"Türkmen sporty" gazeti

Esaslandyryjysy: "Türkmen Sporty" gazetiniň redaksiýasy
Salgysy: Aşgabat şäheri, 1995-nji köçe 66 jaýy
Telefon belgileri: 22-33-91, 22-33-72

Gazeti PDF görnüşinde ýükläp almak

Habarlar

Yklym çempionatyna ýollanma

Türkmenistanyň tennis boýunça 14 ýaşa çenli ýetginjekler ýygyndysy Merkezi we Günbatar Aziýadan yklym çempionatyna wekilçilik etmäge ýollanma aldy. Bu hukuk ýakynda Omanyň Maskat şäherinde geçirilen sebitleýin ýaryşda gazanylan üstünlikden soň berildi. Ozal hem habar berşimiz ýaly, türkmen türgenleri «Pähim-paýhas ummany Magtymguly Pyragy» ýylyndaky ilkinji halkara üstünligini hut şu ýaryşda gazandy. Ýurdumyzyň çempiony Ilima Guseýnowa iki tapgyrdan ybarat bolan Merkezi we Günbatar Aziýanyň çempionatynyň ilkinji tapgyryny altyn medal bilen jemlemegi başardy.

20 Ýanwar 2024

Sport

Sagdyn jemgyýetiň özeni

Türkmen halkynda «Il saglygy — ýurt baýlygy» diýen ajaýyp pähim bar. Şu pähimden görnüşi ýaly, halkymyz il-günüň saglygyna hemişe iň uly baýlyk, bahasyny hiç bir zat bilen ölçäp bolmajak gymmatlyk hökmünde garap gelipdir we sagdyn durmuş ýörelgesini ýaşaýşynyň aýrylmaz bölegine öwrüpdir. Berkarar döwletiň täze eýýamynyň Galkynyşy döwründe bu ýörelge baý many-mazmuna eýe bolup, oňa döwlet derejesinde uly ähmiýet berilýär. Halkyň saglygyny gorap saklamakdaky esasy serişdeleriň bolsa sagdyn durmuş ýörelgesiniň kadalaryny berjaý etmekdigine, köpçülikleýin bedenterbiýäni we sport hereketini ýaýbaňlandyrmakdygyna ajaýyp zamanamyzda durmuşa geçirilýän beýik işleriň mysalynda hem göz ýetirmek bolýar. «Bedenterbiýe we sport jemgyýetiň sagdynlygyny üpjün edýän gymmatlykdyr. Şoňa görä-de, bu ulgamy ösdürmek, ussat türgenleri taýýarlamak ugrunda toplumlaýyn özgertmeler amala aşyrylýar. Türkmenistan bu gün sport ýurdy hökmünde hem dünýäde giňden tanalýar» diýip nygtaýan hormatly Prezidentimiziň köpçülikleýin bedenterbiýe-sagaldyş hereketini we sporty höweslendirmek, ösdürmek, wagyz etmek meselelerini hemişe üns merkezinde saklaýandygyna her birimiz şaýatdyrys.

