"Türkmen sporty" gazeti

Esaslandyryjysy: "Türkmen Sporty" gazetiniň redaksiýasy
Salgysy: Aşgabat şäheri, 1995-nji köçe 66 jaýy
Telefon belgileri: 22-33-91, 22-33-72

Gazeti PDF görnüşinde ýükläp almak

Habarlar

Niderlandlaryň meşhur futbolçysy ara­dan çyk­dy

Dün­ýä fut­bo­ly­nyň meş­hur ýyl­dyz­la­ryn­dan, 1970-nji ýyl­la­ryň «Aýak­syn­da» hem-de Ni­der­land­la­ryň ýy­gyn­dy­syn­da ýat­dan çyk­ma­jak yz gal­dy­ran Ýo­han Ne­es­kens 73 ýa­şyn­da ara­dan çyk­dy. 1951-nji ýy­lyň 15-nji sent­ýab­ryn­da Ni­der­land­la­ryň Hems­te­de şä­he­rin­de dün­ýä inen Ne­es­kens 1968-nji ýyl­da şol şä­he­riň RKH to­pa­ryn­da fut­bo­la baş­la­ýar. 1970–1974-nji ýyl­lar ara­ly­gyn­da «Aýaks­da» oý­na­ýar. Ams­ter­dam­ly­la­ryň dü­zü­min­de 3 ge­zek Çem­pi­on­lar Li­ga­sy­nyň çem­pio­ny bol­ýar. 1974-nji ýyl­da «Bar­se­lo­na» trans­fer bo­lup, ol bu ýer­de 5 möw­süm oý­na­ýar. Ýa­kyn dos­ty Ýo­han Kroýff­dan 1 ýyldan soň ka­ta­lon­la­ryň dü­zü­mi­ne go­şu­lan Ne­es­kens bu to­par­da Ýew­ro­pa­da Ku­bok­çy­la­ryň Ku­bo­gy­ny ga­zan­ýar. 6 möw­süm ABŞ-nyň «Nýu Ýork Kos­mos» to­pa­ryn­da oý­na­nyn­dan soň, ýur­du­nyň «Gro­nin­gen» hem-de Şweý­sa­ri­ýa­nyň «Ba­ar» we «Zug» to­par­la­ryn­da çy­kyş edip, 1991-nji ýyl­da 23 ýyl­lyk kar­ýe­ra­sy­ny ta­mam­la­ýar. Ol klub­lar­da 450 oýun­da 92 gol ge­çir­ýär. Ikin­ji Ýo­han la­kam­ly (bi­rin­ji­si Ýo­han Kroýff) ýa­rym­go­rag­çy Ni­der­land­la­ryň ýy­gyn­dy­syn­da 2 ge­zek – 1974-nji we 1978-nji ýyl­lar­da Dün­ýä Ku­bo­gy­nyň fi­na­ly­na çyk­ýar. 1976-njy ýyl­da Ýew­ro­pa çem­pio­na­tyn­da 3-nji or­ny eýe­län ýy­gyn­dy­nyň esa­sy oýun­çy­la­ry­nyň bi­ri bol­ýar. Äh­li dö­wür­le­riň iň ök­de ýa­rym­go­rag­çy­

11 Oktýabr 2024

Sport

Pekinde Gauff ýeňiji boldy

Ten­nis bo­ýun­ça ze­nan­la­ryň ara­syn­da Pe­kin­de ge­çi­ri­len «Hy­taý Açyk» «Mas­ters» ýa­ry­şyn­da ame­ri­ka­ly Ko­ko Gauff ýe­ňiş ga­zan­dy. 20 ýa­şyn­da­ky Gauff fi­nal­da çe­hi­ýa­ly Ka­ro­li­na Mu­ho­wa­ny 6:1 we 6:3 ha­sap­lar bi­len ýeň­li­şe se­ze­war et­di. Bu onuň şu möw­süm­dä­ki 2-nji, kar­ýe­ra­syn­da­ky 8-nji WTA çem­pi­on­ly­gy­dyr. «Hy­taý Açyk» ten­nis ýa­ry­şy ze­nan­la­ryň ara­syn­da 25-nji ge­zek ge­çi­ri­lip, ol «ATP 1000», ýag­ny «Mas­ters» bäs­le­şi­gi­dir. Ozal­ky hep­de­de ta­mam­la­nan er­kek­le­riň ara­syn­da­ky ýa­ry­şyň fi­na­lyn­da bol­sa is­pa­ni­ýa­ly Kar­los Al­ka­ras ita­li­ýa­ly Ýan­nik Sin­ne­ri 6:7, 6:4, 7:6 ha­sap­lar bi­len utup­dy. «Hy­taý Açyk» er­kek­le­riň ara­syn­da «ATP 500» de­re­je­sin­de ge­çi­ril­ýär.

