Arkadagly Gahryman Serdarymyzyň taýsyz tagallalary, öňdengörüjilikli başlangyçlary netijesinde öz eserlerinde edep-terbiýäniň ummasyz gymmatlyklaryny jemleýän Magtymguly Pyragynyň adynyň arşa galdyrylmagy, beýik şahyryň taglymatlarynyň okuw-terbiýeçilik işlerine ornaşdyrylmagy etnopedagogika ummasyz goşantdyr. Magtymguly Pyragynyň döredijilik älemi baý we köptaraplydyr. Magtymgula çenli bolan türki dilli edebiýatda, şol sanda türkmen edebiýatynda hem umumy halk durmuşy suratlandyrylmandyr. Magtymgulynyň ähli şygyrlarynda halkyň aladasy ýatyr. Oňa beýik şahyryň goşgularyny okan islendik okyjy aňsatlyk bilen göz ýetirýär. Şahyr «Arşy-aglaýa», «Aly siziňdir» atly goşgularynda halkyň asudalygyny arzuwlaýar we bu pikiri ündeýär:
Ýomut, gökleň täsip edip özünden,