"Türkmen sporty" gazeti

Esaslandyryjysy: "Türkmen Sporty" gazetiniň redaksiýasy
Salgysy: Aşgabat şäheri, 1995-nji köçe 66 jaýy
Telefon belgileri: 22-33-91, 22-33-72

Gazeti PDF görnüşinde ýükläp almak

Habarlar

Ikin­ji aý­law ta­mam­lan­dy

Fut­bol bo­ýun­ça Türk­me­nis­ta­nyň mil­li çem­pio­na­tyn­da 2-nji aý­law ta­mam­lan­dy. 18-nji tap­gyr­da ge­çi­ri­len du­şu­şyk­lar­da 16 gol der­we­zä gi­ri­zi­lip, 3 oýun­da ýer eýe­le­ri ýe­ňiş ga­zan­dy. Sa­na­wyň ýeň­liş­siz li­de­ri «Ar­ka­dag» to­pa­ry öz meý­dan­ça­syn­da «Şa­ga­dam» to­pa­ryn­dan 3–1 ha­sa­byn­da üs­tün çyk­dy. Du­şu­şyk­da Röw­şen Beg­ja­no­wyň go­ly bi­len 14-nji mi­nut­da öňe saý­la­nan myh­man­la­ra ýer eýe­le­ri Şa­na­zar Tir­ki­şo­wyň (20), Ab­dy Bä­şi­mo­wyň (32) hem-de Be­genç Akmäm­me­do­wyň (88) gol­la­ry esa­syn­da jo­gap ber­di. «Al­tyn asyr» to­pa­ry öz meý­dan­ça­syn­da «Merw» to­pa­ry­ny 5–2 ha­sa­byn­da ýeň­li­şe se­ze­war et­di. Du­şu­şyk­da ara­gat­na­şyk­çy­la­ryň gol­la­ry­ny Ar­slan Sa­pa­row (23, 52), Za­far Baba­ja­now (30), Se­lim Nur­my­ra­dow (44 p) hem-de Röw­şen­gel­di Hal­mäm­me­dow (68), «Mer­wiň» gol­la­ry­ny bol­sa Şa­za­da Bä­şi­mow (10) bi­len Aly Haý­da­row (77) ge­çir­di.

31 Maý 2024

Sport

Banaia aratapawudy azaldýar

Mo­to GP bo­ýun­ça möw­sü­miň 6-njy ýa­ry­şy Ka­ta­lo­ni­ýa «Gran Pri­si» Is­pa­ni­ýa­nyň Mont­me­lo şä­he­rin­de ge­çi­ri­lip, «Ducati Le­novo» to­pa­ry­nyň ital­ýan sü­rü­ji­si Fran­çes­ko Ba­naia ýe­ňi­ji bol­dy. Ol 24 aý­la­wy 40 mi­nut 11,726 se­kunt­da ta­mam­lap, möw­süm­dä­ki 3-nji, kar­ýe­ra­syn­da­ky 21-nji ýeň­şi­ni ga­zan­dy. Ýa­ryş­da is­pa­ni­ýa­ly sü­rü­ji­ler – Hor­ge Mar­tin («Pri­ma Pra­mac»), Mark Mar­kes («Gre­si­ni Racing») hem-de Aleiks Es­par­ga­ro («Ap­ri­lia») 2–3–4-nji orun­la­ry eýe­le­di­ler. Esa­sy ýa­ryş­dan öň ge­çi­ri­len sprint bäs­le­şi­gin­de is­pa­ni­ýa­ly pi­lot­lar – Aleiks Es­par­ga­ro, Mark Mar­kes hem-de Ped­ro Akos­ta («KTM Red Bull Gas­Gas Tech3») öň­dä­ki 3 or­na my­na­syp bol­dy. Sürüjileriň sanawynda Hor­ge Mar­tin 155 utuk bi­len 1-nji orunda barýar. 2–3-nji oru­nlar­da­ky Ba­naia­nyň 116, Mar­ke­siň 114 utu­gy bar. Möw­sü­miň 7-nji ýa­ry­şy 2-nji iýun­da Ita­li­ýa­nyň Flo­ren­si­ýa se­bi­tin­de ge­çi­ri­ler.

