Günuzyn oturyp işlemegiň we hereket etmezligiň saglyk üçin oňaýsyz taraplarynyň bardygy mälimdir. Bilermenler her gün 25 minut maşk etmegiň oturyp işlemek zerarly ýüze çykjak keselleriň öňüni alyp biljekdigini belleýärler. Has köp fiziki hereketiň has köp peýdalydygy bellenilýär. Köp adam işi sebäpli günüň dowamynda 9-10 sagadyny stoluň başynda geçirmeli bolýar. Bu bolsa, birnäçe keseliň döremegine getirip bilýär. «British Journal of Sports Medicine» žurnalynda çap edilen makalada gündelik 20-25 minutlyk fiziki hereketiň aşa köp hereketsizligiň ýüze çykaryp biljek töwekgelçiligini aradan aýyrýandygy bellenilýär. Bu barada geçirilen ylmy işe Norwegiýanyň Arktika uniwersitetiniň alymlary hem gatnaşypdyr. Bilermenler fiziki hereket bilen hereketsiz oturylýan wagty deňeşdirip, olaryň öz aralaryndaky täsirini öwrenipdirler.
Ylmy barlagyň çäginde ýaşy elliden ýokary 12 müňe golaý adama iki ýyllap gözegçilik edilipdir. Geçirilen barlagda 12 sagatdan köp oturmagyň has zyýanlydygy ýüze çykarylypdyr.