermamyz boýunça 38790 sany baş mal bolup, şol sanda ene goýunlaryň 17654-sinden 16771 sany sagdyn, guzy almaklyga hötde geldik. Gyzgalaňly möwsümde Eziz Söýünowyň, Güljemal Meňliýewanyň, Merdan Akmuhammedowyň, Kakabaý Arrykowyň, Baýram Meredowyň çopan toparlary özara ýaryşda öňdeligi eýelediler.

26 Mart 2021

Oba hojalyk

Bereket bolçulygy

Türkmenistanyň Prezidenti Gurbanguly BERDIMUHAMEDOW:— Garaşsyz döwletimiziň her bir raýatyna, şol sanda türkmen daýhanyna işlemäge, döretmäge, toprakdan bol hasyl öndürip, halal zähmeti bilen eşretli durmuşda ýaşamaga ýurdumyzda ähli şertler döredilýär.\ Bedew batly ösüşleriň ýoly bilen ynamly öňe barýan ata Watanymyz Türkmenistan bu gün bagtyýarlygyň we rowaçlygyň ýurdy hökmünde tanalýar. Munuň aňrysynda hormatly Prezidentimiziň «Döwlet adam üçindir!» diýen ýörelgesi ýatandyr.

26 Mart 2021

Oba hojalyk

Türkmenistanyň Prezidenti Gurbanguly Berdimuhamedow: — Hususy oba hojalyk önümlerini öndürijileri goldamak döwlet ähmiýetli wezipedir

Milli Liderimiz ýurdumyzyň ähli welaýatlarynda täze ýyladyşhana toplumlarynyň işine badalga berdi Ahal welaýaty, 25-nji mart (TDH). Şu gün hormatly Prezidentimiz Gurbanguly Berdimuhamedow Kaka etrabynda Senagatçylar we telekeçiler birleşmesiniň agzasy — “Oguz ýol” hojalyk jemgyýeti tarapyndan gurlan hem-de ýurdumyzyň obasenagat toplumynyň önümçilik düzüminiň üstüni ýetiren döwrebap ýyladyşhana toplumynyň açylyş dabarasyna gatnaşdy. Şeýle hem döwlet Baştutanymyz sanly ulgam arkaly ýurdumyzyň ähli welaýatlarynda gurlan täze ýyladyşhanalaryň açylyşyna ak pata berdi.

26 Mart 2021

Oba hojalyk

Biriň müň bolsun, babadaýhan!

Hormatly Prezidentimiz 19-njy martda Ministrler Kabinetiniň sanly ulgam arkaly geçirilen nobatdaky mejlisinde ýurdumyzyň pagtaçy daýhanlarynyň durmuşynda möhüm möwsümiň — gowaça ekişiniň ýetip gelýändigini, ekişi gysga wagtyň içinde, agrotehnikanyň kadalaryna laýyklykda ýokary hilli geçirmegiň uly ähmiýetiniň bardygyny belläp, ýurdumyzyň Ahal, Balkan, Lebap we Mary welaýatlarynda 24-nji martda, Daşoguz welaýatynda bolsa, 31-nji martda gowaça ekişine başlamaga ak pata berdi hem-de il sylagaly ýaşulularymyzdan gowaça ekişine «Bismilla» bilen başlap bermeklerini haýyş etdi. Şunuň bilen baglylykda, öňňin welaýatymyzda gowaça ekişine dili senaly, il sylagly ýaşulularyň gatnaşmagynda toý ruhunda girişildi.

25 Mart 2021

Oba hojalyk

Möhüm möwsüme badalga

Mukaddes Garaşsyzlygymyzyň 30 ýyllyk baýramyna zähmet ýeňişleri bilen barýan daýhanlar hem hormatly Prezidentimiziň ak patasy bilen 24-nji martda gowaça ekişine girişdiler. Daşoguz welaýatynyň daýhanlary bolsa bu möhüm möwsüme 31-nji martda başlar. Şu hepdäniň çarşenbe güni ýurdumyzyň welaýatlarynyň dördüsinde badalga berilmegi bilen, ene topraga täze ýylyň hasylynyň ilkinji çigitleri atyldy. Mukaddes Garaşsyzlygymyzyň 30-njy ýylynda ýurdumyz boýunça 1 million 200 müň tonnadan gowrak «ak altyn» ýetişdirmek meýilleşdirilýär. Nesip bolsa, türkmen daýhanlary bu sepgide abraý bilen ýetip, döwletli diýarymyzyň berekedine goşant goşarlar.

25 Mart 2021

Oba hojalyk