31 Maý 2024

Sport

19 ýyl­dan soň yk­ly­myň çem­pio­ny

AFK Çem­pi­on­lar Li­ga­syn­da BAE-niň «Al-Ain» to­pa­ry ýe­ňi­ji bol­dy. Fi­nal­yň jo­gap du­şu­şy­gyn­da öz meý­dan­ça­syn­da Ýa­po­ni­ýa­nyň «Ýo­ko­ha­ma F. Ma­ri­nos» to­pa­ry­ny 5–1 ha­sa­byn­da ýe­ňen «Al-Ain» to­pa­ry 19 ýyl­dan soň bu ar­zy­ly ku­bo­gy 2-nji ge­zek as­ma­na gö­ter­di. Myh­man­çy­lyk­da 2–1 hasabynda ýeň­len «Al-Ain» to­pa­ry­na jo­gap du­şu­şy­gyn­da uly ha­sap­ly ýe­ňiş ge­ti­ren gol­la­ry Ra­hi­mi (8, 67), Ka­ku (33 p) hem-de La­ba (90+1, 90+5) ge­çir­di. Ýa­pon­la­ryň ýe­ke-täk go­lu­ny bol­sa 40-njy mi­nut­da Ýan Ma­te­us der­we­zä gi­riz­di. Du­şu­şy­gyň 45+10-njy mi­nu­tyn­da ýa­pon to­pa­ry­nyň der­we­ze­çi­si Wil­li­am Popp gy­zyl kart al­dy. Şun­luk­da, 2 oý­nuň ne­ti­je­si bo­ýun­ça 6–3 ha­sa­byn­da ýe­ňiş ga­za­nan «Al-Ain» to­pa­ry 2003-nji ýyl­dan soň 3-nji ge­zek AFK Çem­pi­on­lar Li­ga­sy­nyň çem­pio­ny bol­ma­gy ba­şar­dy. Ar­gen­ti­na­ly Her­nan Kres­po­nyň tä­lim ber­ýän to­pa­ry bu ku­bo­gy 2-nji ge­zek ga­za­nan 14-nji klub hök­mün­de bel­li­ge alyn­dy. Ýa­pon klu­by «Ýo­ko­ha­ma F. Ma­ri­nos» to­pa­ry-da 34 ýyl­dan soň çy­kan 2-nji fi­na­lyn­da-da ku­bo­gy ga­za­nyp bil­me­di. Ol ku­bo­gy ga­za­nyp bil­me­dik to­par­la­ryň ara­syn­da 2 ge­zek fi­nal­da as­gyn ge­len 4-nji to­par­dyr.

31 Maý 2024

Sport

Sport — dostluk köprüsi

Berkarar döwletiň täze eýýamynyň Galkynyşy döwründe  ýurdumyzyň sport mümkinçilikleri dostlukly hyzmatdaşlygy, parahatçylygy ösdürmek bilen utgaşyklylykda uly üstünliklere beslenýär. Garaşsyz ýurdumyzda 24-nji maýda geçirilen  GDA-nyň Hökümet Baştutanlarynyň Geňeşiniň nobatdaky mejlisinde sportly Watanymyzyň paýtagty Aşgabadyň «Arkalaşygyň täze sport mümkinçilikleriniň şäheri» diýlip yglan edilmegi sebitde döwletara hyzmatdaşlygy ösdürmäge  täze itergi berýän taryhy waka boldy. Bilşimiz ýaly, hormatly Prezidentimiz 2022-nji ýylyň 14-nji oktýabrynda Gazagystan Respublikasynyň paýtagty Astana şäherinde geçen GDA-nyň döwlet Baştutanlarynyň Geňeşiniň nobatdaky mejlisinde eden taryhy çykyşynda ynsanperwer hyzmatdaşlygyň jebisleşmeginde sport boýunça hyzmatdaşlyga  möhüm ornuň degişlidigini belledi. Arkadagly Gahryman Serdarymyzyň GDA-nyň Bedenterbiýe we sport boýunça geňeşiniň howandarlygynda halkara sport oýunlaryny geçirmek boýunça Utgaşdyryjy komiteti döretmek baradaky teklibi agza döwletler tarapyndan giňden goldanyldy.

