"Türkmeniň ýüpek ýoly" gazeti

Esaslandyryjysy: "Türkmendemirýollary" agentligi
Salgysy: Aşgabat şäheri, Arçabil şaýoly 162-nji jaýy
Telefon belgileri: 94-27-68

Habarlar

Sport. Sport. Sport.

Çekeleşikli boldy Golaýda Mary şäherindäki 6-njy sport mekdepde 2007-nji ýylda doglan we ondan kiçi ýaşly oglan-gyzlaryň arasynda sportuň woleýbol görnüşi boýunça Türkmenistanyň birinjiligini almak ugrunda ýaryş geçirildi. Ýaryşa Aşgabat şäherinden we welaýatlardan türgenler gatnaşdylar.

Azi­ýa­nyň ku­bo­gyn­da­ky öz tanyşlarymyz

«Türkmenistan Sport», № 1 (21), 2024 Ýa­zy­jy Ata Ata­ja­no­wyň «Öz ta­nyş­la­ryň» at­ly ro­ma­ny­ny okan bol­sa­ňyz ge­rek. Eser­dä­ki pel­se­pe ul­la­kan zat­dan söh­bet aç­ýa­nam bol­sa, aw­tor ro­man­da­ky gah­ry­man­la­ryň dur­mu­şyn­da bo­lup geç­ýän her bir ki­çi­jik wa­ka­nam us­sat­lar­ça aý­dyp geç­ýär. Mu­nuň özi eser­dä­ki wa­ka­la­ryň ta­nyş adam­la­ryň dur­mu­şyn­da bo­lup geç­ýän ýa­ly du­ýul­ma­gy­na ge­tir­ýär. Gah­ry­man­lar sa­ňa ta­nyş, ýö­ne wa­ka­lar baş­ga­rak. Dog­ry, gah­ry­man­la­ryň bi­ze ta­nyş ýa nä­ta­nyş­ly­gy şol wa­ka­la­ra nä­de­re­je­de gatnaşýandygy esa­syn­da kes­git­le­nil­ýär. Şo­nuň üçin umu­my bir or­ta­lyk bar­dyr, el­bet­de? Bu so­wa­la soň do­la­na­rys. Hä­zir biz Azi­ýa yk­ly­my­nyň uly fut­bol sah­na­syn­da çy­kyş eden öz ta­nyş­la­ry­myz ha­kyn­da söh­be­di do­wam ede­li.

Meşhur türgenler hakynda filmler

«Türkmenistan Sport», № 1 (21), 2024 Sport dün­ýä­si­ne güýç­li adam­lar gel­ýär. Ola­ryň için­de meş­hur bol­ýan­lar hem az däl. Sa­naw­da sport ta­ry­hyn­da ýat­da ga­lan gy­zyk­ly wa­ka­lar ha­kyn­da çe­per we do­ku­men­tal film­ler hem bar. Ola­ryň üs­ti bi­len dün­ýä bel­li tür­gen­le­riň dur­muş ýo­lu­ny öw­ren­mek müm­kin.

Ki­bers­port sportuň täze görnüşi bolup, onuň esasy aý­ra­tyn­lyk­la­ry

«Türkmenistan Sport», № 1 (21), 2024 Ki­bers­port — bu wi­deo oýun ýa­ryş­la­ry­dyr. Mun­da oýun­çy­lar ýe­ke­le­ýin ýa-da to­par­la­ýyn gör­nüş­de hem çy­kyş edip bi­lýär­ler. Elekt­ron spor­ta baş­ga­ça komp­ýu­ter spor­ty ýa-da es­port — elekt­ron spor­ty hem di­ýil­ýär. Ol spor­tuň we komp­ýu­ter teh­no­lo­gi­ýa­la­ry­nyň ut­gaş­dy­ryl­ma­sy bo­lup, wir­tu­al gör­nüş­de ama­la aşy­ryl­ýar.

Şöhraty aýandyr älem-jahana

«Türkmenistan Sport», № 1 (21), 2024 Üs­tü­miz­dä­ki ýyl­da Fran­si­ýa­nyň Pa­riž şä­he­rin­de ge­çi­ril­jek XXXIII Olim­pi­ýa oýun­la­ry ba­ra­da oý­la­na­nyň­da, onuň sa­na­wy­na gir­ýän grek-rim gö­re­şi ha­kyn­da oý­lar se­ri­ňe dol­ýar. Spor­tuň, oýun­la­ryň dö­re­ýiş, ösüş ta­ry­hy ha­kyn­da nä­çe oý­lan­dy­gyň­ça, bu ge­çi­len uzak ta­ry­hy ýo­luň do­wa­myn­da halk­la­ryň öza­ra dost-do­gan­lyk gat­na­şyk­la­ry­nyň, bi­rek-bi­re­giň dö­re­den, dün­ýä be­ren gym­mat­lyk­la­ry­na go­ýan sar­pa­sy­nyň ta­ry­hy bi­len ýüz­be-ýüz bol­ýar­syň.

