Türkmenmetbugat

"Nebit-gaz" gazeti

Esaslandyryjysy: "Türkmengaz" döwlet konserni
Salgysy: Aşgabat şäheri, Arçabil şaýoly 56-njy jaýy
Telefon belgileri:44-08-50

Gazeti PDF görnüşinde ýükläp almak

Habarlar

Täze ýyl. Täze şäher. Täze jaý

Düýn türkmen halkynyň Milli Lideriniň başlangyjy, hormatly Prezidentimiziň tagallalary bilen binýat bolan Arkadag şäherinde bagtyýar maşgalalaryň birnäçesi döwrebap öýleriň açaryny alyp, jaý toýlaryny tutdular. Ýurdumyzyň ilkinji «akylly» şäheriniň köp gatly ýaşaýyş jaý toplumynda ýaýbaňlandyrylan dabara ösüşleriň belentliklerine tarap ynamly gadam urýan ýurdumyzyň Täze ýylyň öňüsyrasyndaky her bir gününiň şatlykly wakalara beslenýändiginiň nobatdaky güwäsi boldy. Dabara Arkadag şäheriniň we onuň etraplarynyň häkimlikleriniň, beýleki edara-kärhanalarynyň, jemgyýetçilik guramalarynyň wekilleri, hormatly ýaşulular, köp sanly ýaşaýjylar gatnaşdylar. Onuň dowamynda medeniýet we sungat ussatlarynyň çykyşlaryna giň orun berildi. Munuň özi ýurdumyzyň hem halkymyzyň durmuşynda möhüm ähmiýeti bolan şanly wakalaryň guramaçylyk derejesine toplumlaýyn esasda çemeleşilýändiginiň aýdyň beýanyna öwrüldi. Ähli amatlyklary özünde jemleýän jaýlaryň giň, ýagty öýlerine göçüp gelmek bagty miýesser eden maşgalalar ýurdumyzda Gahryman Arkadagymyzyň başyny başlan asylly işleriniň Arkadagly Gahryman Serdarymyzyň baştutanlygynda üstünlikli durmuşa geçirilmegi esasynda halkymyzyň ýaşaýyş-durmuş derejesiniň yzygiderli ýokarlanýandygyny guwanç bilen nygtadylar.

7 sagat öň

Türkmen diplomatlaryna baýramçylyk sowgady

«Pähim-paýhas ummany Magtymguly Pyragy» ýylynyň tamamlanyp barýan günleri Özbegistanda işleýän türkmen diplomatlary üçin ýatdan çykmajak pursatlary bagyşlady. Düýn Daşkent şäherinde Türkmenistanyň Özbegistan Respublikasyndaky ilçihanasynyň işgärleri üçin niýetlenen täze ýaşaýyş jaýy açylyp ulanmaga berildi. Munuň özi ýurdumyzyň ynsanperwerlige, dost-doganlyga esaslanýan daşary syýasatynyň ileri tutulýan ugurlarynyň üstünlikli durmuşa geçirilmegine goşant goşýan diplomatik gullugyň işgärleri üçin döwrebap ýaşaýyş-durmuş we iş şertleriniň döredilýändigini aýdyň görkezmek bilen, buýsanjyňa buýsanç goşýar. Täze jaýyň açylyş dabarasyna daşary işler ministriniň orunbasary A.Gurbanowyň ýolbaşçylygyndaky Türkmenistanyň wekiliýeti, Özbegistan Respublikasynyň daşary syýasat edarasynyň hem-de Daşkentde işleýän daşary ýurtlaryň diplomatik wekilhanalarynyň ýolbaşçylarydyr wekilleri, ministrlikleriň, jemgyýetçilik guramalarynyň, köpçülikleýin habar beriş serişdeleriniň wekilleri, Özbegistanyň ýokary okuw mekdeplerinde bilim alýan türkmen talyplary gatnaşdylar. Bu ýerde çykyş eden iki ýurduň resmi wekilleri hormatly Prezidentimiz Serdar Berdimuhamedowyň, türkmen halkynyň Milli Lideri Gahryman Arkadagymyzyň we Özbegistan Respublikasynyň Prezidenti Şawkat Mirziýoýewiň pugta syýasy erki esasynda amala aşyrylýan döwletara gatnaşyklaryň ýokary derejesini kanagatlanma bilen belledile