11 Oktýabr 2024

Sport

Hepdäniň esasy duşuşyklary

11-nji oktýabr (anna) Wengriýa – Niderlandlar (23:45)

11 Oktýabr 2024

Sport

Baýramçylyk mynasybetli ýaryşlar

Daşoguz şäherindäki on müň orunlyk sport toplumynda saglygy goraýyş işgärleriniň hünär baýramy mynasybetli sportuň dürli görnüşleri boýunça ýaýbaňlandyrylan ýaryşlarda ýurdumyzda sagdyn durmuş ýörelgesiniň sagdyn jemgyýetimiziň berk binýadyna öwrülýändigi äşgär göründi.

10 Oktýabr 2024

Sport

Tennis boýunça ýaryşyň Kaka etrap tapgyry

Kaka etrabyndaky 14-nji orta mekdebiň sport zalynda «Türkmenistan — ruhubelentligiň we sagdynlygyň ýurdy» atly XIV spartakiadanyň çäginde stol üstünde oýnalýan tennis boýunça ýaryşyň etrap tapgyry geçirildi. «Türkmenistan» Ýaşlar bedenterbiýe-sport guramasynyň welaýat bölüminiň, etrap bilim bölüminiň hem-de jemgyýetçilik guramalarynyň bilelikde guramagynda geçirilen ýaryşa etrapdaky orta mekdepleriň okuwçylary gatnaşdy. Ýaşlaryň berk bedenli, sagdyn ruhly bolup ýetişmegini gazanmak, sport ussatlygyny ýokarlandyrmak hem-de güýçlüleri ýüze çykarmak maksady bilen geçirilen ýaryşda okuwçy ýaşlar ukyp-başarnygyny görkezdiler. Çekeleşikli geçen ýaryşda oglanlaryň arasynda etrapdaky 19-njy orta mekdebiň topary birinji, 20-nji orta mekdebiň topary ikinji, 17-nji orta mekdebiň topary üçünji orna mynasyp boldy. Okuwçy gyzlaryň arasynda 20-nji, 17-nji we 14-nji orta mekdepleriň toparlary baýrakly orunlary eýelediler.

10 Oktýabr 2024

Sport

Spartakiadanyň etrap tapgyrlary badalga aldy

«Türkmenistan — ruhubelentligiň we sagdynlygyň ýurdy» atly XIV spartakiadanyň çägindäki ýaryşlaryň etrap tapgyrlaryna badalga berildi. Sportuň stol üstündäki tennis görnüşi boýunça ýaryşyň Sarahs etrap tapgyry çekeleşikli geçdi. Etrapdaky 1-nji orta mekdebiň sport zalynda geçirilen ýaryşa orta mekdepleriň okuwçylary gatnaşdy. “Türkmenistan” Ýaşlar bedenterbiýe-sport guramasynyň welaýat bölümi, etrap bilim bölümi guramalarynyň bilelikde guramagynda geçen ýaryşyň netijesinde okuwçy oglanlaryň arasynda 1-nji, 19-njy, 11-nji orta mekdepleriň toparlary degişlilikde baýrakly birinji, ikinji, üçünji orunlary eýelediler. Gyzlaryň arasynda geçirilen ýaryşda 10-njy orta mekdebiň okuwçylary toparlaýyn ýaryşyň ýeňijisi boldy. Etrapdaky 21-nji orta mekdebiň gyzlary ikinji, 18-nji orta mekdebiň okuwçy gyzlary bolsa üçünji orunlary eýelediler.