19 Ýanwar 2024

Sport

Arkadagyň öwütleri – ýaşlara ýol-ýörelge

Jemgyýetiň ösüşi ýaş nesliň ruhy we akyl kämilliginde, halkyň genofondunyň sagdynlygynda ýüze çykýar. Munuň birnäçe şertlere esaslanýandygyny bellemek gerek. Şol şertleriň möhüm bölegi bolsa sportuň hem-de köpçülikleýin bedenterbiýäniň sazlaşykly ösüşinde jemlenýär. Türkmen halkynyň Milli Lideri Gahryman Arkadagymyzyň binýadyny goýan sport syýasatynyň Arkadagly Gahryman Serdarymyz tarapyndan mynasyp derejede dowam etdirilmegi bilen, ulgamyň ýetýän belent sepgitleri türkmen ýaşlarynyň durmuşyna özboluşly öwüşgin çaýýar. Olaryň sport ýaryşlarynda netijeli çykyş etmegi, köpçülikleýin bedenterbiýe-sagaldyş çärelerine işjeň gatnaşmagy röwşen ertirimiziň eýeleri bolan ýaşlaryň beden hem-de ruhy sagdynlygyny şertlendirýär. Täze taryhy eýýamda jemgyýetimizi döwrebap derejede ösdürmäge uly üns berilýär. Muňa ýurdumyzda ýaşlar syýasatyny ähli taraplaýyn ösdürmek hem-de goldamak babatda durmuşa geçirilýän döwlet syýasatynyň mysalynda hem aýdyň göz ýetirmek bolýar. Bu hakykat türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň 2023-2024-nji okuw ýylynyň ilkinji gününde Arkadag şäheriniň Ruhyýet köşgünde ýaşlar bilen geçiren taryhy ähmiýetli umumy sapagynda hem aýdyň şöhlelendi.

19 Ýanwar 2024

Sport

Sport mekdeplerinde

Bäherden etrabynyň bedenterbiýe we sport bölüminiň jemgyýetçilik guramalary bilen bilelikde guramagynda sport mekdebinde Berkarar döwletiň täze eýýamynyň Galkynyşy döwrüniň «Pähim-paýhas ummany Magtymguly Pyragy» ýyly mynasybetli wagyz-nesihat duşuşygy geçirildi. Duşuşykda çykyş edenleriň belleýşi ýaly, hormatly Prezidentimiziň taýsyz tagallasy bilen akyldar şahyrymyza goýulýan hormat-sarpa Berkarar döwletiň täze eýýamynyň Galkynyşy döwründe täze belentliklere göterilýär. 2024-nji ýylyň «Pähim-paýhas ummany Magtymguly Pyragy» ýyly diýlip yglan edilmegi hem bu hakykatyň aýdyň subutnamasy bolup dabaralanýar. Nesip bolsa, bu ýyl ruhy baýlyga aýratyn gadyr goýýan Türkmenistanyň Halk Maslahatynyň Başlygy, Gahryman Arkadagymyzyň pähim-paýhasy bilen, Arkadagly Gahryman Serdarymyzyň baştutanlygynda Magtymguly Pyragynyň doglan gününiň 300 ýyllygy uludan tutular. Täsirli geçen maslahatyň ahyrynda oňa gatnaşyjylar halkymyzyň asuda hem-de bagtyýar durmuşda ýaşamagy ugrunda ähli tagallalary edýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.

19 Ýanwar 2024

Sport

Sagdyn nesiller – Watanyň daýanjy

Bedenterbiýäniň we sportuň jemgyýetiň abadançylygynda, döwletiň gülläp ösüşinde aýgytly orny eýeleýändigi dünýä tejribesi esasynda subut edilen ajaýyp hakykatdyr. Berkarar Watanymyzda hem köpçülikleýin bedenterbiýe-sagaldyş hereketi nurana geljegimiziň eýeleri bolan ýaş nesliň beden we ruhy taýdan kämilligini gazanmakda möhüm şertleriň biridir. Degişli ugurdaky döwlet syýasaty raýatlaryň durmuş derejesini gowulandyrmaga, sagdyn durmuş ýörelgesini kemala getirmäge, häzirki zaman durmuş şertlerine uýgunlaşmaga ukyply, beden we ruhy taýdan kämil nesli terbiýelemäge, halkara sport ýaryşlarynda üstünlikli çykyş edýän türgenleri taýýarlamaga gönükdirilýär. Arkadagly Gahryman Serdarymyz «Ýaşlar – Watanyň daýanjy» atly kitabynda: «Biz ynsan saglygyny ähli zatdan ileri tutup, beden we ruhy taýdan kämil nesli kemala getirmäge uly ähmiýet berýäris. Döwletimiziň bu asylly maksatlarynyň amala aşyrylmagynda sport esasy orunlaryň birini eýeleýär. Täze taryhy eýýamda sagdyn durmuş ýörelgesine eýerýän ildeşlerimiziň hatary yzygiderli artýar, köpçülikleýin bedenterbiýe-sagaldyş hereketi barha rowaçlanýar. Munuň özi nesil sagdynlygyny gazanmakda ähmiýet berilmeli ýagdaýdyr. Şonuň bilen birlikde, ol ýokary netijeli sporty ösdürmegiň hem esasy şertleriniň biridir» diýip bellemek bilen, ýurdumyzda bedenterbiýe we sport hereketiniň baş maksatlaryny beýan edýär.