30 Maý 2024

Sport

Sport mekdepleriň bäsleşigi

Ýurdumyzyň ähli sport mekdepleriniň arasynda yglan edilen  «Bagtyýarlyk döwrüniň sport mekdebi», «Iň oňat usulyýet otagy», «Ýaş olimpiýaçylary taýýarlaýyş mekdepleri» atly bäsleşikleriň jemi jemlenildi. Onda «Iň oňat usulyýet otagy» ugry boýunça 1-nji orna Mary şäherindäki 7-nji sport mekdebi, 2-nji orna Lebap welaýatynyň Halaç etrabyndaky 1-nji sport mekdebi, 3-nji orna Daşoguz şäherindäki 5-nji sport mekdebi mynasyp boldy.

30 Maý 2024

Sport

Suwçy obasynyň woleýbolçy gyzlary

Hoş habaryň ganaty bar diýleni. Mele suwly, akymy möwçli Jeýhunyň kenarynda ýerleşýän Saýat etrabynyň Suwçy obasyndaky 13-nji orta mekdebiň okuwçy gyzlarynyň ýene bir uly ýaryşdan baýrakly dolanandyklary baradaky şatlykly habar ýaýrady. Olar Aşgabat şäherinde «Türkmenistan — ruhubelentligiň we sagdynlygyň ýurdy» diýen at bilen orta mekdepleriň okuwçylarynyň arasynda geçirilen XIII spartakiadada üçünji orna mynasyp boldular. Gazanylan üstünlik üçin toparyň agzalary degişli medallar we Hormat hatlary bilen sylaglanyldy. Bu şatlykly waka bizde bu obanyň türgen gyzlary, olaryň tälimçileri hakynda makala ýazmak höwesini döretdi. Her bir işde bolşy ýaly, sportda-da görelde möhüm orny eýeleýär. Bu babatda obanyň ýaşlarynyň bagty çüwdi. Obada önüp-ösen, diňe bir etrapda ýa-da welaýatymyzda däl, tutuş ýurdumyzda ezber woleýbolçy hökmünde tanalýan Eset Annakylyçowyň mekdebe bedenterbiýe mugallymy bolup işe gelmegi ýaşlary sporta çekmekde uly ähmiýete eýe bolupdy. Ol egsilmez hyjuwy, şahsy göreldesi bilen ýaşlary sportuň bu görnüşine köpçülikleýin çekmegiň hötdesinden geldi. Bu möhüm işde has gowy netijeleri gazanmak üçin ýokary guramalaryň öňünde mesele goýlup, mekdebiň ýanynda ýokary talaplara laýyk gelýän sport zalynyň gurulmagy-da gazanyldy. Şonuň netijesinde bedenterbiýe dersini talabalaýyk okatmak, türgenleşikleri netijeli geçirmek üçin amatly şertler peýda boldy. Bu m

29 Maý 2024

Sport

3-nji iýun — Bütindünýä welosiped güni

Ynsan üçin ähmiýetli ulag «Pähim-paýhas ummany Magtymguly Pyragy» ýylynda BMG-niň Baş Assambleýasynyň 2018-nji ýylyň 12-nji aprelinde Türkmenistanyň başlangyjy boýunça kabul eden Kararnamasy esasynda, her ýylyň 3-nji iýunynyň «Bütindünýä welosiped güni» diýlip yglan edilenine alty ýyl dolýar. Şondan bäri her ýyl bu sene dünýäniň ähli künjeginde ýokary derejede bellenilip gelinýär.