10 Oktýabr 2024

Sport

Çekeleşikli geçen ýaryş

«Türkmenistan» Ýaşlar bedenterbiýe-sport guramasynyň Ahal welaýat bölüminiň, welaýatyň bedenterbiýe we sport baradaky Baş müdirliginiň, Türkmenistanyň Magtymguly adyndaky Ýaşlar guramasynyň welaýat Geňeşiniň, beýleki jemgyýetçilik guramalarynyň hem-de welaýat Baş bilim müdirliginiň bilelikdäki meýilnamalary esasynda dürli sport ýaryşlary geçirilýär. «Türkmenistan — ruhubelentligiň we sagdynlygyň ýurdy» atly XIV spartakiadanyň çäginde sportuň stol üstündäki tennis görnüşi boýunça ýaryşyň Babadaýhan etrap tapgyry hem çekeleşikli geçen ýaryşlaryň biri boldy. Etrapdaky 2-nji orta mekdebiň sport zalynda geçen ýaryşa umumybilim berýän mekdeplerden toparlar gatnaşyp, özaralarynda güýç synanyşdy. Turuwbaşdan gyzykly geçen ýaryşyň netijesinde güýçli toparlar öňe saýlandy. Netijede okuwçy oglanlaryň arasynda ýer eýeleri bolan 1-nji orta mekdebiň okuwçylary üstün çykdylar. Ikinji orna 3-nji orta mekdebiň, üçünji orna bolsa 6-njy orta mekdebiň okuwçy oglanlary mynasyp boldular. Gyzlaryň arasynda bolsa 2-nji orta mekdebiň topary ýeňiş gazandy. 3-nji orta mekdebiň gyzlar topary ikinji, 8-nji orta mekdebiň gyzlary üçünji ýeri eýelediler.

10 Oktýabr 2024

Sport

Ýaş türgeniň üstünlikleri

Häzirki wagtda döwrümiziň gül-gunçalaryna deňelýän ýaş nesillerimiz sporta juda höwesli. Şeýle höwesli ýaş nesilleriň biri-de Balkanabat şäherindäki 20-nji orta mekdebiň 6-njy synp okuwçysy Medine Gaýlyýewadyr. Ol şäherdäki 1-nji sport mekdebinde hereket edýän karatedo boýunça gurnaga gatnap başlanynda ýaňy alty ýaşyny doldurypdy. Halypasy gara guşagyň 3-nji danynyň eýesi Nazmämmet Satlykgulyýewiň türgenleşiklerdäki her bir tabşyrygyny yhlas bilen ýerine ýetirmekdäki yhlasy netijesinde ýaşajyk türgeniň ukyp-başarnygy-da gün-günden artmak bilen bolýar. Sport mekdebine bile gatnaýan deň-duşlaryndan hemişe saýlanýan Medine 2022-nji ýylyň iýun aýynda geçirilen Balkan welaýatynyň çempionatynda kümüş medal eýelemegi onuň üstünliklerine ýol açýar. Geçen ýylyň fewral aýynda Türkmenistanyň Kubogy ugrundaky ýaryşda 1-nji orny eýelän Medinäniň kämillik basgançaklaryndan ynam bilen geçýändiginiň, onuň tutanýerli, yhlasly hem erjeldiginiň aýdyň subutnamasy bolýar. 2023-nji ýylyň iýun aýynda geçirilen Aşgabat şäheriniň açyk çempionatynda 2-nji orna mynasyp bolan balkanabatly türgen sentýabr aýynda guralan Balkan welaýatynyň çempionatynda ähli garşydaşlaryndan üstün çykyp, altyn medal gazanýar. Geçen ýylyň noýabr aýynda hem Türkmenistanyň çempiony bolmagy bolsa Medine Gaýlyýewanyň yzygiderli türgenleşikleriniň ýerine düşýändigini görkezýär.

