Türkmen nusgawy şahyry Magtymguly Pyragy öz şygyrlarynda adamzadyň müdimi gymmatlyklaryny wagyz etmek bilen, olaryň many-mazmunyny şygryýete salyp, nesillere miras galdyrypdyr. Şahyryň döredijiliginde watançylyk, söýgi, öwüt-nesihat, dünýä, jemgyýetçilik gatnaşyklary baradaky meseleler bilen bir hatarda, XVIII asyrda Etrek, Gürgen sebitlerinde ýaşan türkmenleriň ruhy we maddy medeniýetine degişli gymmatly maglumatlar hem berilýär.
Magtymguly Pyragynyň şygyrlarynda türkmen halkynyň myhmansöýerlik, köpçülikde özüňi alyp barmagyň kadalary, toý we ýas däp-dessurlary, ynançlary öz beýanyny tapýar. Şahyryň «Söwüş bile» goşgusynyň:
