Kaka etrabyndaky Kaka dokma toplumynda mukaddes Garaşsyzlygymyzyň şanly 33 ýyllygy mynasybetli dabaraly maslahat geçirildi. “Garaşsyzlyk — bagtymyz” atly maslahaty Türkmenistanyň Kärdeşler arkalaşyklarynyň etrap birleşmesi gurady.
Maslahatda çykyş edenler Garaşsyzlyk gününiň uludan bellenilmeginiň ähmiýetine ünsi çekdiler hem-de geçen gysga taryhy döwürde ýurdumyzda amala aşyrylan asyrlara barabar işler dogrusynda durup geçdiler. Kärdeşler arkalaşyklarynyň işjeň agzalarynyň hem-de dokma toplumynyň işçi-hünärmenleriň gatnaşmagynda geçen dabarada Garaşsyz Watanymyzyň iň täze taryhyndaky beýik wakalar, ösüşler we özgertmeler, ajaýyp üstünlikler hakda aýdylanlar ýakymly duýgulary peşgeş berdi. Bagtyýar ildeşlerimiziň baýramçylyk gutlaglarydyr buýsançly gürrüňleri dabara gatnaşyjylarda uly täsirleri döretdi.
