Fransiýanyň çempionatynda PSŽ möwsümiň tamamlanmagyna 3 tapgyr galanda, çempionlygyny yglan etdi. 31-nji tapgyrda aşaky orunlarda barýan «Le Hawr» toparyny kabul eden PSŽ 90-njy minutdan soň geçiren goly esasynda ýeňlişden halas boldy. Duşuşykda 3–1 öňe saýlanan «Le Hawryň» derwezesinden hasaby deňlän gollary Barkola (28), Hakimi (78) hem-de Ramuş (90+5) geçirdi. 2-nji ýerdäki «Monakonyň» myhmançylykda «Liondan» Ben Ýedderiň gollaryna garşylyk Lakazett, Benrahma hem-de Fofananyň gollary bilen 3–2 ýeňilmeginden soň PSŽ çempionlygyny yglan etdi. Bu parižlileriň bassyr 3-nji, umumylykda-da 12-nji çempionlygy bolup, PSŽ katarly işewürleriň satyn almagyndan soň 10-njy çempionlygyny gazandy. 2011-nji ýylda katarly işewürleriň eýeçiligine geçen PSŽ şondan bäri diňe 3 gezek çempionlygy başga klublara — 2012-nji ýylda «Monpelie», 2017-nji ýylda «Monako» hem-de 2021-nji ýylda-da «Lill» toparlaryna aldyrdy. Ýurduň iň köp çempion bolan kluby PSŽ 1986-njy we 1994-nji ýyllarda-da çempionlyk gazanypdy.
Çempionatyň 31-nji tapgyrynda 9 goluň geçirilen duşuşygynda «Brest» myhmançylykda «Renn» toparyny Brasieniň 90+7-nji minutda geçiren goly esasynda 5–4 hasabynda ýeňlişe sezewar etdi.