19 Ýanwar 2024

Sport

Spartakiadanyň çäklerinde

Stol tennisi Berkarar döwletiň täze eýýamynyň Galkynyşy döwründe Arkadagly Gahryman Serdarymyzyň baştutanlygynda adam we onuň saglygy hakdaky alada döwlet syýasatynyň ileri tutulýan ugurlarynyň birine öwrüldi. Ýurdumyzda bedenterbiýäni we köpçülikleýin sporty ösdürmek, jemgyýetimizde sagdyn durmuş ýörelgelerini giňden ornaşdyrmak babatda uly işler alnyp barylýar.

19 Ýanwar 2024

Sport

Sportuň kämil ojagy

Deňi-taýy bolmadyk ajaýyp «akylly» şäheriň sportdaky mümkinçilikleri hemmeleri haýrana goýýar. Arkadag şäherinde mynasyp ornuny tapan ajaýyp sport desgalary türgenleriň sport bilen hünär derejesinde meşgullanmagy bilen birlikde, dürli ýaşly ildeşlerimiziň sagdyn durmuş ýörelgesine ygrarlylygyny gazanmakda hem möhüm ähmiýete eýedir. Halkara ölçeglerine laýyk gelýän enjamlar bilen üpjün edilen Köpugurly sport toplumy, Sport merkezi (Suw-sport toplumy) we 10 müň orunlyk stadion uly mümkinçiliklere eýedir. Bu binalarda sportuň başa-baş söweş görnüşleri, futbol, woleýbol, basketbol, uly we stol tennisi, agyr hem-de ýeňil atletika, gimnastika, gylyçlaşmak, küşt, şaşka, suw görnüşleri bilen meşgullanmak üçin ähli şertler bar. Şeýle hem fitnes, trenažýor we maslahatlar zallary bilen birlikde, beýleki zerur otaglar hem göz öňünde tutulypdyr. Sport merkezinde bolsa suwda ýüzülýän uly howuzdan başga-da, çagalar üçin niýetlenen suw attraksionly howuz bar.

19 Ýanwar 2024

Sport

Şowly çykyşlar

Sport mekdebimiziň türgenleri Arkadag Serdarly bagtyýar ýaşlar ýylyny uly üstünliklere beslediler. Mekdebimiziň türgenleri ýurdumyzda hem-de halkara ýaryşlarda üstünlikli çykyş etdiler. Türgenlerimiziň ýeňişli ýollary bu gün hem dowam edýär. 13-14-nji ýanwarda Türkmen döwlet bedenterbiýe we sport institutynda 16,17,18 ýaşly ýetginjekleriň arasynda sambo we söweş sambosy boýunça Türkmenistanyň birinjiligi geçirildi. Çekeleşikli häsiýete eýe bolan ýaryşda sport mekdebimiziň türgenleri hem şowly çykyş etdiler. Has takygy, sambo boýunça sport mekdebimiziň tälimçisi Çary Meredowyň şägirtleri Işanguly Kulyýew 53 kg agramda, Seýran Döwwaýew 71 kg agramda birinji, Nurmuhammet Atabaýew 64 kg agramda, Rahman Nurýagdyýew 79 kg agramda üçünji orunlara eýe boldular.