7 sagat öň

Taryha ýazylan wakalar

«Pähim-paýhas ummany Magtymguly Pyragy» şygary astynda belent ruha, beýik işlere beslenen 2024-nji ýylyň tamamlanyp barýan günlerinde geçilen menzillere ser salyp, ýetilen sepgitler barada buýsanyp söhbet edýäris. Şunda 11-nji sentýabrda bolup geçen şanly wakalar hem aýratyn bellenilmäge, gaýta-gaýta nygtalmaga mynasypdyr. Şol gün türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň gatnaşmagynda, hormatly Prezidentimiz Serdar Berdimuhamedowyň paýtagtymyzdan sanly ulgam arkaly ak pata bermeginde ýurdumyzyň günorta künjeginde — Tagtabazar etrabynyň çäklerinde, türkmen-owgan serhedinde bolup geçen taryhy wakalar göwünlere ganat eçilen, ýüreklerde röwşen geljege mizemez ynam, umyt döreden tutumly işler hökmünde ebedi ýatda galdy. Diňe bir türkmen-owgan gatnaşyklaryna däl, eýsem, tutuş sebitiň, umumadamzadyň ösüşlerine oňyn täsirini ýetirjek iri taslamalaryň gurluşygyna badalga berilmegi, möhüm desgalaryň ulanyşa girizilmegi bilen baglylykda geçirilen çärelere gatnaşyp, il-ýurt bähbitli taryhy wakalara dahylly bolmak bagty bize-de nesip etdi. Biz munuň üçin özümizi juda bagtyýar saýyp, parahatçylyk söýüjilik, dost-doganlyk ýollary bilen Watanymyzyň dünýädäki abraý-mertebesini has-da beýgeldýän, halkymyzy röwşen geljege alyp barýan Milli Liderimize hem-de hormatly Prezidentimize egsilmez alkyş aýdýarys.

7 sagat öň

Biri-birinden zyýada ýyllar

Halk senenamasy boýunça ýylan ýyly ýetip gelýär. Taryhçy alymlaryň tassyklamaklaryna görä, ýylanyň keşbi örän köp zatlarda — gündelik ulanylýan gap-gaçlarda, möhürlerde we köşk bezeglerinde hem şöhlelenipdir. Gadymy Änew metjidiniň girelgesiniň ýokarsynda, gök reňk bilen syrçalanan ýuka kerpijiň ýüzünde iki sany ýylan görnüşli aždarha şekillendirilipdir. Edil şeýle keşpleri öňki döwürlerde tanymal serkerdeleriň göteren baýdaklarynda hem görmek bolýar. Gündogar halklarynda ýylan pähim-parasadyň, sabyrlylygyň, baýlygyň, mertligiň we eserdeňligiň nyşany hasaplanypdyr.

7 sagat öň

«Nygmat bardyr näçe diýseň...»

Ýurdumyzyň ähli künjeginde bolşy ýaly, Mary welaýatynda hem ýetip gelýän Täze ýylyň baýramçylyk ruhy höküm sürýär. Welaýatyň köpugurly we beýleki bazarlarynda, söwda merkezlerinde hem welaýat alyjylar jemgyýetleri birleşigine, hususy pudaga degişli dükanlarda ir ertirden giç agşama çenli gyzgalaňly baýramçylyk söwdasy dowam edýär. Hormatly Prezidentimiziň baştutanlygynda ýurdumyzda döredilen bazar bolçulygy ildeşlerimize baýramçylyk saçaklaryny giňden ýazyp, olaryň üstüni naz-nygmatdan, gök-bakja, datly miweler hem-de dürli görnüşli azyk önümleridir senagat harytlary bilen gelşikli edip bezemäge giň mümkinçilik berýär. Ilata hödürlenilýän azyk we senagat harytlarynyň, oba hojalyk önümleriniň hut öz ýurdumyzda öndürilip, olaryň ekologik taýdan arassa, ýokary hilli bolmagy baýramçylyk şatlygyna şatlyk goşýar. Daýhanlarymyzdyr telekeçilerimiz tarapyndan öndürilen oba hojalyk önümleri, banandyr beýleki miweler özüniň terligi, tagamlylygy bilen tapawutlansa, sebetlerde we owadan gaplarda ýerleşdirilen senagat harytlary köp görnüşliligi we amatly bahasy bilen alyjylaryň ünsüni özüne çekýär.

