Biler bolsaňyz...

Tebigat
22 Mart 2023
605

Garynjalar bedenindäki suwy tygşytlamak üçin içine çeken demini daşyna seýrek goýberýärler. Alymlaryň düşündirişlerine görä, beýleki jandarlardan tapawutlylykda garynjalarda öýken bolmaýar. Kislorod sorup, kömürturşy gazyny çykarýan garynjalar kömürturşy gazyny ýörite deşiklerden goýberýärler. Bu deşiklere «dem alyş ýoly» hem diýilýär. Garynjanyň bedeni kislorody özleşdirýär, emma kiçijik jandar myşsalaryndaky we ganyndaky kömürturşy gazyny goýbermeýär. Netijede, dem alyş ulgamyny düzýän turbajyklarda bölekleýin wakuum (boşluk) emele gelýär. Haçan-da, turbajyklar täzeden açylanda bolsa, wakuum arassa howany çekip alýar, şol bir wagtyň özünde kömürturşy gazynyň we suw bugunyň ujypsyzja mukdaryny daşyna goýberýär. Eger garynjalar özleriniň dem alyş ulgamyny düzýän turbajyklaryny uzak wagtlap ýapyklygyna saklap bilmeseler, olar gysga wagtyň içinde gurarlar.

(Internet maglumatlary esasynda taýýarlanyldy).
Beýleki habarlar