Hormatly Prezidentimiziň başda durmagynda oba hojalyk pudagyny ösdürmäge uly ähmiýet berilýär. Çünki pudak milli ykdysadyýetiň örän möhüm pudaklarynyň biridir. Bu pudakda alnyp barylýan giň gerimli özgertmeler maksatnamalary hormatly Prezidentimiz tarapyndan kabul edilen daşary ýurtlardan getirilýän harytlaryň ornuny tutýan önümçiligi ýola goýmak we eksporta iberýän önümleriň möçberlerini artdyrmak boýunça aýratyn ähmiýete eýedir.
Topragyň iň esasy häsiýeti onuň hasyllylygydyr. Hasyllylyk diýmek ösümlikleriň suwa, iýmit elementlerine bolan talabyny kanagatlandyrmaga we hasyl döretmäge topragyň ukyplylygy diýmekdir. Tarp ýerler tebigy faktorlaryň hem-de toprak emele geliş prosesleriniň döreden tebigy hasyllylygyna eýedir. Täze ýerleriň oba hojalyk önümçiligine çekilen pursadyndan beýläk toprak özüniň tebigy hasyllylygy bilen birlikde emeli hasyllylyga-da eýe bolar.