7 sagat öň

Şahandaz halkyň wäşileri okyjylarymyza iň gowy arzuwlaryny aýdýarlar

Her birimiz Täze ýylyň sepgidinde ömrüň iň ýakymly pursatlary hakyndaky süýji ýatlamalara berlenimizi duýman galýarys. Öz ýanyňdan geçen günlere nazar aýlap, täze bat, täze gadam bilen täze ýyla aýak basýarsyň. Her ýyl bolşy ýaly, 2024-nji ýyl hem watandaşlarymyz üçin iň düşümli ýyllaryň biri boldy. Şunuň bilen baglylykda, biz hem baýramçylyk günlerinde şahandaz halkymyzyň wäşi ogullary, ykbalyny sahna baglan ussatlar — Tikgi, Potdyş, Çepbe we Garly kaka bilen söhbetdeş bolup, olaryň ýürek buýsançlaryny, baýramçylyk gutlaglaryny okyjylarymyza ýetirmegi makul bildik.

14 sagat öň

Siz Täze ýyla taýýarmy?

Ýer planetasynyň Günüň daşyndan bir gezek doly aýlanmagy bilen tamamlanýan 365 gün «1 ýyl» diýlip atlandyrylýar. Ýylyň tamamlanyp, täze ýylyň başlanmagy bolsa dünýäniň çar künjünde uly şowhun bilen bellenilýär. Eýýäm noýabr aýynyň soňky hepdesinden Täze ýyl baýramçylygy mynasybetli söwda merkezlerinde arzanlaşyklar başlaýar. Dekabryň gelmegi bilen bolsa bütin dünýä Täze ýyl baýramynyň ruhuna girýär. Daş-töwerekdäki bezelen arçalar, Aýazbabalar, sowgatly torbalar... baýramyň golaýlaşyp gelýändiginiň buşlukçysydyr. Eýsem, siz Täze ýyla taýýarmy?! NÄME ÜÇIN TÄZE ÝYLY BELLEÝÄRIS?

14 sagat öň

Aýagyň düşsün, 2025! (Durmuş we biz)

Eýýäm üçje gün galaýypdyr geleriňe. Köçeler ýene şagalaňa beslenipdir. Bir-iki sapar gar dagam ýagdy. Mazaly sowady howalaram. Şunça adamlar ýene seniň geleriňe howlugýarlar. Dünýäniň süýjüden-süýji günleriniň, başdan geçirilmeli gowulyklaryň, ýürekde beslän arzuwlarynyň hasyl bolary üçin hemme senden umytda. Üsti naz-nygmatdan doly saçaklaram hut şol yrym bilen ýazylýar. Her ykbala alyp geljek şohlugyňy, dile getirilmese-de, her kimiň şol bolluk bilen ölçäsi gelýär. Şeýdibem, tutuş Zemin bolup seni garşylaýarys. Hasam çagalar gowy görýär seni. Dükanlardan sowgat baryny ýüklenip, öýe gelýän kakalaryna garaşmak, goşgy aýdyp, arçanyň daşyndan aýlanmak häzir olar üçin nähili ýakymlydyr. Ynsan jady diýilýän zada özüniň iň arassa duýgulary bilen ynanýar, iň arassa arzuwlaryny siňdirýär. Onuň bu duýgulary uly adam çykansoň hem ýatlaýanlygy şondan. Köçeden alagoh bolşup, Medeniýet öýüniň öňündäki arça tarap howlugyp barýan çagalary görüp ýylgyryşyma, birden hyýalymda olara goşulyşyp gidiberesim, edil şolaryňky ýaly, Aýazbabanyň başgabyny geýip, surata düşesim geldi. Çagakak töweregiň oglanlary bolup, Täze ýyl agşamy münjek ulagymyzy zer bilen bezeýşimiz, köçeme-köçe aýlanyp, adamlary Täze ýyl bilen gutlap, el salgaýşymyz ýadyma düşse, süňňümi şu wagt hem şol duýgular gaplap alýar. «Ylaýym, siziňem Täze ýylyňyz gutly bolsun, balalar! Ak gyz ýoldaşyňyz bolsun!» diýip, törlerindäki Täze

