Türkmenmetbugat

"Türkmenistanyň Prezidentiniň Metbugat çapary" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-09, 38-61-11, 38-61-12
Email: metbugatchapary-gazeti@online.tm

Gazeti PDF görnüşinde ýükläp almak

Habarlar

Döwrüň saglyk serpaýy

Türkmenistanyň saglygy goraýyş we derman senagaty işgärleriniň güni mynasybetli, düýn Lebap welaýatynda durky täzelenip, mümkinçilikleri döwrebaplaşdyrylan etrap hassahanalarynyň ikisi işe girizildi. Şeýlelikde, Dänew we Saýat etraplarynyň ýaşaýjylary ynsan saglygynyň goragçylarynyň şanyna tutulýan toý gününde uly ruhubelentlige beslendiler. Bu hassahanalaryň ikisiniň hem ýaşy ýarym asyra golaýlaýar. Adam hakdaky aladany alnyp barylýan syýasatyň baş ugry hasaplaýan döwletimiziň tagallalary netijesinde olaryň durky täzelenip, mümkinçilikleri doly döwrebaplaşdyryldy. Saglyk merkezleriniň ikisiniň hem durkuny täzelemek işlerini «Bäş ýol» hususy kärhanasynyň gurluşykçylary alyp bardylar.

12 Oktýabr 2023

Belent sepgitleriň waspy

Welaýat saglygy goraýyş müdirliginiň we Saglygy goraýyş işgärleriniň kärdeşler arkalaşygynyň Balkanabat şäher geňeşiniň bilelikde guramaklarynda welaýat kitaphanasynda Türkmenistanyň saglygy goraýyş we derman senagaty işgärleriniň güni mynasybetli geçirilen maslahata saglygy goraýyş hem-de kitaphana işgärleri gatnaşdylar. Güneşli ülkämiziň tebigaty dermanlyk ösümliklere örän baý. Gahryman Arkadagymyzyň şol ösümlikleriň ynsan saglygyna peýdasy baradaky maglumatlary özünde jemleýän «Türkmenistanyň dermanlyk ösümlikleri» atly ylmy-ensiklopedik kitaby gymmatly gollanma bolup durýar. Bu ajaýyp kitap ynsan saglygyny goramakda we bejermekde, ýurdumyzyň dermanlyk  ösümliklerini öwrenmekde uly ähmiýete eýedir. Ýurdumyzyň döwrebap hassahanalarynda, şypahanalarynda we saglyk öýlerinde dermanlyk otlardan taýýarlanan melhem çaýlar raýatlarymyzyň saglygyny berkitmekde giňden peýdalanylýar.

11 Oktýabr 2023

Baş baýlygyň gymmaty

Türkmenistanyň saglygy goraýyş we derman senagaty işgärleriniň güni mynasybetli welaýatymyzda giň gerime eýe bolan çäreler mazmun taýdan biri-biriniň üstüni ýetirdi. Welaýat häkimliginiň, welaýat saglygy goraýyş müdirliginiň hem-de welaýat bedenterbiýe we sport baradaky Baş müdirliginiň, jemgyýetçilik guramalarynyň tagallalary bilen geçirilen dürli sport çäreleridir maslahatlar munuň subutnamasyna öwrüldi. Şatlyk-şowhuna, ýokary guramaçylyga beslenen çäreleriň çuňňur mazmuny ýurdumyzda türkmen halkynyň Milli Lideri Gahryman Arkadagymyzyň döwletli başlangyçlary arkaly ynsan saglygyny ählitaraplaýyn goramagyň, raýatlaryň ýaşaýyş-durmuş derejesini yzygiderli gowulandyrmagyň mizemez binýadynyň tutulandygyny görkezdi. Ýetilen sepgitleriň ählisi «Saglyk» Döwlet maksatnamasy hem-de Milli Liderimiziň gymmatly lukmançylyk taglymatlary bilen aýrylmaz baglanyşyklydyr. Netijede, hil babatda halkara kadalara laýyk gelýän, durnukly ösýän we özgerýän milli saglygy goraýyş ulgamynyň berk binýady kemala geldi, jemgyýetimize sagdyn durmuş ýörelgeleri üstünlikli ornaşdyryldy. Mollagara şypahanasynda geçirilen esasy baýramçylyk çäresiniň mazmunynda hem şeýle buýsançly hakykatlar mynasyp beýanyny tapdy. Dabarada uly orun berlen gutlag çykyşlarynda milli saglygy goraýyş ulgamyny hil taýdan dünýä ülňülerine laýyk getiren Gahryman Arkadagymyzyň, ulgamdaky döwletli tutumlary üstünlikli dowam etdirýän

