Her ýyl sahawatly güýz gelende:
Il-günüme ygtyýarlyk, erk beren,
Garaşsyzlyk alyp gelen tylla güýz!
— diýen goşgy setirlerini biygtyýar sere getirenimi duýman galýaryn. Toý-baýramlary goşa-goşadan getirýän bu ajaýyp pasyl bosagadan ätlände, göwnümiz galkynyp, heýjana gelýär. Çünki bu pasylda külli türkmen halkynyň iň uly toýy — Garaşsyzlyk baýramy giňden bellenilýär. Mukaddes Garaşsyzlygymyzyň baýramyny ýüregimize has ýakyn saýýarys. Neneň şeýle bolmasyn?! Mähriban halkymyz Garaşsyz döwlet bolmak arzuwyny gursagynda göterip, bäş müň ýyllyk ýoly geçip geldi.