14 sagat öň

Bereket çeşmeli ammar

Ýurdumyzda ýetişdirilen ter miweler, gök-bakja önümleri bilen ak bazarlarymyzy, söwda nokatlarymyzy ýylyň ähli paslynda üpjün etmek ugrunda uly işler durmuşa geçirilýär. Munuň şeýledigine ähli welaýatlarymyzda döwrebap ýyladyşhanalaryň, gök-bakja, miwedir ir-iýmişleri saklamak üçin ýöriteleşdirilen ammarlaryň gurlup ulanmaga berilmegi aýdyň mysaldyr. Şeýle desgalaryň biri-de Daşoguz welaýatyndaky «Miwe» oba hojalyk senagat birleşiginiň gök-bakja, miwe önümlerini kabul etmek we saklamak üçin niýetlenen ammardyr. 3 müň tonna barabar önümleri saklamaga niýetlenen bu desga 2016-njy ýylda işe girizildi. Ol ýerde miwe we gök-bakja önümleriniň ýylyň ähli paslynda-da ilata terligine ýetirilmegi üçin şertleriň we mümkinçilikleriň döredilendigini buýsanç bilen aýdyp bolar. Daýhan hojalyklar, kärendeçiler bilen ýylyň başyna şertnama baglaşylyp, olardan dürli gök we miwe önümleri satyn alnyp, ammarda ýerleşdirilýär. Hasaplaşyklar wagtly-wagtynda geçirilýär. Bu bolsa sahawatly toprakdan bol hasyl alyp, ykbalyny topraga baglan ýer eýeleriniň, kärendeçi daýhanlaryň öz kärine söýgüsini artdyrýar.

15 sagat öň

Täze ýyl sowgatlary gowşuryldy

Düýn — 27-nji dekabrda Täze ýyl baýramçylygy mynasybetli Türkmenistanyň Içeri işler ministrliginiň Polisiýanyň ýol gözegçiligi müdirliginiň, Aşgabat şäher Baş bilim müdirliginiň hem-de TMÝG-niň Aşgabat şäheriniň Bagtyýarlyk etrap geňeşiniň bilelikde guramagynda Çagalar awtoşäherçesinde «Garaşsyz Watanymyza Täze ýyl geldi!» atly dabara geçirildi. Oňa Aşgabat şäherindäki orta mekdeplerde bilim alýan 4-5-nji synp okuwçylar gatnaşdy. Baýramçylyk dabarasynda Türkmenistanyň döwlet sirkiniň artistleriniň, Aşgabat şäheriniň Çagalar we ýetginjekler köşgüniň, şeýle hem aýdym-saz toparlarynyň görkezen çykyşlary çagalarda ýakymly täsirleri galdyrdy.