11 Oktýabr 2023

Berjaý edilmeli maslahatlar

Şahsy we jemgyýetçilik arassaçylygy babatdaky tertip-düzgünleri berjaý ediň! Elleriňizi arassa saklaň! Maşgala lukmany bilen maslahatlaşyp, gyzyl burç goşulan unaş içmeli. Gyzyl burçuň düzümindäki fitonsidler, peýdaly maddalar adam bedeniniň kesele garşy göreşijilik ukybyny ýokarlandyrmaga ýardam berýär. 

11 Oktýabr 2023

Ajaýyp üstünlikleriň beýany

10-njy oktýabrda Söwda-senagat edarasynyň sergiler zalynda ýurdumyzda giňden bellenilen Saglygy goraýyş we derman senagaty işgärleriniň gününe gabatlanyp geçirilen «Saglygy goraýyş, bilim we sport Berkarar döwletiň täze eýýamynyň Galkynyşy döwründe» atly halkara serginiň we onuň çäklerindäki ylmy maslahatyň dabaraly açylyşy boldy. Saglygy goraýyş we derman senagaty, Bilim ministrlikleri, Bedenterbiýe we sport baradaky döwlet komiteti hem-de Söwda-senagat edarasy tarapyndan bilelikde guralan ýöriteleşdirilen serginiň açylyş dabarasyna Hökümet agzalary, Türkmenistandaky diplomatik wekilhanalaryň we halkara guramalaryň, ministrlikleriň, pudaklaýyn dolandyryş edaralarynyň, lukmançylyk ylmy-kliniki merkezleriniň, Ylymlar akademiýasynyň, jemgyýetçilik guramalarynyň, bilim edaralarynyň, köpçülikleýin habar beriş serişdeleriniň ýolbaşçylarydyr wekilleri, ýurdumyzyň saglygy goraýyş ulgamynyň köpsanly işgärleri, hormatly ýaşulular gatnaşdylar. Halkara serginiň açylyş dabarasy döredijilik toparlarynyň aýdym-sazly çykyşlaryna beslendi. Olar ata Watanymyza bagyşlanan aýdymdyr tanslary uly joşgun bilen ýerine ýetirdiler. Ýygnananlar hormatly Prezidentimiz Serdar Berdimuhamedowyň foruma gatnaşyjylara iberen Gutlagyny uly ruhubelentlik bilen diňlediler.

11 Oktýabr 2023

Halkara sergä we maslahata gatnaşyjylara söz berýäris

«Saglygy goraýyş, bilim we sport berkarar döwletiň täze eýýamynyň Galkynyşy döwründe» atly halkara sergi dowam edýär Erjan Amirbekuly,Gazagystan Respublikasynyň Altynsarin institutynyň rektory:

11 Oktýabr 2023

Goşa etraba — goşa serpaý

Türkmenistanyň Saglygy goraýyş we derman senagaty işgärleriniň hünär baýramynyň bellenilýän günlerinde Dänew hem-de Saýat etrap hassahanalarynyň durkunyň täzelenilip, ulanylmaga berilmegi tutuş halkymyz üçin ajaýyp toý sowgady boldy. Durky täzelenilen hassahanalarda ilata ýokary hilli lukmançylyk hyzmatlarynyň ýola goýulmagy hormatly Prezidentimiziň adam baradaky aladany hemişe üns merkezinde saklaýandygyna, saglygy goraýyş ulgamynyň beýik ösüşlere eýe bolýandygyna şaýatlyk edýär. Wysala gowuşýar göwün islegler

11 Oktýabr 2023

Ildeşlerimiziň ýürek buýsanjy

Tawus ORAZMÄMMEDOWA, Dänew etrabynyň Azatlyk geňeşliginiň ýaşaýjysy: ― Men — dört çagaly bagtyýar ene. Çagalaryň bagtyýar, sagdyn ösüp ýetişmekleri üçin hormatly Prezidentimiziň taýsyz tagallalary netijesinde ýurdumyzda köp işler durmuşa geçirilýär. Biz — bagtyýar eneler muny her ädimde duýup ýaşaýarys.Ynha, durky täzelenilen hassahanamyz hem bu aýdylanlara doly şaýatlyk edýär.

