Kaka etrabynyň «ak altyn» ussatlary 22 müň gektardaky gowaçanyň idegini agrotehnikanyň talaplaryna laýyklykda alyp barýarlar. Etrabyň «Edermen pagtaçy» daýhan hojalygynda ekiniň ideg işlerine aýratyn jogapkärli çemeleşilýär.
Daýhan hojalygynyň agronom-hünärmeni Baýram Annamuhammedowyň aýtmagyna görä, ýaz paslynyň amatly howa şertleri gowaça ekişini talabalaýyk geçirip, kadaly gögeriş gazanmaga oňyn täsirini ýetiripdir. Şu günler ekini mineral dökünler bilen iýmitlendirmek, ösüş suwuny tutmak, şeýle-de hatarara bejergi işleri sazlaşykly alnyp barylýar.
