Saçaklarymyzyň berekedi
Oba hojalyk maksatly ýörite ýer gaznasynyň döredilmegi bilen, 2021-nji ýylda Hojambaz etrabynyň Pagtaçy geňeşligine degişli ekerançylyk meýdanlaryndan 61 gektar ýeri 99 ýyla çenli möhlet bilen peýdalanmaga alyp, daýhan hojalygyny döretmek mümkinçiligine eýe boldum. Birnäçe ýyldan bäri esasy oba hojalyk ekinleri bolan gowaçadan we bugdaýdan gowy hasyl alyp gelýäris. Üstümizdäki ýyl biziň daýhan hojalygymyz üçin hem rysgal-bereketli ýyllaryň birine öwrüldi. Döwlet harmanyna bugdaý hem gowaça hasyllaryny tabşyrmakda ýokary netijeleri gazanyp, baglaşylan şertnamalaýyn borçnamamyzy artygy bilen ýerine ýetirdik. 35 gektardan 55 tonnanyň ýerine 66 tonna bugdaý hasylyny ýygnadyk. Gowaça eken 10 gektar ýerimizden bolsa, 13,5 tonnanyň deregine 18 tonna «ak altyn» ýygnadyk. Muňa seretmezden, gowçaly pellerimizde heniz hasyl ýeterlik. Şu ýyl 4 gektar meýdanda ilkinji gezek synag hökmünde ýer hozuny ekdik. Her gektardan hem 3 tonnadan hasyl aldyk. Hasyly kemala getirmek üçin agrotehniki çäreleriň çäklerinde 3 gezek hatarara bejergi işleri geçirilip, 5 gezek suw tutuldy. Ýetilen sepgitlerde mehanizatorlar Atajan Hezziýewiň, Ýaraş Işankulowyň, Döwran Kerimowyň, Maksat Çaryýewiň mynasyp paýy bar. Geljekde ýer hozunyň ekilýän meýdanyny artdyrmagy göz öňünde tutýarys. Ýer hozy — saçaklarymyzyň bezegi. Onda ýokumly maddalaryň, ösümlik ýagynyň, witaminleriň uly mukdary saklanylyp, iýmitlik düzümi