11 Oktýabr 2023

Belent döwrüň ýalkawy

Saýat etrap hassahanasynyň durkunyň täzelenilip, ulanylmaga berilmegi hem etrabyň ýaşaýjylaryna uly saglyk serpaýy boldy. 150 orunlyk hassahanada işgärleriň 335-si halka hyzmat edýär. Bu ýerde bölümleriň 10-sy, ýagny iç keselleri, hirurgiýa, çaga dogruş, aýal keseller, çagalar, fizioterapiýa, laboratoriýa, anyklaýyş we maslahat beriş, radiologiýa hem-de ýokanç keseller bölümleri bolup, olaryň ählisi ýokary tehnologiýaly enjamlar bilen üpjün edildi. Birbada näsaglaryň 20-si kabul edilýän iç keselleri bölümine täze elektrokardiografiýa enjamy oturdyldy. Şeýle-de otaglaryň ählisinde kislorod paýlaýjylar bar. 24 orunlyk hirurgiýa bölüminde bolsa ýokary hilli amal otagy hereket edýär. Bu ýerdäki innowasion operasiýa stoly, laporoskop, kogulýator enjamlary amallaryň ýokary derejede geçirilmegini üpjün edýär. Çaga dogruş bölümindäki operasion zaly we dogrum otaglary hem ähli amatlylyklary özünde jemleýär. Bu ýerde täze doglan näsag çagalar üçin awtomatik usulda kislorod, ýylylyk we çyglylyk paýlaýjy enjamyň, şeýle-de zenan kesellerini anyklaýyş abzallaryň kömegi bilen bejergi işleriniň netijeliligi has-da artýar.

11 Oktýabr 2023

Kalpdan çykan sözler

Jennet HAKGYÝEWA, Saýat etrap hassahanasynyň lukmany: ― Hassahanamyzyň durkunyň täzelenilmegi biziň üçin uly şatlykly wakalaryň biri boldy. Eýýäm hassahanamyza diňe bir etrabymyzyň ýaşaýjylary däl, eýsem, welaýatymyzyň dürli künjeklerinden hem ýüz tutup gelýärler. Bu ýerde olara ýokary derejede hyzmat edilýär. Çünki hassahanada ýokary amatlylyklaryň ählisi göz öňüne tutulyp, dünýäniň iri kompaniýalarynyň enjamlary ornaşdyryldy. Bu bolsa ýüz tutýan ildeşlerimiziň hem-de biziň işimizi ep-esli ýeňilleşdirýär we gowy netije berýär.

11 Oktýabr 2023

Saglygy goramagyň ilkinji ädimleri

Saglyk ynsana tebigatyň eçilen iň uly baýlygydyr. Ähli üstünlikleriň, rowaçlyklaryň sakasy hem saglykdyr. Şonuň üçin hem eziz Diýarymyzda il-günüň saglygy baş gymmatlyk hökmünde ähli zatdan ileri tutulýar. Lukmançylyk ylmynyň soňky gazananlary, iň ösen tehnologiýalar ornaşdyrylan saglygy goraýyş desgalary bu günki gün ýurdumyzyň ähli künjeklerinde hereket edýär. Gahryman Arkadagymyzyň we hormatly Prezidentimiziň başlangyçlary bilen güneşli Diýarymyzda keselleriň öňüni almak, sagdyn durmuş ýörelgelerini wagyz etmek, raýatlarymyzyň sagdyn bolmagyny gazanmak we olaryň ömür dowamlylygyny uzaltmak esasy wezipelerimiziň biri bolup durýar. Şeýle jogapkärli wezipelerden ugur alyp, biz hem güýzüň häzirki günlerinde halkymyza arassaçylyk düzgünlerini berk berjaý etmegi, pasla görä geýnip, açyk howada gezelenç etmegi, diňe arassa agyz suwuny ýa-da gaýnadylyp sowadylan suw içmegi maslahat berýäris. Güýz paslynyň gelmegi bilen öňüni alyş sanjymlaryny maşgala lukmany bilen maslahatlaşyp, öz wagtynda almak hem saglygymyzy goramak üçin öňe ädilen ädimdir.

