Welaýatymyzyň etraplarynda okuwçy ýaşlaryň arasynda geçirilýän mekdep sport festiwaly ruhubelentlige beslenýär. Bu hakykata Sarahs etrabyndaky 21-nji orta mekdepde geçirilen mekdep sport festiwaly hem subut etdi.
Etrapdaky orta mekdeplerden okuwçy ýaşlaryň gatnaşmagynda geçen bu çäre ýaş nesil üçin sport baýramçylygyna öwrüldi. “Türkmenistan” Ýaşlar bedenterbiýe-sport guramasynyň welaýat bölümi, etrap bilim bölümi hem-de Türkmenistanyň Magtymguly adyndaky Ýaşlar guramasynyň welaýat we etrap Geňeşleri tarapyndan guralan mekdep sport festiwalynda okuwçy ýaşlar woleýbolda, tanap çekmekde, şeýle-de keçe-keçe oýny boýunça ussatlygyny görkezdiler.