Pa­riž 2024: fut­bol ýa­ryş­la­ry­nyň bi­je­le­ri çe­kil­di

Şu ýy­lyň tom­sun­da Pa­riž­de ge­çi­ril­jek Olim­pi­ýa oýun­la­ryn­da fut­bol ýa­ryş­la­ry­nyň bi­je­le­ri çe­kil­di. Er­kek­le­riň ara­syn­da­ky fut­bol ýa­ry­şy­na 16 to­par gat­na­şar. Er­kek­le­riň ara­syn­da soň­ky 2 ýa­ry­şyň çem­pio­ny Bra­zi­li­ýa­nyň Olim­pi­ýa ýy­gyn­dy­sy Pa­riž 2024-e ýol­lan­ma alyp bil­me­di. Hä­zir­ki wagt­da er­kek­le­riň ara­syn­da Azi­ýa­dan gat­naş­jak to­par­lar bel­li bol­man, 15-nji ap­rel – 3-nji maý ara­ly­gyn­da Ka­tar­da ge­çi­ril­jek çem­pio­nat­dan soň kes­git­le­ner. To­mus­ky Olim­pi­ýa oýun­la­ry­na er­kek­le­riň ara­syn­da Olim­pi­ýa ýy­gyn­dy­la­ry, ýag­ny U-23 to­par­la­ry gat­na­şyp, to­pa­ryň dü­zü­mi­ne 23 ýaş­dan uly bo­lan di­ňe 3 fut­bol­çy al­ma­ga yg­ty­ýar be­ril­ýär. Bi­jä la­ýyk­lyk­da, al­tyn me­da­lyň esa­sy da­laş­gär­le­rin­den ýer eýe­le­ri Fran­si­ýa­nyň Olim­pi­ýa ýy­gyn­dy­sy «A» to­par­ça­da ABŞ-nyň, Tä­ze Ze­lan­di­ýa­nyň hem-de AFK – KAF pleý-off du­şu­şy­gy­nyň ýe­ňi­ji­si du­şu­şar. Soň­ky çem­pi­on Bra­zi­li­ýa­ny ýe­ňip, gat­naş­ma­ga hu­kuk ga­za­nan Ar­gen­ti­na­nyň Olim­pi­ýa to­pa­ry «B» to­par­ça­da Ma­rok­ko­nyň, Uk­rai­na­nyň hem-de Azi­ýa­dan gat­naş­jak bir to­par bi­len öza­ra güýç sy­na­ny­şar.

Çempionlar Ligasynda çärýek final duşuşyklary

UEFA Çem­pi­on­lar Li­ga­syn­da möw­süm ahyr­lap bar­ýar. Gel­jek hep­dä­niň si­şen­be we çar­şen­be gün­le­ri, ýag­ny 2-3-nji ap­rel­de ýa­ry­şyň çär­ýek fi­na­ly­nyň 1-nji du­şu­şyk­la­ry ge­çi­ri­ler. Çär­ýek fi­nal­da fut­bol jan­kö­ýer­le­ri­ne yk­ly­myň öň­de­ba­ry­jy 8 klu­bu­nyň ara­syn­da çe­ke­le­şik­li we dart­gyn­ly du­şu­şyk­la­ryň 8-si ga­raş­ýar. Du­şu­şyk­lar Aş­ga­bat wag­ty bi­len 00:00-da baş­la­nar. PSŽ–«Barselona»: taryhy duşuşyklaryň bijesi

Hepdäniň esasy duşuşyklary

29-njy mart (an­na) Lill – Lans (01:00)