15 sagat öň

Baýramçylyk dabarasy geçirildi

Golaýda Aşgabat şäheriniň Bagtyýarlyk etrap häkimliginiň Türkmenistanyň Demokratik partiýasynyň Bagtyýarlyk etrap komiteti, şeýle hem Türkmenistanyň Magtymguly adyndaky Ýaşlar guramasynyň Aşgabat şäheriniň Bagtyýarlyk etrap geňeşi bilen bilelikde guramagynda «Aşgabadyň ýalkymy» söwda merkeziniň «Altyn» toý zalynda «Arkadagly Serdar bilen ýurdum Täze ýyla barýar» atly baýramçylyk dabarasy geçirildi. Täze ýyla bagyşlanyp geçirilen dabarada Türkmenistanyň Oguz han adyndaky Inžener-tehnologiýalar uniwersitetiniň döredijilik toparynyň, şeýle hem medeniýet we sungat işgärleriniň aýdym-sazly çykyşlary baýramçylyk dabarasynyň şowhunyny artdyrdy.

15 sagat öň

Tanyşdyrylyş dabarasy

Gahryman Arkadagymyzyň «Hakyda göwheri» atly täze kitabynyň tanyşdyrylyş dabarasy, welaýatymyzyň ähli ýerlerinde bolşy ýaly, Akdepe etrabynda hem geçirildi. Etrap häkimliginiň jemgyýetçilik guramalary bilen bilelikde guramagynda medeniýet merkezinde geçirilen dabarada çykyş edenler Berkarar döwletiň täze eýýamynyň Galkynyşy döwründe öz gözbaşyny asyrlaryň jümmüşinden alyp gaýdýan milli mirasymyzy, asylly däp-dessurlarymyzy hem-de ruhy gymmatlyklarymyzy öwrenmekde, dünýä ýaýmakda, röwşen ertirlere ýetirmekde, uly tutumly işleri durmuşa ornaşdyrmakda «Hakyda göwheri» atly täze kitabyň ähmiýetiniň uludygyny nygtadylar. Kitabyň girişden we iki bapdan ybarat bolup, onda şöhratly taryhymyz hem-de şol taryh bilen bagly saklanyp galan taryhy medeni ýadygärliklerimiz hakynda gürrüň berilýändigi, Gahryman Arkadagymyzyň bular baradaky garaýyşlarynyň we pikirleriniň giň beýanynyň tapýandygy dogrusynda belläp geçdiler. Alym Arkadagymyzyň ylmy-filosofik işleriniň we çeper eserleriniň geljekki nesiller üçin gymmatly hazynadygyny aýtmak bilen, çykyş edenler milli medeniýetimizi, şöhratly taryhymyzy dünýä tanatmakda «Hakyda göwheri» atly ajaýyp kitabynyň okyjylaryň ýankitabyna öwrüljekdigini buýsanç bilen bellediler.

16 sagat öň

Täze kitaba buýsanç

Türkmenistanyň Kärdeşler arkalaşyklarynyň Esenguly etrap birleşmesiniň guramagynda türkmen halkynyň Milli Lideri Gahryman Arkadagymyzyň «Hakyda göwheri» atly kitabynyň tanyşdyrylyş çäresi geçirildi. Oňa bilim işgärleri, jemgyýetçilik guramalarynyň wekilleri, döredijilik bilen meşgullanýan ýaşlar gatnaşdylar. Tanyşdyrylyş dabarasynda çykyş edenler ajaýyp kitabyň milli medeniýetimiziň aýratynlyklary barada anyk maglumatlara salgylanýandygy, halkymyzyň ruhy-ahlak gymmatlyklaryna, taryhy medeni-mirasyna  bolan buýsanjynyň artmagynda, taryhymyzy, medeniýetimizi, sungatymyzy, edebi däp-dessurlarymyzy, ruhy mirasymyzy ýakyndan öwremmekde uly ähmiýete eýedigi, onuň  ýaşlar üçin hem uly gollanma, terbiýe mekdebi bolup durýandygy dogrusynda biýsanç bilen giňişleýin durup geçdiler. Gahryman Arkadagymyzyň we Arkadagly Gahryman Serdarymyzyň janlarynyň sag, ömürleriniň uzak, eserleriniň höwrüniň köp bolmagyny arzuw etdiler.