19 Ýanwar 2024

Sport

Maksadym – ökde türgen bolmak

Stol tennisi hakynda men ilkibaşda eşitmedik hem bolsam, häzir bu meniň özüme hemişelik hemra edinen sportum. Meniň stol tennisi bilen meşgullanyp başlamagyma mekdebimizde geçirilen sport ýaryşlary sebäp boldy. Şeýdibem, bedenterbiýe mugallymymyň ýardam bermegi bilen etrabymyzdaky sport mekdebine gatnap başladym. Bu ýerde bize tälimçi-mugallym Rahat Töräýew ýolbaşçylyk edýär. Ol bize stol tennisiniň inçe syrlaryny öwredýär, yzygiderli türgenleşik sapaklaryny geçýär.

19 Ýanwar 2024

Sport

Taryhda şu gün

23-nji gezek guralan bu duşuşykdaky ilkinji gol 20-nji sekuntda hasaba alyndy. Bu goly «Günbataryň» oýunçysy Žak Laperrier öz adyna ýazdyrdy. Duşuşykdaky soňky goly «Gündogaryň» oýunçysy Gordi Hou geçirdi. Şol döwürler ýyldyz hokkeýçi hasaplanan Gordiniň hemme ýyldyzlaryň gatnaşmagynda guralýan duşuşyklara 10-njy gezek gatnaşandygyny bellemek gerek. Milli hokkeý ligasynyň 1970/71 möwsüminiň regulýar çempionatynda 121 utuk toplan «Boston Brýuinz» topary ýeňiş gazanypdy. Onuň yzysüresi geçirilen pleý-off tapgyrynda bolsa «Monreal Kanadiens» topary ýeňiji boldy. Stenliniň Kubogynyň finalynda Monreal şäheriniň topary «Çikago Blekhoks» toparyny 7 duşuşygyň netijesinde 4:3 hasabynda ýeňlişe sezewar etdi.

19 Ýanwar 2024

Sport

Welosportuň meşhur görnüşi

Welosiped sportunyň meşhur görnüşleriniň biri welotrek ýaryşlarydyr. «Welotrek» sözüniň latyn dilinde «çalt, tiz», iňlis dilinde «yz, ýol» diýen manylary aňladýandygyny hem bilip goýan ýagşy. Bu ýaryşlar ýörite welosipedleriň hereketlenmegine niýetlenen ýodaly meýdançada, köplenç halatda, 130 – 500 metr, halkara derejeli ýaryşlarda bolsa 250 – 400 metr aralygynda geçirilýär.

19 Ýanwar 2024

Sport

Sport — ýaşlaryň hemrasy

Şanly ýylymyzyň «Pähim-paýhas ummany Magtymguly Pyragy» ýyly diýlip yglan edilmegi mynasybetli Seýdi şäherindäki 7-nji sport mekdebinde woleýbol boýunça etrabyň birinjiligini almak ugrunda ýaryş geçirildi. Oňa etrabyň çägindäki sport mekdepleriň toparlary gatnaşdylar. Guralan duşuşyklar çekeleşikli we gyzgalaňly häsiýete eýe boldy. Ýaryşyň dowamynda 4-nji sport mekdebiniň oglanlar topary üstünlikli çykyş edip, birinjiligi eýeledi. Etrabyň 2-nji we 7-nji sport mekdepleriniň toparlary bolsa degişlilikde ikinji we üçünji baýrakly orunlara mynasyp boldular. Ýeňijileri etrap birleşmämiziň adyndan ýadygärlik sowgatlary bilen sylagladyk.