29 Maý 2024

Sport

Türgenlerimiziň üstünlikleri

Ýakynda paýtagtymyzda ýerleşýän «Aşgabat» stadionynyň döwrebap meýdançasynda Türkmenistanyň Ýeňil atletika federasiýasynyň guramagynda milli ýygyndy toparymyzyň düzümini has-da berkitmek, güýçli türgenleri ýüze çykarmak, olaryň ukyp-başarnyklaryny kämilleşdirmek, halkara ýaryşlaryna taýýarlamak maksady bilen, ýurdumyzyň çempionaty geçirildi. Geçirilýän bäsleşikleriň ählisine-de işjeň gatnaşyp, ýokary netijeleri görkezýän Türkmenistanyň Goranmak ministrliginiň harby gullukçysy, halypa tälimçi, podpolkownik Maksatmyrat Ekberdiýewiň taýýarlan türgenleri bu çempionata hem işjeň gatnaşyp, özleriniň ussatlyklaryny ýene bir ýola görkezmegi başardylar. 200 metr aralyga ylgamakda günsaýyn ýokary netijeleri görkezýän milli ýygyndymyzyň düzümine täze goşulan sport ussady, harby talyp Abdyrahman Nurgeldiýewiň sport ussatlaryndan ybarat bolan milli ýygyndymyzyň türgenleri bilen bäsleşip, baýrakly 3-nji orny eýelemegi harby türgenleriň buýsanjyny has-da artdyrdy. 400 metr aralyga ylgamakda bolsa, bäsdeşlerinden has-da tapawutlanmagy başaran harby talyp Agamämmet Agageldiýew ilkinji gezek ýurdumyzyň çempionlygyny gazandy. Şeýle-de harby talyp Wepa Döwletmyradow hem baýrakly 3-nji orna mynasyp boldy.

29 Maý 2024

Sport

Sport syýasaty rowaçlanýar

Uly ynamyň çözgüdi Garaşsyz, baky Bitarap Türkmenistanymyz bu günki gün sagdynlygyň we ruhubelentligiň ýurduna öwrüldi. Diýarymyzyň çar künjeginde gurlup, ulanylmaga berlen döwrebap stadionlar, sport mekdepleri, atçylyk sport toplumlary we dürli sport desgalary sport syýasatyny durmuşa geçirmekde, bedenterbiýäni we sporty ösdürmekde täze mümkinçilikleri açýar. Türkmenistan döwletimiziň halkara sport abraýy guwançly belentliklere çykýar. Muňa türkmen türgenleriniň dünýä çempionatlarynda we halkara ýaryşlarynda gazanýan üstünlikleri doly şaýatlyk edýär.

29 Maý 2024

Sport

3-nji iýun — Bütindünýä welosiped güni

Halypanyň şowly menzilleri Hormatly Prezidentimiziň taýsyz tagallalary bilen ýurdumyzda bedenterbiýäni we sporty ösdürmekde uly işler durmuşa geçirilýär. Şu işlerde welosiped sporty meşhurlygy bilen tapawutlanyp, ol ilatyň, türgenleriň arasynda uly gyzyklanma döredýär. Indi dürli aralyklara welosipedli ýörişler köpçülikleýin häsiýete eýe bolýar. Bilşimiz ýaly, Türkmenistan döwletimiziň başlangyjy bilen Birleşen Milletler Guramasynyň Baş Assambleýasy tarapyndan 3-nji iýunyň Bütindünýä welosiped güni diýlip yglan etmek hakynda Kararnamanyň kabul edilmegi taryhy waka bolup, bütin dünýäde uly goldawa eýe bolupdy. Indi her ýylyň 3-nji iýuny Bütindünýä welosiped güni hökmünde giňden bellenilip geçilýär.

29 Maý 2024

Sport

Bedenterbiýe hereketi işjeň ösýär

Welosportuň ýurdumyzdaky taryhy 1894-nji ýylda Aşgabatda welosipedçileriň jemgyýetiniň döredilmegi hem-de şondan bir ýyl soň ilkinji gezek welosiped ýaryşynyň geçirilmegi bilen baglanyşyklydyr. 2018-nji ýylda merjen paýtagtymyzyň «Aşgabat» köpugurly stadionynda welosiped sürmek boýunça iň köp sanly watandaşlarymyzyň gatnaşmagynda okuw sapagy geçirildi hem-de dünýä rekordy goýuldy. Şeýle hem 2019-njy ýylda 2019 welosipedçiniň gatnaşmagynda iň dowamly bir nyzamly welosipedli ýörişi geçirilip, Ginnesiň Bütindünýä rekordlar kitabyna girizildi. Berkarar döwletiň täze eýýamynyň Galkynyşy döwründe bedenterbiýe we sport bilen meşgullanmak durmuşymyzyň aýrylmaz bölegine öwrüldi. Türkmenistanda yzygiderli alnyp barylýan döwlet syýasatynyň netijesinde sagdyn durmuş ýörelgesi üçin köpçülikleýin bedenterbiýe hereketi işjeň ösýär. Halkyň abadançylygy, adamlaryň beden we ruhy saglygy, fiziki taýdan güýçli, akyl taýdan ösen, giň düşünjeli ýaşlaryň terbiýesi baradaky aladalar ýurdumyzda iň möhüm döwlet wezipeleriniň derejesine çykaryldy.