11 Oktýabr 2023

Jan saglygyň bolmaz hiç deňi-taýy

Eger siz ýa-da maşgalaňyzyň bir agzasy ýiti respirator ýokanç keseli bilen näsaglan bolsa, hökman lukmana ýüz tutmaly, maşgala lukmany tarapyndan bellenen bejergini almaly. Ýiti respirator ýokanç keselleriniň alamatlary asgyrmak, üsgürmek, bokurdagyň nemli bardasynyň gyzarmagy, burnuň dykylmagy, beden gyzgynynyň ýokarlanmagy, kellagyry, endam-janyň agyrmagy, üşütmek we işdäniň kesilmegi ýaly ýagdaýlar bilen ýüze çykýar. Şahsy we jemgyýetçilik arassaçylygy babatdaky tertip-düzgünleri pugta berjaý etmeli. Elleriňizi arassa saklamaly. Daşaryk çykmazdan, jemgyýetçilik ýerlerine barmazdan öň, burnuň nemli bardasyna hökman «Oksolin» melhemini çalmaly. Gyzyl burç goşulan unaş içmeli. Gyzyl burçuň düzümindäki fitonsidler, peýdaly maddalar adam bedeniniň kesele garşy göreşijilik ukybyny ýokarlandyrmaga uly ýardam berýär. Unaş möwsümleýin keselleriň öňüni almakda we olary ýeňil geçirmekde hem örän peýdalydyr. Naharyň gapdalyndan sogan we sarymsak iýmegi endik edinmeli.

11 Oktýabr 2023

Ruhubelentlige beslendi

Golaýda Myrat Garryýew adyndaky Türkmenistanyň Döwlet lukmançylyk uniwersitetinde Türkmenistanyň Saglygy goraýyş we derman senagaty ministrliginiň guramagynda «Agyz keselleriniň öňüni almakda stomatologiýanyň häzirki zaman garaýyşlary» atly wagyz-nesihat duşuşygy geçirildi. Duşuşyga «Saglygy goraýyş, bilim we sport Berkarar döwletiň täze eýýamynyň Galkynyşy döwründe» atly halkara sergä we ylmy maslahata gatnaşmaga gelen Özbegistan Respublikasynyň Saglygy goraýyş ministrliginiň işgärleriň hünär kämilleşdiriş, ösüş merkeziniň hirurgik stomatologiýa kafedrasynyň professory, lukmançylyk ylymlarynyň doktory Urazmat Jumatow hem gatnaşdy. Bu ýerde guralan çykyşlarda ýurdumyzyň saglygy goraýyş ulgamynda sanlyja ýyllarda bitirilen beýik işler hakynda giňişleýin gürrüň edildi. Myhman çykyşynda ýurdumyzyň saglygy goraýyş ulgamynda ýeten sepgitleriniň ähli Merkezi Aziýa sebiti üçin nusgalyk derejededigini, ýurdumyzyň bu ugurda uly tejribe toplandygyny aýratyn belledi. Şeýle hem, ol serginiň we ylmy maslahatyň, şular ýaly duşuşyklaryň ähmiýetiniň ýokarydygyny, tejribe alyşmakda möhüm merkez bolup hyzmat edýändigine ünsi çekdi. Duşuşygyň ahyrynda myhman hormatly Prezidentimize çuňňur hoşallygyny bildirdi.