Lebaply pälwanlaryň nobatdaky üstünligi

Türkmen türgenleri Moskwa şäherinde Sambony esaslandyryjylaryň Kubogyny almak ugrunda geçirilen ýaryşda üstünlikli çykyş edip, baýrakly orunlaryň dördüsini eýelediler. Ýaryşda sport sambosy boýunça gazanylan 4 medalyň üçüsine lebaply pälwanlar mynasyp boldular. Her ýyl geçirilmegi asylly däbe öwrülen bu ýaryşa dünýä döwletleriniň 13-sinden pälwanlaryň 250-den gowragy gatnaşdy. Baýrakly orunlary almak ugrunda guralan tutluşyklarda Türkmenabat şäherindäki 7-nji sport mekdebiň tälimçisi Jemal Awlýakulyýewa 65 kilograma çenli agram derejesinde altyn medala mynasyp boldy. Ýurdumyzyň ýygyndysyna bürünç medaly-da ýene-de şol sport mekdebiniň tälimçisi 80 kilograma çenli agram derejesinde çykyş eden Saodat Işmuradowa getirdi. Köýtendag etrabyndaky 4-nji sport mekdebiň tälimçisi Nedir Allaberdiýew bolsa 79 kilograma çenli agram derejesinde kümüş medala eýe boldy.

Türkmenistanyň birinjiliginden ýeňiş bilen

Aşgabat şäherinde ýeňil atletika boýunça 2005 — 2006, 2007 — 2009-njy ýyllarda doglan ýetginjekleriň arasynda guralan ýaryşlarda welaýatymyzyň topary birinji orna eýe boldy. Toparyň düzüminde türkmenabatly, dänewli, çärjewli we köýtendagly türgenler çykyş etdiler. Dürli aralyklara ylgamak, uzynlygyna bökmek boýunça we estafeta ýaryşlarynda ýeňil atletikaçylarymyz baýrakly orunlaryň 26-syna mynasyp boldular. Ýaryşa türgenleri tälimçiler Ildar Hojaýew, Sabina Sultanowa, Atajan Durdyýew, Çary Açilow taýýarladylar. Ýeňijiler degişli diplomlar we medallar bilen sylaglanyldylar.

Sagdyn nesil — sagdyn jemgyýet

«Pähim-paýhas ummany Magtymguly Pyragy» ýyly mynasybetli 2009-2010-njy ýyllarda doglan ýetginjekleriň arasynda Balkanabat şäheriniň Hazar şäherçesiniň 4-nji sport mekdebi bilen bilelikde sportuň kiçi futbol görnüşi boýunça ýaryş geçirdik. Ýaryşyň jemi boýunça  birinji orna «Deňizçi», ikinji orna «Mawy kenar», üçünji orna «Hazar» toparlary mynasyp boldular. Ýeňijilere ýadygärlik sowgatlar gowşuryldy.

Sport

KÜŞTÇILER BÄSLEŞDILER Döwlet Baştutanymyzyň başda durmagynda ýurdumyzda bedenterbiýäni we sporty ösdürmekde gowy netijeler gazanylýar. Sporta höwesek türgenleriň sany ýylsaýyn artyp, Garaşsyz, baky Bitarap döwletimiziň sport abraýyny goramakda şowly çykyş edýärler. Ezber türgenleriň ýetişdirilmeginde sport mekdepleriniň tälimçileriniň saldamly goşantlary ýatlanylmaga mynasypdyr.

Sportuň sarpalanýan eýýamy

Hormatly Prezidentimiz «Ýaşlar — Watanyň daýanjy» atly ajaýyp kitabynda: «Biz ynsan saglygyny ähli zatdan ileri tutup, beden we ruhy taýdan kämil nesli kemala getirmäge uly ähmiýet berýäris. Döwletimiziň bu asylly maksatlarynyň amala aşyrylmagynda sport esasy orunlaryň birini eýeleýär» diýip ýazýar. Şu sözlerdenem görnüşi ýaly, ynsan saglygy ähli zatdan ileri tutulýan ýurdumyzda sportuň ösdürilmegine ägirt uly üns berlip, oňa döwlet syýasatynda möhüm orun degişlidir. Saglygyň sakasy, sagdyn, bagtyýar durmuşyň gözbaşy bolup durýan sportuň rowaçlyklara beslenmegi, jemgyýetimizde sagdyn durmuş ýörelgesiniň, köpçülikleýin bedenterbiýäniň giň gerimde ýaýbaňlanmagy babatda durmuşa geçirilen nusgalyk işleriň netijesinde Garaşsyz, hemişelik Bitarap Türkmenistan Watanymyzyň bütin dünýäde sport döwleti diýlip ykrar edilmegi hem, elbetde, döwrümiziň ajaýyp hakykatydyr. Berkarar döwletiň täze eýýamynyň Galkynyşy döwründe Aşgabat, Arkadag şäherlerindäki hem-de welaýatlardaky biri-birinden owadan, döwrebap sport desgalary dürli ýaşdaky raýatlaryň, esasan hem, ýaşlaryň öz saglyklaryny berkidýän, sportda barha kämilleşýän, dürli sport ýaryşlarynyň geçirilýän ýerine öwrüldi. Türkmen türgenleriniň halkara ýaryşlarda gazanýan üstünlikleri bolsa sporty ösdürmekde ýurdumyzda badalga berlen giň gerimli işleriň aýdyň netije berýändigini görkezýär.