29 Maý 2024

Sport

Sagdyn durmuşy, sporty dabaralandyrýan baýram

3-nji iýun — Bütindünýä welosiped güni Her ýylyň 3-nji iýunynda Ýer ýüzüniň çar künjeginde bellenilýän Bütindünýä welosiped güni Garaşsyz, hemişelik Bitarap Türkmenistan döwletimizde aýratyn sarpa, söýgi bilen garşylanyp, ählihalk derejesinde giňden toýlanýar. Munuň şeýle bolmagy, elbetde, bu halkara baýramyň döredilmeginde biziň ýurdumyzyň öňe süren başlangyjynyň durýanlygyndadyr. Birleşen Milletler Guramasynyň Baş Assambleýasynyň 2018-nji ýylyň 12-nji aprelinde geçirilen 72-nji sessiýasynyň 82-nji plenar mejlisinde Türkmenistanyň başlangyjy boýunça 3-nji iýuny «Bütindünýä welosiped güni» diýip yglan etmek hakynda Kararnamanyň kabul edilmegi döwletimiziň dünýä ýüzünde at-abraýynyň belentdigini ýene bir ýola görkezmek bilen birlikde, Ýer ýüzünde sagdyn durmuş ýörelgesiniň, sportuň ýaýbaňlanmagy babatda hem ýurdumyzda nusgalyk işleriň durmuşa geçirilýändiginiň aýdyň güwäsi boldy. BMG-niň Baş Assambleýasynyň 2022-nji ýylyň 15-nji martynda geçirilen 76-njy sessiýasynyň 61-nji plenar mejlisinde ýurdumyzyň başlangyjy bilen «Durnukly ösüşi gazanmak üçin köpçülikleýin welosiped sürmegi jemgyýetçilik ulag ulgamlaryna girizmek» atly Kararnamanyň biragyzdan kabul edilmegi bolsa, bu hakykaty ýene bir ýola dabaralandyrdy. Bu taryhy çözgütler ýurdumyzyň sport-bedenterbiýe we sagaldyş hereketini hem-de bu ugurda dünýäde hyzmatdaşlygy ösdürmekde, ekologik medeniýeti kemala getirmekde ö

29 Maý 2024

Sport

Ikinji aýlaw tamamlandy

Futbol Milli futbol çempionatymyzyň ikinji aýlawynyň soňky iki tapgyry hem gyzykly oýunlary peşgeş berdi. Balkanabat şäheriniň «Nebitçi» topary 17-nji tapgyrdaky duşuşygyny Aşgabatda «Köpetdag» bilen geçirip, onda ýer eýelerinden Myrat Ýagşyýewiň 6-njy minutda derwezä girizen pökgüsi oýnuň ykbalyny kesgitledi.

29 Maý 2024

Sport

Aşgabat — Arkalaşygyň täze sport mümkinçilikleriniň şäheri

Türkmenistanyň paýtagty Aşgabadyň «Arkalaşygyň täze sport mümkinçilikleriniň şäheri» diýlip yglan edilmegi «Pähim-paýhas ummany Magtymguly Pyragy» ýylynyň möhüm wakalarynyň biri boldy. Mälim bolşy ýaly, bu çözgüt 24-nji maýda türkmen paýtagtynda geçirilen GDA-nyň Hökümet Baştutanlarynyň Geňeşiniň nobatdaky mejlisiniň çäklerinde biragyzdan kabul edildi. Munuň özi Aşgabat şäheriniň gününiň öňüsyrasynda ildeşlerimiz üçin ajaýyp sowgat boldy. Ýurdumyzda we daşary döwletlerde uly seslenmä eýe bolan bu şanly waka Türkmenistanyň GDA-nyň giňişliginde sport ulgamyndaky hyzmatdaşlygy ösdürmäge goşýan uly goşandynyň nobatdaky ykrarnamasydyr. Bitarap Türkmenistan Arkalaşygyň assosirlenen agzasy bolmak bilen, dürli ugurlardaky, şol sanda sport ulgamyndaky köptaraplaýyn hyzmatdaşlygy ösdürmek boýunça anyk teklipleri öňe sürýär hem-de döwletara gatnaşyklar meselelerinde hemişe işjeň orny eýeleýär. 2022-nji ýylyň oktýabrynda Astanada geçirilen Garaşsyz Döwletleriň Arkalaşygynyň sammitinde hormatly Prezidentimiziň Arkalaşygyň çäklerinde sport hyzmatdaşlygyny giňeltmek maksady bilen, GDA-nyň Bedenterbiýe we sport boýunça geňeşiniň howandarlygynda halkara sport ýaryşlaryny geçirmek boýunça utgaşdyryjy komiteti döretmek barada öňe süren teklibi, şeýle hem yzygiderli esasda Dostluk oýunlaryny guramak başlangyjy ýokary baha eýe boldy hem-de goldanyldy. Şeýlelikde, Türkmenistanyň öňe sürýän ba