9 Oktýabr 2024

Sport

Doganlar kämillik ýolunda

Ýurdumyzyň sport abraýynyň belende galmagyna, onuň şöhrat-şanynyň dünýä ýüzüne ýaýylmagyna özleriniň mynasyp goşandyny goşýan ýaş türgenlerimiziň sany barha artýar. Şeýle türgenleriň hatarynda Kerki etrabyndaky ýöriteleşdirilen 7-nji orta mekdebiň okuwçylary, doganlar Mergen we Amangylyç Hudaýnazarowlaryň atlary-da bar. Doganlaryň ikisi-de mekdebe gatnap başlan günlerinden bäri, Kerki etrabyndaky 1-nji sport mekdebinde sportuň adaty karate, taýboks we uşu görnüşleri boýunça ussat tälimçi Anwarjan Kurbanowyň elinde tälim alýarlar. Öňem ýurdumyzda birnäçe türgenleriň kämilleşmeklerine uly itergi beren tälimçi doganlaryň erjelligine ýokary baha berip, olaryň geljegine uly ynam bildirýär.   Geçen ýyl taýboks boýunça Türkmenistanyň Kubogyny almak ugrundaky ýaryşda 2005 — 2007-nji ýyllarda doglan türgenleriň arasynda kümüş medaly eýelän Mergen ýene-de has beýik ýeňişlere ruhlandy. Ol şondan soň bu üstünligini welaýatlaryň açyk çempionatlarynda hem birnäçe gezek gaýtalady. Geçen ýyl bolsa ol karatedo boýunça geçirilen Lebap welaýatynyň çempionatynda we taýboks boýunça Lebap welaýatynyň Kubogyny almak ugrunda geçirilen ýaryşlarda öz deň-duşlarynyň arasynda iň ýokary netijeleri görkezmegi başardy.

9 Oktýabr 2024

Sport

Sport ulgamynyň hukuk binýady

Gahryman Arkadagymyzyň jemgyýetimizde sagdyn durmuş ýörelgelerini berkarar etmek, beden we ruhy taýdan kämil ýaşlary terbiýeläp ýetişdirmek, sporty ösdürmek boýunça başlangyçlary hormatly Prezidentimiziň taýsyz tagallalarynyň netijesinde has-da rowaçlanýar. Bu gün eziz Diýarymyzda sport ulgamyny has-da kämilleşdirmek hem-de ösdürmek boýunça düýpli özgertmeler amala aşyrylýar. Türkmen türgenleriniň halkara ýaryşlarda yzygiderli ýeňiş gazanyp, Watanymyzyň abraýyny has-da belende galdyrmagy hem uzak ýyllaryň dowamynda alnyp barlan binýatlaýyn işleriň, oýlanyşykly özgertmeleriň miwesidir. Islendik işiň düýpli we uzak möhletli bolmagy onuň kanunçylyk binýadynyň kämilligine baglydyr. Türkmenistanyň Konstitusiýasynyň 56-njy maddasynda döwlet sportuň ösmegine ýardam edýär diýlip kesgitlenendir. Şol ýörelgeden ugur alnyp, ýurdumyzda sportuň hukuk binýady barha berkidilýär. «Bedenterbiýe we sport hakynda», «Atçylyk we atly sport hakynda», «Sportda dopinge garşy göreşmek hakynda» Türkmenistanyň Kanunlarynyň kabul edilmegi hem bu hakykaty doly tassyklaýar. Bu kanunlaryň sport ulgamynyň hukuk binýadynyň berkidilmeginde uly ähmiýete eýe bolýandygyny bellemek gerek.

9 Oktýabr 2024

Sport

Dördünji aýlawyň ilkinji oýunlary

Futbol Türkmenistanyň futbol boýunça milli çempionatynyň dördünji aýlawynyň ilkinji tapgyrynda, ýagny 26-njy tapgyrda Balkanabadyň «Nebitçi» topary paýtagtymyzda «Köpetdag» bilen duşuşyp, ýaryşdaky sekizinji ýeňşini gazanmagy başardy. Hasaby 5-nji minutda ýer eýeleriniň oýunçysy Süleýman Mirzoýew açsa-da, balkanabatlylardan 26-njy minutda Myratdurdy Baýramowyň, şondan üç minut soňra Emir Berdiýewiň geçiren gollary olaryň ýeňşini üpjün etdi.

