Italiýanyň çempionatynda sanawyň lideri «Inter» myhmançylykda «Udineze» bilen duşuşyp, garşydaşynyň öňe saýlanandygyna garamazdan, soňky minutlarda ýeňşini baýram etdi (2–1). Ýer eýelerinden Samaržiçiň 40-njy minutdaky goluna 55-nji minutda (p) Çalhanoglu hem-de 90+5-nji minutda Frattezi jogap berdi. «Interden» 14 utuk yzda barýan «Milan» öz meýdançasynda «Leççeni» Pulişiç, Žiru hem-de Leaonyň gollary bilen 3–0 hasabynda ýeňdi. «Ýuwentus» öz meýdançasynda Gattiniň ýeke-täk goly esasynda «Fiorentinadan» üstün çykmagy başardy. Paýtagt derbisinde «Roma» topary «Lasiony» Mançininiň 42-nji minutdaky goly bilen 1–0 hasabynda utdy. Soňky çempion «Napoli» hem myhmançylykda «Monzany» 4–2 hasabynda ýeňlişe sezewar etdi.
Fransiýanyň çempionatynda PSŽ toparyna öz meýdançasynda iň aşaky orunda barýan «Klermony» ýeňmek başartmady. Keitanyň 32-nji minutda geçiren goluna 85-nji minutda Ramuşyň goly bilen jogap beren parižliler ýeňlişden halas boldy. 7 goluň geçirilen oýnunda «Mets» toparyny 4–3 hasabynda ýeňen «Brest» 2-nji basgançakdaky ornuny goramagyny dowam edýär. «Lill» öz meýdançasynda «Marseli»,