29 Maý 2024

Sport

Peruwda gazanylan medallar

22 — 26-njy maý aralygynda Peruwyň paýtagty Lima şäherinde agyr atletika boýunça ýetginjekleriň arasynda dünýä çempionaty geçirildi. Ýaryşa dünýäniň 50 ýurdundan 280 türgen gatnaşdy. Ýaryşda 102 kilograma çenli agramda çykyş eden ildeşimiz Süleýman Jafarow ýetginjekleriň arasynda dünýäniň çempiony boldy. Zehinli türgen ştangany silterläp götermekde 143 kilogram agyrlygy boýun egdirip, altyn medal gazandy. Itekläp götermek boýunça görkezen 170 kilogramlyk netijesi bolsa türkmen türgenine bürünç medal getirdi. Iki görnüşiň jemi boýunça 313 kilogram (143+170) netije gazanan ildeşimiz umumy hasapda hem altyn medala mynasyp bolmagy başardy. Ýaş türgen häzirki wagtda Türkmenistanyň ýetginjekler ýygyndysynyň baş tälimçisi Ahmet Saryýewiň ýolbaşçylygynda türgenleşik geçýär.

29 Maý 2024

Sport

Aşgabat — sport şäheri

Ýakynda paýtagtymyzda geçen Garaşsyz Döwletleriň Arkalaşygynyň Hökümet Baştutanlarynyň geňeşiniň mejlisinde Aşgabat şäherini Arkalaşygyň täze sport mümkinçilikleriniň şäheri diýip yglan etmek hakyndaky Çözgüdiň kabul edilmegi şatlygymyzy goşalandyrdy. Berkarar döwletiň täze eýýamynyň Galkynyşy döwründe hormatly Prezidentimiziň taýsyz tagallalary bilen, ak mermerli paýtagtymyz has-da gözelleşip, dünýäniň iri, ösen, ýaşamak üçin örän amatly, owadan şäherleriniň hataryndaky ornuny barha berkidýär. Aşgabat özüniň ajaýyp binalary, giň şaýollary, seýilgähleridir seýilbaglary, suw çüwdürimleri bilen göreni haýrana galdyryp, halkara hyzmatdaşlygynyň, Bitaraplygyň we parahatçylyk söýüjiligiň ykrar edilen merkezine öwrülýär. Aşgabatda şähergurluşyk-binagärlik maksatnamasynyň üstünlikli durmuşa geçirilmegi bilen, baş şäherimizde sport maksatly desgalaryň, iri toplumlaryň hatary barha giňeýär. Bu bolsa, sebitiň sport merkezi hökmünde ykrar edilen Aşgabadyň sport mümkinçilikleriniň artmagyna itergi bolýar.

28 Maý 2024

Sport

«Eý, sport! Sen — parahatçylyk!»

