Üstümizdäki okuw ýyly hem tamamlanyp barýar. Ýene-de birnäçe günden okuw derslerinden synaglar gutaryp, tomusky dynç alyş möwsümi başlanýar. Göräýmäge indiki okuw möwsümine köp wagt bar ýaly. Emma tomusky dynç alyş derrew geçýär. Eýsem, tomusky dynç alşy nähili geçirmeli?!
Tomusky dynç alşy peýdaly we gyzykly geçirmek üçin isleýän zatlaryňyzy meýilleşdirmeli. Elbetde, meýilleşdirýän işleriňizi özüňize görä edip bilmersiňiz. Munuň üçin ene-ataňyz bilen maslahatlaşmak zerurdyr. Ýurdumyzyň owadan künjeklerine gezelenç etmek, dostlaryň bilen oýnamak ýaly dynç alyş çäreleriniň hataryna kitap okamak, sport bilen meşgullanmak we öý işlerine kömekleşmek ýaly çäreleri hem goşmaly.