Soňky ýyllarda dünýäde tozanly howa akymlary güýçlenýär. Bu ýagdaý Ýer ýüzünde gurakçylygyň artmagy hem-de howanyň üýtgemegi bilen bagly bolup, bu möwsümleýin tebigy hadysa hasaplanýar. Tozanly ýeller, esasan hem, Demirgazyk Afrikada, Ýakyn Gündogarda we Aziýa ýurtlarynda has köp bolup geçýär. Howanyň hapalanmagy saglyk üçin zyýanly bolup, ýaşaýan sebitiň howa şertleri barada habarly bolmak örän möhümdir. Daşaryk çykmazdan ozal howa maglumaty bilen ýakyndan tanyş bolmaly. Howanyň hapalanmagy – tozanly ýel ýa-da harasat adam saglygyna oňaýsyz täsir etmegi mümkin. Eýsem, tozanly howadan nädip goranmaly?
Örtük dakynmak. Tozanly howada daşary çykmaly bolsaňyz, örtük dakynmagy ýatdan çykarmaly däl. Örtük dakynmak tozanly howadan goranmagyň iň amatly usulydyr. Çünki örtük hapa howany süzüp, arassa howany geçirýär.
