Türkmenistanyň Merkezi bankynyň welaýat şahamçasy welaýatymyzda hereket edýän karz edaralary bilen bilelikde «Nagt däl hasaplaşyklaryň gerimini giňeltmek we sanly ulgamda ýerine ýetirilýän bank hyzmatlary» atly söhbetdeşlik gurady.
Berkarar döwletiň täze eýýamynyň Galkynyşy döwründe Arkadagly Gahryman Serdarymyzyň taýsyz tagallalary bilen, Garaşsyz ýurdumyzyň bank ulgamyny kämilleşdirmek ugrunda amala aşyrylýan işleri wagyz etmek maksady bilen geçirilen söhbetdeşlikde «Türkmenistan» DTB-niň «Daşoguz» şahamçasynyň hünärmeni Aýgözel Ilmyradowa, Türkmenistanyň «Halkbank» PTB-niň «Daşoguz» şahamçasynyň hünärmenleri Ogulnäz Dädäýewa, Aýjahan Toýlyýewa, Ýadygärbek Seýidahmetow dagy çykyş etdiler.