9 Oktýabr 2024

Sport

Türgenleriň ussatlygy

Gökdepe etrabynyň sport mekdebinde sportuň karate-do görnüşinden etrabyň açyk birinjiligi geçirildi. Etrabyň bedenterbiýe we sport bölüminiň etrap bölümi hem-de Kärdeşler arkalaşyklarynyň etrap birleşmesi tarapyndan guralan ýaryşa welaýatymyzyň etraplaryndan hem-de paýtagtymyzdan ýaş türgenleriň 80-den gowragy gatnaşdy. Ýaryşda 10-12 we 13-15 ýaşly türgenler öz aralarynda güýç synanyşdylar. Netijede, Gökdepe etrabynyň ýaş türgenleri toparlaýyn birinji, Aşgabat şäheriniň topary ikinji, Aşgabat şäherindäki «Olimp» sport mekdep-internatynyň topary üçünji orna mynasyp boldy. Ýeňijilere hormat hatlary we sowgatlar gowşuryldy.

8 Oktýabr 2024

Sport

Şaşka oýnunda güýjüňi syna

1-nji kombinasiýa Aklar başlaýar we utýar

7 Oktýabr 2024

Sport

Bedenterbiýe we sport

«7/24.tm»: №41 (228) 07.10.2024 TKA-nyň Bereket etrap birleşmesiniň hem-de Bereket etrabynyň bedenterbiýe we sport bölüminiň bilelikde guramagynda Bereket etrabynyň orta mekdep okuwçylarynyň arasynda futbol boýunça ýaryş geçirildi. Çekeleşikli geçen ýaryşyň netijesinde I orny Bereket etrabynyň 15-njy orta mekdebiniň, II orny 3-nji orta mekdebiniň, III-nji orny 17-nji orta mekdebiniň futbol toparlary eýelemegi başardylar. Bereket etrabynyň bedenterbiýe we sport bölüminiň garamagyndaky sport mekdebinde zähmet çekýän tälimçi-mugallymlar we tehniki işgärleriň arasynda sportuň şaşka görnüşi boýunça bäsleşik geçirildi. Gyzgalaňly geçen ýaryşlaryň netijesinde baýrakly orunlara mynasyp bolanlar TKA-nyň Bereket etrap birleşmesiniň ýadygärlik sowgatlary, Bereket etrabynyň bedenterbiýe we sport bölüminiň Hormat hatlary bilen sylaglandylar.

6 Oktýabr 2024

Sport

Gerçek hakynda buýsançly kelam

«7/24.tm»: №41 (228) 07.10.2024 As­man gi­ňiş­li­gin­de er­ka­na ga­nat ýaý­ýan bür­gü­di göz öňü­ne ge­ti­rip gö­re­liň. Ýok, go­wu­sy, mäh­ri­ban ata-ene­si­niň oňa azan­da at edip da­kan mer­di — ba­tyr, gaý­duw­syz, güýç-kuw­wat­ly ars­la­nyň keş­bi­ni aňy­myz­da jan­lan­dy­ra­lyň. «Ars­lan» sö­zü­niň şir, pe­leň, ýol­bars di­ýen ma­ny­daş söz­le­ri bar. «Alp» sö­zi ene di­li­miz­de ba­tyr­ly­gy, gaý­duw­syz­ly­gy, mer­da­na­ly­gy aň­lad­ýar.