Türkmenistan — sport ýurdy

Berkarar döwletiň täze eýýamynyň Galkynyşy döwründe güneşli Diýarymyz dünýäde sportuň rowaçlanýan, olimpiýa hereketiniň we halkara hyzmatdaşlykda parahatçylygyň, hoşniýetliligiň ileri tutulýan ýurdy hökmünde ykrar edilýär. Häzirki wagtda Türkmenistan iri halkara ýaryşlaryň, çempionatlaryň yzygiderli geçirilýän ýurdy bolmak bilen, sportuň parahatçylygy, abadançylygy we birek-birege ynanyşmagy öňe sürýän ýörelgelerini bütin dünýäde dabaralandyrýar. Geçen ýylyň ahyrynda gözel paýtagtymyzda Kuraş boýunça dünýä çempionatynyň uly ruhubelentlige, ýokary guramaçylyga beslenip geçirilmegi ýurdumyzyň halkara sport abraýyny has hem belende göterdi. Hormatly Prezidentimiziň gol çeken Kararyna laýyklykda, «Pähim-paýhas ummany Magtymguly Pyragy» ýylynyň 15 — 20-nji apreli aralygynda Aşgabat şäherinde hokkeý boýunça halkara ýaryşy geçirmäge ygtyýar berilmegi bagtyýar halkymyzyň, dünýä jemgyýetçiliginiň hem-de sport janköýerleriniň uly hoşallygyna eýe boldy. Ýurdumyzda halkara derejeli ýaryşlaryň yzygiderli geçirilmegi jemgyýetimizde sport işjeňligini, sagdyn durmuş ýörelgesini ýaýbaňlandyrmaga aýratyn ähmiýet berilýändigine aýdyň güwä geçýär.

Sport

Türkmenistanyň çempionaty geçirildi Türkmenistanyň maýyplarynyň merkezi bedenterbiýe-sport klubunyň guramagynda Aşgabat şäherinde daýanç-hereket synasy şikesli türgenleriň arasynda küşt we şaşka boýunça ýurdumyzyň çempionaty geçirildi. Onda welaýat maýyplar bedenterbiýe-sport klubunyň agzalary, welaýat saglygy dikeldiş okuw-terbiýeçilik toplumynyň okuwçylary Daniýarbek Umidow 16 ýaşa çenli türgenleriň arasynda, heniz 15 ýaşyndadygyna garamazdan, Saparmuhammet Akmyradow bolsa uly ýaşly türgenleriň arasynda Türkmenistanyň çempiony boldular. Ýeňiş gazanan türgenler Hormat hatlary we baýraklar bilen sylaglanyldy.

Sagdyn nesil — bagtyýar geljek

Bäherden etrabyndaky 28-nji orta mekdepde 14-15 ýaşly okuwçy ýaşlaryň arasynda «Sagdyn nesil — bagtyýar geljek» ady bilen milli mergenlik oýny boýunça ýaryş geçirildi. «Pähim-paýhas ummany Magtymguly Pyragy» ýylyna bagyşlanan ýaryşy «Türkmenistan» Ýaşlar bedenterbiýe-sport guramasynyň welaýat bölümi hem-de etrap bilim bölümi bilelikde gurady. Etrapdaky umumybilim berýän orta mekdepleriň okuwçylaryndan düzülen toparlaryň işjeň gatnaşmagynda geçirilen ýaryşyň esasy maksady türkmen milli oýunlarynyň terbiýeçilik ähmiýetini ýaşlaryň arasynda wagyz etmekden, ýaş nesliň sagdyn, ruhubelent bolup ýetişmegini gazanmakdan ybarat boldy. Ýaryş okuwçy ýaşlara mergenlikde ukyp-başarnygyny görkezmäge şert döretdi.