19 Ýanwar 2024

Sport

FI­FA ýe­ne-de Mes­si­ni saý­la­dy

Ar­gen­ti­na­ly su­per ýyl­dyz fut­bol­çy, hä­zir­ki wagt­da «In­ter Ma­ýa­mi» to­pa­ryn­da çykyş edýän Lio­nel Mes­si­niň baý­rak kol­lek­si­ýa­syn­da­ky sy­lag­la­ry­nyň sa­ny art­ma­gy­ny do­wam ed­ýär. Ang­li­ýa­nyň paý­tag­ty Lon­don­da ge­çi­ri­len «The Best FI­FA 2023» baý­rak­la­ry­nyň ýe­ňi­ji­le­ri mä­lim edil­di. Fran­si­ýa­ly ozal­ky meş­hur fut­bol­çy Ti­er­ri An­ri bi­len bri­ta­ni­ýa­ly ta­ny­mal alyp­ba­ry­jy Reş­min Çowd­hu­ri­niň bi­le­lik­de alyp ba­ran da­ba­ra­sy­na fut­bo­lyň öň­ki-soň­ky ýyl­dyz­la­ry, tä­lim­çi­ler, klub­la­ryň ýol­baş­çy­la­ry,

19 Ýanwar 2024

Sport

«Re­al Mad­rid» 13-nji ge­zek Su­per Ku­bo­gyň eýe­si

Is­pa­ni­ýa­nyň Su­per Ku­bo­gy du­şu­şy­gy­nyň fi­na­lyn­da bu ge­zek ýe­ňiş «Re­al Mad­ri­diň» ta­ra­pyn­da bol­dy. Ge­çen ýyl­ky fi­nal­da as­gyn ge­len (3-1) «Re­al Mad­rid» bu sa­par «Bar­se­lo­na­ny» 4-1 ha­sa­byn­da ýeň­li­şe se­ze­war et­di. Sa­ud Ara­bys­ta­ny­nyň paý­tag­ty Er-Ri­ýad­da­ky KSU sta­dio­nyn­da ge­çi­ri­len fi­nal­da mad­rid­lile­riň gol­la­ry­nyň 3-si­ni Wi­ni­si­us Ju­ni­or öz ady­na ýaz­dyr­dy. Eý­ýäm il­kin­ji 10 mi­nut­da — 7-nji we 10-njy mi­nut­lar­da gar­şy­lyk­la­ýyn hü­jüm­le­riň ne­ti­je­sin­de 2 gol ge­çi­ren bra­zi­li­ýa­ly win­ger 39-njy mi­nut­da-da pe­nal­ti­ni dürs urup, het-trik et­di. Ol «Bar­se­lo­na­nyň» der­we­ze­sin­den 3 gol ge­çi­ren il­kin­ji «re­al­ly» bra­zil fut­bol­çysy hök­mün­de ha­sa­ba alyn­dy. Oý­nuň 64-nji mi­nu­tyn­da-da baş­ga bir bra­zi­li­ýa­ly fut­bol­çy Rod­ri­go ta­pa­wut­lan­dy. «Bar­se­lo­na­nyň» ýe­ke-täk go­lu­ny 33-nji mi­nut­da Ro­bert Le­wan­dows­ki der­we­zä gi­ri­zip, ol «El Kla­si­ko­da» «Rea­lyň» to­run­dan gol ge­çi­ren iň ýa­şu­ly «bar­se­lo­na­ly» oýun­çy bol­dy. Du­şu­şy­gyň 71-nji mi­nu­tyn­da «Bar­se­lo­na­nyň» urug­waý­ly go­rag­çy­sy Ro­nald Arau­ho gy­zyl kart al­dy. Şun­luk­da, 4–1 ha­sa­byn­da ýe­ňiş ga­za­nan «Re­al Mad­rid» res­mi «El Kla­si­ko» du­şu­şyk­la­ryn­da gar­şy­da­şy­ny 104-nji ge­zek ýeň­li­şe se­ze­war et­di. Bu ýe­ňiş «Re­al Mad­ri­diň» soň­ky 5 ýyl­da­ky 3-nji, umu­my­lyk­d