11 Oktýabr 2023

Il saglygy — ýurt baýlygy

Berkarar döwletiň täze eýýamynyň Galkynyşy döwründe ýurdumyzyň saglygy goraýyş ulgamynda döwrebap özgertmeler amala aşyrylýar. Hormatly Prezidentimiziň parasatly baştutanlygynda ýurdumyzyň ähli künjeginde döwrebap lukmançylyk merkezleri, saglyk öýleri gurlup ulanmaga berilýär. Türkmen halkynyň Milli Lideri Gahryman Arkadagymyzyň tagallasy bilen Garaşsyzlygyň ilkinji ýyllarynda işlenip taýýarlanan «Saglyk» Döwlet maksatnamasyndan ugur alnyp, milli saglygy goraýyş ulgamy dünýäniň öňdebaryjy innowasion ülňülerine laýyklykda döwrebaplaşdyryldy. Ýurdumyzdaky döwrebap saglygy goraýyş merkezlerine lukmançylyk ylmynyň öňdebaryjy gazananlary giňden ornaşdyrylýar. «Türkmenistanda ilatyň saglyk abadançylygyny üpjün etmek boýunça 2023 — 2028-nji ýyllar üçin Milli maksatnamanyň» tassyklanmagy hem milli saglygy goraýyş ulgamyny ösdürmäge aýratyn ähmiýet berilýändiginiň aýdyň subutnamasydyr.

11 Oktýabr 2023

Türkmenistanyň saglygy goraýyş we derman senagaty işgärleriniň güni dabaraly bellenilip geçildi

Lukmanlara ak arzuwlar edildi Berkarar döwletiň täze eýýamynyň Galkynyşy döwründe türkmen halkynyň Milli Lideri Gahryman Arkadagymyzyň hem-de Arkadagly Gahryman Serdarymyzyň saýasynda ýurdumyzyň ähli pudagynda bolşy ýaly, saglyk ulgamynda hem uly ösüşlere eýe bolunýar. Has takygy, ýurdumyzyň ähli ýerlerinde döwrebap hassahanalardyr saglyk merkezleri, saglyk öýleri gurlup, ulanylmaga berilýär. Öňden bar bolanlarynyň bolsa, durky düýpgöter täzelenilýär.

11 Oktýabr 2023

Süýt mäzleriniň howply täze döremelerine garşy göreşiň biraýlygy

Saglyk bolsun! Ýurdumyzyň «Döwlet adam üçindir!» diýen baş şygarynyň maksady saglygy goraýşy has kämil derejä ýetirmek, adam ömrüniň dowamlylygyny artdyrmak, sagdyn durmuş endiklerini netijeli ýola goýmak, şeýle hem ilatyň bagtyýar durmuşyny üpjün etmek bilen aýrylmaz baglanşyklydyr. «Keseli bejereniňden, öňüni alanyň aňsat» diýen jümleden ugur alyp, döwletimizde halkymyzyň saglygyny goramakda, keselleriň öňüni almakda uly işler amala aşyrylýar.

11 Oktýabr 2023

Jana şypa, derde derman

Üzärlik örän peýdaly köpýyllyk otjumak ösümlikdir. Ol tohumy arkaly köpelýär. Onuň tohumynyň gögerijiligi ýokary. Üzärlik idege talapkär ösümlik däl. Onuň Merkezi Aziýany we Gazagystany öz içine alýan örän giň ýaýraw meýdany bar. Ol halk arasynda iň köp tanalýan dermanlyk ösümlikleriň biri hasaplanylýar. Üzärlik baradaky maglumatlar Gahryman Arkadagymyzyň «Türkmenistanyň dermanlyk ösümlikleri» atly köp jiltli ylmy-ensiklopedik işinde jikme-jik beýan edilýär. Mälim bolşy ýaly, halkymyz öýleriň girelgesiniň ýokarsynda alaja bilen boglan üzärligiň bir dessesini asyp goýýar. Üzärligi dermanlyk ösümlik hem-de tumar hökmünde ulanmak täri has gadymy döwürlerden gözbaş alýar. Hormatly Prezidentimiziň belleýşi ýaly, bu ösümlik barada gadymy «Awesta» kitabynda hem bellenilip geçilýär. Halkymyzda tutumly işiň başy tutuljak bolnanda, öýe täze gelin gelende, täze ulag alnanda, täze jaýa göçülende, doglan bäbejik bäbekhanadan getirilende, ýatagyndaky mallary köpelen wagtlarynda «gözden-dilden, bela-beterden gorasyn» diýlip, şeýle-de maşgalada biri dümewlese, üzärlik tütedilipdir. Üzärligiň tüssesi syrkaw-sökelleri bejermekde möhüm ähmiýete eýedir.