Geljekki çempionlar taýýarlanýar

«Pähim-paýhas ummany Magtymguly Pyragy» ýylynyň guwandyryjy görkezijilere beslenmegini gazanmak her bir ugurda zähmet çekýän ildeşlerimiziň baş maksady bolup durýar. Şonuň bilen baglylykda, Gökdepe etrabynyň sport mekdebiniň tälimçi-mugallymlary hem şanly ýylda tutanýerli zähmet çekýärler. Olar özleri üçin döredilen giň we amatly mümkinçiliklerden netijeli peýdalanyp, sport mekdebine gatnaýan ýaşlaryň döwrebap derejede türgenleşmegi, sportda taplanmagy hem-de ýokary sepgitleri eýelemegi ugrunda yhlasyny gaýgyrmaýarlar. Gahryman Arkadagymyzyň taýsyz tagallalary netijesinde gurlan Gökdepe etrabynyň sport mekdebi bu gün sagdyn durmuş ýörelgelerine eýerýän ruhubelent ýaşlarymyzyň söýgüli ýerine öwrüldi. Mekdebimizde Türkmenistanyň Bedenterbiýe we sport baradaky döwlet komiteti tarapyndan tassyklanan ýyllyk iş meýilnamasy esasynda häzirki günlerde degişli işler alnyp barylýar. Ýaş türgenleriň arasynda dürli sport ýaryşlary, wagyz-nesihat, düşündiriş çäreleri hem geçirilýär we olaryň netijeliligi gazanylýar.

Woleýbol ýaryşy

Sarahs etrabyndaky 27-nji orta mekdebiň sport zalynda «Sagdyn nesil — bagtyýar geljek» ady bilen woleýbol ýaryşy geçirildi. Oňa etrapdaky orta mekdepleriň 14-15 ýaşly okuwçy gyzlaryndan düzülen toparlar gatnaşdy. «Türkmenistan» Ýaşlar bedenterbiýe-sport guramasynyň welaýat bölüminiň hem-de etrap bilim bölüminiň bilelikde guramagynda geçen ýaryş mekdep okuwçylaryna woleýbol sporty boýunça ussatlygyny görkezmäge mümkinçilik berdi. Gyzykly duşuşyklary bilen alamatlanan ýaryşyň netijesinde etrapdaky 23-nji orta mekdebiň topary üstün çykdy. Ýaryşda ikinji orny 27-nji, üçünji orny bolsa, 3-nji orta mekdebiň okuwçy gyzlary eýelediler.

Sport

Pauerliftingçileriň üstünligi Döwlet Baştutanymyzyň alyp barýan sport syýasatynyň maksady ýurdumyzda sporty ösdürmek bilen, halkyň saglygyny goramakdan, berkitmekden hem-de sagdyn durmuş ýörelgesiniň berkararlygyny üpjün etmekden ybaratdyr. Aýratynam, ýaşlaryň sport bilen meşgullanmaklarynyň köpçülikleýin häsiýete eýe bolmagy bu babatda uly üstünlige şaýatlyk edýär.

Welaýatyň birinjiligi geçirildi

Şu gün 14 we 18 ýaşa çenli oglan-gyzlaryň arasynda sportuň 64 öýjükli şaşka görnüşi boýunça welaýatymyzyň birinjiligi tamamlandy. Türkmenabat şäherindäki 13-nji sport mekdepde geçirilen ýaryşa welaýat merkezinden, şeýle-de Köýtendag, Hojambaz, Dänew etraplaryndan, Darganata etrabynyň Gazojak şäherinden ýaş türgenleriň uly topary gatnaşdy. Ýiti bäsdeşlik ýagdaýynda geçen duşuşyklarda bu oýnuň inçe syrlaryny has gowy ele alan türgenler öňe saýlandylar. Has takygy, 14 ýaşa çenli oglanlaryň arasynda Köýtendag etrabyndan Tahyr Taştemirow ýeňiji boldy. Bu ýaş derejesinde gyzlaryň arasynda birinji orny hem şol etrapdan Aýbölek Narzullaýewa eýeledi. 18 ýaşa çenli oglanlaryň arasynda Türkmenabat şäherinden Atamurat Jumaýewe taý gelen tapylmady. Şu ýaş derejesinde gyzlaryň arasynda welaýat merkezinden Gülnara Jumaýewa özüniň ýeňşini toýlady. Ýaryşda Gazojak şäherinden, Dänew etrabyndan gelen ýaş türgenleriň çykyşlaryny-da şowly hasaplamak bolar. Olara hem öňdäki orunlary eýelemek başartdy. Guramaçylykly geçen bäsleşik welaýatymyzda sportuň bu görnüşinde ussatlyga dalaş edýän ýaş türgenleriň az däldigini görkezdi. Ýaryşyň ýeňijilerine ony guraýjylar tarapyndan Hormat hatlary gowşuryldy.