12-nji maýda Litwada geçirilen Prezident saýlawlarynda Litwanyň häzirki Prezidenti Gitanas Nauseda sesleriň 46 göterimine we onuň esasy bäsdeşi Premýer-ministr Ingrida Şimonite, sesleriň 16 göterimine eýe bolup, ikinji tapgyra çykdylar. Prezidentlige dalaşgärleriň ikisi-de saýlawlaryň birinji tapgyrynda ýeňiş gazanmak üçin zerur bolan sesleriň 50 göteriminden gowragyny alyp bilmediler we ikinji tapgyra çykandyklary barada mälim etdiler. Indi ses berişligiň ikinji tapgyry 26-njy maýda geçiriler. Şeýle hem ýekşenbe güni geçirilen saýlawlarda Litwanyň raýatlary iki raýatlyga rugsat berýän Kanuna üýtgetmeler girizmek boýunça sala salşyga-da ses berdiler.
Litwa Demirgazyk Ýewropada ýerleşýän ýurt. Ilaty 2 million 866 müňden gowrak. Baltika deňzine çykalgasy bolan bu ýurt Latwiýa, Belarus, Polşa we Russiýanyň Kaliningrad sebiti bilen serhetleşýär. Paýtagty Wilnýus. Şeýle hem Litwa 2004-nji ýyldan bäri Ýewropa Bileleşiginiň agzasydyr.