Ýazgymyza sözbaşy hökmünde saýlanan buýsançly şygar XIX asyryň ahyrynda häzirki döwrüň Olimpiýa oýunlarynyň geçirilip başlanmagy ugrunda uly işleri bitiren fransiýaly görnükli jemgyýetçilik işgäri Pýer de Kuberteniň sporta bagyşlanan odasynyň jemleýji bendinde beýan edilýär. Biziň eýýamymyzdan öňki VIII asyrda Gadymy Gresiýada geçirilip başlanan Olimpiýa oýunlarynyň dowam edýän döwründe şäherleriňdir döwletleriň arasyndaky gapma-garşylyklaryň ýatdan çykarylyp, bäsleşikleriň hakyky baýramçylyk ruhuna beslenendigi barada oýlananyňda, sportuň turuwbaşdan parahatçylyk dörediji güýje eýe bolandygyna ynanýarsyň. Hut şonuň üçin-de, Garaşsyz ýurdumyzda sporta diňe bir köpçülikleýin bedenterbiýe-sagaldyş hereketiniň ösdürilmeginiň serişdesi däl, eýsem, dünýäde parahatçylygy berkitmegiň, halklaryň arasynda dost-doganlygy pugtalandyrmagyň möhüm şerti hökmünde hem garalýar. Türkmen halkynyň Milli Lideri Gahryman Arkadagymyzyň tagallalary esasynda bedenterbiýe we sport jemgyýetimizi jebisleşdirýän, ýaş nesilleri beden hem ruhy taýdan terbiýelemäge ýardam edýän gymmatlyga öwrüldi. Türkmenistanly türgenler jahanyň çar ýanynda guralýan halkara ýaryşlarda gazanan ýeňişleri bilen ýaşyl Tugumyzy belentde parladyp, Watanymyzyň abraýyny beýgeltse, paýtagtymyz Aşgabat sebit we dünýä derejesindäki sport merkezi hökmünde ykrar edildi. Soňky 10 ýyldan gowrak döwürde ýurdumyzda iri sport ýaryşlarynyň e

27 Maý 2024

Sport

Şaşka bäsleşigi

9-njy tapgyr Aklar başlaýar we utýarKombinasiýa 3 utuk berilýär

27 Maý 2024

Sport

Ýaş pälwanlarymyzyň üstünlikleri

Berkarar döwletiň täze eýýamynyň Galkynyşy döwründe ýurdumyzda bedenterbiýe-sagaldyş hereketlerini, sporty ösdürmek babatda giň gerimli işler amala aşyrylýar. Bedenterbiýäniň we sportuň rowaçlanmagy, ýaşlaryň sagdyn durmuş ýörelgelerine eýerip ýaşamaklary üçin ýurdumyzyň ähli etrapdyr şäherlerinde giň mümkinçilikler döredilýär. Türgenlerimiz gerekli sport enjamlary bilen üpjün edilen sport toplumlarydyr mekdeplerde dürli sport ýaryşlaryna taýýarlyk, türgenleşik  işlerini geçýärler. Çagalar we ýetginjekler sport mekdebimizde mekdep okuwçylarynyň okuwdan boş wagtlary bedenterbiýäniň we sportuň dürli görnüşleri bilen meşgullanmaklary, olaryň geljekde ýurdumyzyň sport abraýyny belende galdyrjak türgenler bolup ýetişmekleri üçin okuw-türgenleşik işleri talabalaýyk guralýar. Bu ýerde ýokary derejeli, sport ussady, sport ussatlygyna dalaşgär bolan tälimçileriň birnäçesi zähmet çekýär. Sport mekdebinde ýaşlar sportuň türkmen milli göreşi, futbol, woleýbol, stoluň üstünde oýnalýan tennis, futzal görnüşleri bilen meşgullanýarlar.

27 Maý 2024

Sport

Duşak şäherçesindäki sport mekdebinde ýaryş geçirildi

Kaka etrabynyň bedenterbiýe we sport bölüminiň Duşak şäherçesindäki sport mekdebinde sportuň dürli görnüşleri boýunça ýaryşlar yzygiderli geçirilýär. Magtymguly Pyragynyň doglan gününiň 300 ýyllygyna bagyşlanyp futbol boýunça sport mekdebiniň birinjiligini almak ugrunda geçirilen ýaryş gyzykly bäsleşikleriň biri boldy. Oňa sport mekdebine gatnaýan ýaşlardan düzülen toparlaryň birnäçesi gatnaşdy. Çekeleşikli geçen ýaryşda mekdebiň futbol boýunça tälimçisi Penamyrat Babajanowdan tälim alýan ýaşlar birinji, Orazmyrat Orazgeldiýewiň tälim berýän ýaşlary ikinji, Rejepgeldi Jumageldiýewiň şägirtleri üçünji orunlary eýeledi. Ýeňijiler dabaraly ýagdaýda sylaglandy.

27 Maý 2024

Sport