11 Oktýabr 2023

Lukmanyň maslahaty

Iýmit zäherlenmesiniň öňüni almak Azyk önümlerinden adamlaryň zäherlenýän ýagdaýlary seýrek hem bolsa, duş gelýän hadysadyr. Miwe we bakja önümleri ýetişende, olaryň hakyky görnüşini, tagamyny ýitirmän köpräk saklamak üçin gaplaýarlar. Ýöne, arassaçylyk kadalary we önümiň gaplanyş usullary dogry berjaý edilmese, örän agyr botulizm zäherlenmesine getirýär. Çünki bu keseli emele getirijiler howasyz ýerlerde köpelmäge ukyplydyr. Botulizm, bu agyr zäherlenme bolup, kesel özüni emele getirijiler ýa-da zaýalanan önümleri iýmek arkaly döreýär. Onuň esasy alamatlarynyň biri merkezi nerw ulgamynyň işini bozýandygydyr.

11 Oktýabr 2023

Hassa bolmazdan burun...

Hormatly ildeşler! Güýz paslynyň dowam edýän günlerinde saglygyňyzy goramak ugrunda zerur bolan düzgün-kadalary, sagdyn durmuş ýörelgesini berjaý etmeli. Bedenterbiýe we sport bilen meşgullanmak hökmandyr. Şeýle-de gündelik С witaminine — askorbin turşusyna baý önümleri köpräk kabul etmeli. Iş ýeriňizde hem-de öýüňizde otaglaryň howasyny çalşyp durmaly. Keseliň ilkinji alamatlary ýüze çykan ýagdaýynda, maşgala lukmanyna ýüz tutmaly. Derman serişdelerini özbaşdak ulanmaly däl. Gahryman Arkadagymyzyň «Türkmenistanyň dermanlyk ösümlikleri» atly köp jiltli ylmy-ensiklopedik kitabynda beýan edilýän dermanlyk ösümliklerden taýýarlanan melhem çaýlaryny maşgala lukmany bilen maslahatlaşyp içmegi ýatdan çykarmaň!

11 Oktýabr 2023

Möhüm ugruň kämil derejesi

Türkmen halkynyň Milli Lideri Gahryman Arkadagymyzyň ýola goýan beýik işlerini mynasyp dowam etdirýän Arkadagly Gahryman Serdarymyzyň taýsyz tagallalary bilen her bir raýatyň saglygynyň goraglylygyny güýçlendirmek, ömür dowamlylygyny uzaltmak, jemgyýetde sagdyn durmuş ýörelgelerini pugtalandyrmak babatda giň gerimli işler ýaýbaňlandyrylýar. Häzirki wagtda «Saglyk» Döwlet maksatnamasynyň rejelenen görnüşi boýunça toplumlaýyn işler ýerine ýetirilip, guwandyryjy netijeler gazanylýar. Ýurdumyzda saglyk öýleri, döwrebap hassahanalar, şypahanalar, sagaldyş we dynç alyş merkezleri gurlup ulanmaga berilýär. Olar dünýä ülňülerine laýyk gelýän lukmançylyk enjamlary bilen enjamlaşdyrylýar. Ýurdumyzda geçen sanlyja ýylda saglygy goraýşyň ähli ugurlary boýunça uly üstünliklere ýetilip, beýik işler amala aşyryldy. Çünki ynsan hakyndaky, onuň saglygy we abadançylygy baradaky aladany mydama üns merkezinde saklaýan döwlet Baştutanymyz saglygy goraýyş ulgamyny kämilleşdirmek, köpçülikleýin bedenterbiýe-sagaldyş hereketlerini we ýokary derejedäki sporty ösdürmek boýunça anyk, yzygiderli çäreleri durmuşa geçirýär. Şonuň netijesinde Berkarar döwletiň täze eýýamynyň Galkynyşy döwründe ynsan saglygy baradaky alada esasy orunlaryň birini eýeleýär.

11 Oktýabr 2023

‹
1
2
...
71
72
73
74
75
76
77
...
375
376
›