17 sagat öň

Şatlyk-şowhuna beslenip, Täze ýyl geldi Diýara

Şeýle at bilen Türkmenbaşy şäherindäki «Tagam» toý mekanynda aýdym-sazly çäre geçirdik. Çärede Berkarar döwletiň täze eýýamynyň Galkynyşy döwrüniň tamamlanyp barýan «Pähim-paýhas ummany Magtymguly Pyragy» ýylynda hormatly Prezidentimiziň parasatly baştutanlygynda ýurdumyzda gazanylan üstünlikler, ýetilen belent sepgitler barada buýsançly söhbet edildi. Hormatly Prezidentimiziň adyna aýdylan alkyş sözleri dowamly el çarpyşmalar bilen garşylandy. Soňra aýdym-sazly çykyşlara giň orun berildi. Belentden ýaňlanan aýdym-sazlar, joşgunly tanslar baýramçylyga özboluşly bezeg berdi. Olarda ajaýyp döwrümiziň, ata Watanymyzy gülledýän Gahryman Arkadagymyzyň we hormatly Prezidentimiziň beýik işleriniň,  Täze ýyl baýramynyň waspy ýetirildi.

17 sagat öň

Rysgal-bereketli ýyllardan bolsun!

Täze ýyl baýramy mynasybetli Balkanabat şäherindäki «Miras» toý dabaralary merkezinde aýdym-sazly  dabaraly çäre geçirdik. Oňa Türkmenistanyň  Kärdeşler  arkalaşyklarynyň  welaýat birleşmesiniň işgärleri, edara-kärhanalarda zähmet çekýän kärdeşler arkalaşygynyň işjeň agzalary gatnaşdylar. Çykyşlarda ýetip gelýän täze ýylyň hem tamamlanyp barýan ýylymyz ýaly rysgal-bereketli bolmagy, ata Watanymyzyň has-da gülläp ösmegi, halkymyzyň bolelin durmuşda ýaşamagy üçin ähli şert-mümkinçilikleri döredýän Gahryman Arkadagymyzyň, Arkadagly Gahryman Serdarymyzyň  janlarynyň sag, ömürleriniň uzak bolmagy arzuw edildi. Welaýat ýörite sungat mekdebiniň talyp ýaşlarynyň ýerine ýetiren aýdym-sazly çykyşlarynda  Täze ýyl baýramynyň waspy ýetirildi.

17 sagat öň

Täze ýyl arçasyndaky dabara

Ak bugdaý etrabynyň Nowruz ýaýlasynyň “Türkmeniň ak öýi” binasynyň öňünde ýerleşýän welaýatymyzyň baş arçasynda “Hoş geldiň, Täze ýyl, eziz Diýara!” ady bilen aýdym-sazly dabara geçirildi. Täze ýyl arçasyndaky dabarany welaýat häkimligi, welaýat Baş bilim we Medeniýet müdirlikleri hem-de jemgyýetçilik guramalary bilelikde gurady. Toý meýdançasynda hoş owazly, şirin mukamly aýdym-sazlar belentden ýaňlandy. Tans-halk döredijilik toparlarynyň ýerine ýetiren ajaýyp çykyşlary joşgunly aýdym-sazlar bilen özboluşly sazlaşygy emele getirdi hem-de dabaranyň şowhunyny belende göterdi. Bu ýerdäki çykyşlarda Watanymyzyň ýeten belent sepgitleri, ösüşdir özgertmeleri, döwrümiziň eşretleri, asuda asmanymyz, halkymyzyň bagtyýarlygy öz waspyny tapdy.

