Döredijilik duşuşygy
Ýakynda TDP-niň Mary şäher we Mary etrap komitetleriniň, TMÝG-niň welaýat we etrap geňeşleriniň, etrapdaky 8-nji orta mekdebiň bilelikde guramagynda ady agzalan orta mekdepde döredijilik duşuşygy geçirildi. Magtymguly Pyragynyň doglan gününiň 300 ýyllygyna bagyşlanylan duşuşyga ýokarda ady agzalan syýasy partiýalaryň we jemgyýetçilik guramalarynyň wekilleri, şahyrlar, mekdebiň mugallymlary we 2023-2024-nji okuw ýylyny tamamlaýan uçurymlary gatnaşdylar. Duşuşygy mekdebiň mugallymy Muhammetmyrat Allakulyýew alyp bardy.
