ŞANLY SENÄ SOWGAT
«Pähim-paýhas ummany Magtymguly Pyragy» ýylynyň taryhy wakalary, şanly seneleri, toý-baýramlary türkmeniň beýik ogly, akyldar şahyr Magtymguly Pyragynyň ýubileý toýuny dabaralandyrýar. Maý aýynyň 17-sine Ministrler Kabinetiniň nobatdaky mejlisinde hormatly Prezidentimiz Magtymguly Pyragynyň doglan gününiň 300 ýyllygy mynasybetli «Magtymguly» atly täze kitabyň çapdan çykandygyny aýdyp, onuň halkymyz üçin gymmatly sowgat boljakdygyny belledi.