21 sagat öň

Sungat mekdebindäki baýramçylyk konserti

Ahal welaýat ýörite sungat mekdebinde geçirilen konsert Täze ýyl baýramy mynasybetli dabaralaryň üstüni ýetirdi. Konsertiň başynda çykyş eden halypalar zala ýygnanan talyplary we mugallymlary ýetip gelýän Täze — 2025-njy ýyl mynasybetli gutlap, iň gowy arzuwlaryny aýtdylar. Owadan sahnany sungat mekdebiniň talyplarynyň çykyşlary bezedi. Üflenip we kakylyp çalynýan saz gurallary orkestriniň we aýdym-saz toparlarynyň çykyşlary türkmen sungatyny geljekde has-da ösdürjek hünärmenleriň kemala gelýändigini dabaralandyrdy. Daňatar Öwezowyň, Çary Nurymowyň, Rejep Rejebowyň, Aşyr Kulyýewiň döreden sazlarynyň talyp ýaşlar tarapyndan ussatlyk bilen ýerine ýetirilmegi baýramçylyk konsertiniň mazmunyny has-da baýlaşdyrdy. Bu konsert ýakymly duýgulary döretdi.

21 sagat öň

Täze ýyl şüweleňi

Sarahs etrap bilim bölüminiň ýyllyk iş meýilnamasy esasynda etrabyň 4-nji çagalar bakja-bagynda “Iň gyzykly Täze ýyl şüweleňi” ady bilen Täze ýyl baýramçylygyna bagyşlanyp bäsleşik geçirildi. Täze ýyl baýramçylygyny şatlykly geçirmek, şeýle-de körpeleriň türkmen milli sungatyna, halk döredijiligine bolan söýgüsini ösdürmek we kämilleşdirmek, şeýle hem olarda döredijilige söýgi döretmek, ukyply we zehinli çagalary ýüze çykarmak maksady bilen geçirilen bäsleşik diýseň uly täsirleri döretdi. Körpeler öz çykyşlarynda ata Watanymyzy, Berkarar döwletiň täze eýýamynyň Galkynyşy döwrüni, Gahryman Arkadagymyzyň, Arkadagly Gahryman Serdarymyzyň ýurdumyzy ösdürmek babatdaky özgertmelerini çaga kalbyndan beýan etdiler. Körpeleriň çaga kalbynyň täsin döredijiligi we ýurdumyzy wasp edýän aýdymlary aýtmak, surat çekmek, ýelimlemek, şekil ýasamak ukyplaryna hem baha berildi.

21 sagat öň

Tanyşdyrylyş dabarasy geçirildi

Ýakynda Gyzylarbat etrap häkimliginiň jemgyýetçilik guramalary bilen bilelikde guramagynda Medeniýet öýünde Gahryman Arkadagymyzyň «Hakyda göwheri» atly täze kitabynyň tanyşdyrylyş dabarasy geçirildi. Oňa edara-kärhanalarda zähmet çekýän hünärmenler, talyp ýaşlar gatnaşdy. Duşuşykda çykyş edenler Gahryman Arkadagymyza bu ajaýyp eseri üçin köp sagbolsun aýtdylar hem-de galamynyň ýiti bolmagyny arzuw etdiler. 

22 sagat öň

Hoş geldiň Täze ýyl, eziz Diýara

Ýakynda Balkanabat şäherindäki «Miras» toý dabaralary merkezinde Türkmenistanyň Kärdeşler arkalaşyklarynyň welaýat birleşmesiniň guramagynda Täze ýyl baýramçylygy mynasybetli aýdym-sazly baýramçylyk dabarasy geçirildi. Dabara TKA-nyň  welaýat birleşmesiniň hünärmenleri, welaýatyň edara-kärhanalarynda zähmet çekýän KA-nyň işjeň agzalary gatnaşdylar. Dabarada çykyş edenler ýetip gelýän täze, 2025-nji ýylyň hem rysgally, bereketli ýyl bolmagyny arzuw etdiler. Dabaranyň dowamynda Balkan welaýat ýörite sungat mekdebiniň talyp ýaşlarynyň aýdym-sazly çykyşlary dabara gatnaşanlarda ýakymly täsir galdyrdy. Dabaranyň ahyrynda oňa gatnaşanlar halkymyzyň eşretli durmuşda ýaşamagy üçin uly tagallalary edýän hormatly Prezidentimiziň, Gahryman Arkadagymyzyň adyna alkyş sözlerini aýtdylar.

22 sagat öň

1
2
3
4
5
6
7
8
...
1410
1411
›