6 Oktýabr 2024

Sport

Türkmen döwlet Bedenterbiýe we sport instituty

«7/24.tm»: №41 (228) 07.10.2024 Ga­raş­syz­lyk — ba­ky bag­ty­myz

6 Oktýabr 2024

Sport

Türkmenistanly küştçüleriň üstünligi

«7/24.tm»: №41 (228) 07.10.2024 Türk­men küşt­çü­le­ri Bu­da­peşt şä­he­rin­de ge­çi­ri­len 45-nji Bü­tin­dün­ýä küşt olim­pia­da­syn­da üs­tün­lik­li çy­kyş et­di­ler. Oňa küşt bo­ýun­ça er­kek­ler hem-de ze­nan­lar ýy­gyn­dy to­par­la­ry­myz gat­na­şyp, to­par­la­ýyn ta­ryh­da il­kin­ji ge­zek («B» we «C» de­re­je­de) ki­çi al­tyn me­da­la my­na­syp bol­du­lar.

6 Oktýabr 2024

Sport

Türkmen kikboksçylarynyň üstünligi

Şu ýylyň 22 – 30-njy sentýabry aralygynda Özbegistan Respublikasynyň Daşkent şäherinde kikboksing boýunça ýetginjekleriň, ýaşlaryň, ulularyň hem-de weteranlaryň arasynda Dünýä kubogyny almak ugrunda ýaryş geçirildi. Bäsleşikde türkmen kikboksçylary 12 medala mynasyp boldular. Şolaryň 7-si altyn, 5-si bürünç medallardyr. Ýaryşda Aşgabat şäheriniň ýöriteleşdirilen 135-nji orta mekdebiniň okuwçysy Muhammetaly Orazmuhammedow 30 kg agramda, Lebap welaýatynyň Türkmenabat şäheriniň 39-njy orta mekdebiniň okuwçysy Rasul Rustamow 42 kg agramda, Türkmenabat şäheriniň 24-nji orta mekdebiniň okuwçysy Serdar Bekenow 51 kg agramda, Türkmenabat şäheriniň 11-nji orta mekdebiniň okuwçysy Nurmuhammet Joraýew 52 kg agramda, Türkmenabat şäheriniň 21-nji orta mekdebiniň okuwçysy Kirill Woýewodin 54 kg agramda, Türkmenistanyň Telekommunikasiýalar we informatika institutynyň ykdysadyýet we dolandyryş fakultetiniň talyby Akmyrat Akmyradow 67 kg agramda, Türkmenabat şäheriniň 33-nji orta mekdebiniň okuwçysy Salamathan Baltaýew 86 kg agramda altyn medallara mynasyp boldular.

4 Oktýabr 2024

Sport

Futbol täzelikleri

17-nji oktýabrda Malaýziýanyň Kuala-Lumpur şäherinde zenanlaryň arasynda 2025-nji ýylda geçiriljek Aziýanyň kubogynyň saýlama tapgyrynyň bije çekişlik dabarasy bolar. Yklym çempionatynyň saýlama duşuşyklarynyň 2025-nji ýylyň ýanwar aýynda geçirilmegine garaşylýar.

4 Oktýabr 2024

Sport

Saýlama ýaryş

Ýakynda Aşgabat şäheriniň bedenterbiýe we sport baradaky Baş müdirliginiň 6-njy sport mekdebiniň guramagynda «Aşgabat» köpugurly stadionynda sportuň taekwondo-ITF görnüşi boýunça 2013-2014-nji ýyllarda doglan ýaş türgenleriň arasynda paýtagtymyzyň saýlama ýaryşy geçirildi. Bu ýaryşda sport mekdebimiziň tälimçi-mugallymy Orazmyrat Çaryýewiň halypalyk edýän okuw-türgenleşik toparynyň türgenleri üstünlikli çykyş edip, baýrakly orunlary eýelemegi başardylar. Omar Berdimyradow 35 kg, Yhlas Çarymyradow bolsa 28 kg agramda 1-nji orny eýelediler. Yslamdurdy Hudaýgulyýew (28 kg), Orazmyrat Arslanow (30 kg) 2-nji, Pälwan Begliýew (30 kg), Emirhan Mekanow (38 kg), Dawut Aşyrow (45 kg) 3-nji orna mynasyp boldy. Ýeňiji bolan türgenler Baş müdirlik tarapyndan taýýarlanan hormat Hatlary we medallar bilen sylaglanyldy.

4 Oktýabr 2024

Sport