19 Ýanwar 2024

Sport

Il­kin­ji al­tyn me­da­ly­ny ga­zan­dy

Fi­gu­ra­la­ýyn typ­mak bo­ýun­ça Lit­wa­nyň Kau­nas şä­he­rin­de ge­çi­ri­len Ýew­ro­pa çem­pio­na­ty ta­mam­lan­dy. Çem­pio­nat­da er­kek­le­riň ara­syn­da ýe­ke­le­ýin ýa­ryş­da fran­si­ýa­ly 22 ýa­şyn­da­ky Adam Siao Him Fa bas­syr 2-nji ge­zek yk­lym ýa­ry­şy­nyň ýe­ňi­ji­si bol­dy. Ol 2 tap­gyr­da-da (gys­ga prog­ram­ma, er­kin typ­mak) iň köp utu­gy top­la­ma­gy ba­şar­dy. Bu ugur­da es­to­ni­ýa­ly Alek­sandr Se­lew­ko 2-nji, ita­li­ýa­ly Mat­teo Riz­zo 3-nji or­ny eýe­le­di. Ze­nan­la­ryň ara­syn­da­ky ýa­ryş­da bel­gi­ýa­ly Lu­na Hend­riks 2 tap­gyr­da öňe saý­la­nyp, yk­lym ýa­ry­şyn­da­ky il­kin­ji al­tyn me­da­ly­ny boý­nu­na dak­dy. Ol ge­çen ýy­lyň çem­pio­ny gru­zi­ýa­ly Anas­ta­si­ýa Gu­ba­no­wa­dan hem-de wa­tan­da­şy Ni­nan Pin­zar­ro­ne­den öňe saý­lan­dy.

19 Ýanwar 2024

Sport

Ka­ta­ryň ýy­gyn­dy­sy 1/8 fi­na­la çy­kan il­kin­ji to­par bol­dy

Ge­çen hep­dä­niň an­na gü­ni Ka­tar­da bat alan fut­bol bo­ýun­ça 18-nji Azi­ýa Ku­bo­gyn­da to­par­ça­lar­da­ky 1-nji du­şu­şyk­lar ta­mam­lan­dy. Ge­çi­ri­len 12 oý­nuň 2-sin­de ha­sap açyl­ma­dy. 12 oýun­da je­mi 37 gol ha­sa­ba alyn­dy. Umu­my­lyk­da, 1-nji du­şu­şyk­lar­da fa­wo­rit­ler ýe­ňiş ga­zan­ma­gy ba­şar­dy. «A» to­par­ça­da ýer eýe­le­ri Ka­ta­ryň ýy­gyn­dy­sy Li­wa­ny Afi­fiň hem-de Al­mo­ez Ali­niň gol­la­ry bi­len 3-0 ha­sa­byn­da ýeň­di. Çem­pio­na­tyň ta­ry­hyn­da­ky il­kin­ji du­şu­şy­gyn­da Hy­taý bi­len gol­suz deň­me-deň oý­nan Tä­ji­gis­ta­nyň ýy­gyn­dy­sy il­kin­ji utu­gy­ny ga­zan­dy. «A» to­par­ça­da 2-nji du­şu­şyk­lar hem ge­çi­ri­lip, Hy­ta­ýyň ýy­gyn­dy­sy Li­wan bi­le­nem gol­suz deň­me-deň oý­na­dy. Ýer eýe­le­ri Ka­ta­ryň ýy­gyn­dy­sy bol­sa Tä­ji­gis­ta­nyň ýy­gyn­dy­syny Afi­fiň 17-nji mi­nut­da­ky ýe­ke-täk go­ly bi­len ýe­ňip, 1/8 fi­na­la çy­kan il­kin­ji ýy­gyn­dy bol­dy.

19 Ýanwar 2024

Sport

Woleýbolçy gyzlar ýaryşdylar

Ýakynda Saýat etrabyndaky 41-nji orta mekdepde geçirilen woleýbol ýaryşy iň gowy gyzlar toparyny saýlamaga mümkinçilik berdi. Bu ýaryşy Türkmenistanyň Kärdeşler arkalaşyklarynyň etrap birleşmesi etrabyň sport we bedenterbiýe bölümi bilen bilelikde gurady. Ýaryşa etrabymyzyň ähli mekdepleriniň woleýbolçy gyzlar toparlary gatnaşdylar. Gyşky dynç alyş möwsüminde geçirilen ýaryş täze ýylyň ilkinji günlerindäki sport baýramçylygyna öwrüldi.

