76 ýyldan soň 4 gol geçirip, ýeňiş gazanyp bilmedi. Ispaniýanyň çempionatynda-da çempion «Real Madrid» myhmançylykda «Wilýarreal» bilen 4–4 hasabynda deňme-deň oýnady. Arda Güleriň 2 gol geçiren oýnunda «Wilýarrealyň» gollarynyň 4-sini hem 17 minutyň dowamynda norwegiýaly Aleksander Sörlot geçirdi. «Real Madrid» çempionatda 1948-nji ýyldan soň 1 oýunda 4 gol geçiribem ýeňiş gazanyp bilmedi. «Barselona» öz meýdançasynda «Raýo Wallekanony» 3–0 ýeňip, çempionaty 2-nji orunda tamamlamaga hukuk gazandy. «Almeriýadan» we «Granadadan» soň 4 möwsüm öň «La Liga» çykan «Kadiz» 2-nji liga düşdi.
11 ýyldan soň 2-nji liga düşdi. Italiýada çempion «Inter» öz meýdançasynda «Lasio» bilen 1–1 hasabynda deňme-deň oýnady. «Bolonýa»—«Ýuwentus» duşuşygynda ýer eýeleri 3–0 öňe geçse-de, 2-nji ýarymda 8 minutda 3 gol geçiren turinliler ýeňlişden halas boldy. «Salernitanadan» soň aşaky liga düşen toparlaryň biri «Sassuolo» boldy. «Sassuolo» topary 11 ýyldan soň «Serie A» bilen hoşlaşdy. Aşaky liga düşjek 3-nji topar bolmazlyk üçin «Empoli», «Frozinone» hem-de «Udineze» toparlarynyň arasynda göreş dowam edýär.