18 Ýanwar 2024

Sport

Sport. Sport. Sport.

Ezberler öňe saýlandylar Garaşsyz döwletimizde sporty we bedenterbiýäni ösdürmekde degerli işleriň gerimi giňeýär. Aýratynam, ýaşlaryň sport bilen meşgullanmaga höwesekleriniň sanynyň artýandygy bellärliklidir. Ýurdumyzda gurlup, ulanylmaga berlen stadionlar, sport desgalary we sport mekdepleri bu günki gün ýaşlaryň arzyly mekanyna öwrülýär.

17 Ýanwar 2024

Sport

Küştçi doganlar

Doganlar Joraýewler mundan sanlyja ýyl ozal hem adaty küştçüleriň hatarynda görülýärdi. Indi ýaryşlarda olar barada näme diýilýär, bilýäňizmi? «Joraýewler gelipdir, diýmek, çynlakaý çemeleşmeli» diýýärler. Çünki indi Ýunus bilen Abdyllanyň gatnaşan ýaryşyndan eli boş gaýtmajakdygyny bäsdeşlerem bilýär, küşt dünýäsiniň ussat tälimçilerem bilýär. Türkmenabat şäherindäki ýöriteleşdirilen 27-nji orta mekdebinde okaýan doganlar, ine, şeýle ezber küştçi bolup ýetişdiler. Küştçi doganlaryň ejesi Miwe gelneje ogullaryny alyp, iş ýerime — welaýat gazetiniň redaksiýasyna gelende, orta mekdebiň sekizinji synpynda okaýan Ýunus bilen heniz bäşinji synpyň okuwçysy Abdyllanyň gazanan ýeňişleri üçin berlen Hormat hatlarydyr medallary görüp, özüm-ä haýran galdym. Gysgaça şeýle ýazaýyn: Hormat hatlarydyr medallaryň diňe atlaryny sanap geçjek bolsaňam, «Güneşiň» birki sahypasyny dagy eýelejek. Jemläp aýtsak, Ýunusyň-a dürli derejeli ýaryşlardan 3 altyn, şonça kümüş we 7 sany bürünç, Abdyllanyň bolsa 14 sany altyn, 5 sany kümüş we 4 sany bürünç medallary bar. Ýene bir zady — bu medallaryň içinde halkara derejeli onlaýn ýaryşlardan gazanylan medallaryň hem bardygyny bilip goýsaňyz gowy.

17 Ýanwar 2024

Sport

Karateniň ýaşajyk ussady

Mekdep okuwçylarynyň arasynda sportuň dürli görnüşleri boýunça milli ýygyndylarymyzyň düzüminde çykyş edip, dünýä çempionatlarynda, halkara ýaryşlarynda öňdäki orunlary eýeläp, ýaşyl Tugumyzy belende galdyrýan türgenler az däl. Şolaryň biri hem Şamyrat Myradow. Ol Görogly etrabyndaky 7-nji orta mekdepde okaýar.  Şamyrat 7-8 ýaşyndan bäri Gündogaryň başa-baş söweş sungatynyň bir görnüşi bolan karate bilen meşgullanyp gelýär. Ol ilkinji gezek karate boýunça ýaryşa 2013-nji ýylda gatnaşýar we agram derejesi boýunça eminleriň çözgüdi bilen ilkinji ýeňşini gazanýar. Ýaş türgen 2014 — 2018-nji ýyllar aralygynda Görogly etrabyndaky 2-nji çagalar we ýetginjekler sport mekdebiniň mugallymy Babahan Dädebaýewiň elinde tälim alýar. Bu döwürde Şamyrat sportuň karate görnüşi boýunça etrap, welaýat tapgyrlarynda geçirilen çempionatlarda agram derejeleri boýunça yzygiderli baş baýraklara mynasyp bolýar.

17 Ýanwar 2024

Sport