Bagtyýarlygyň gözbaşy

Saglyk
7 Fewral 2024
452

Häzirki wagtda ýurdumyzyň ähli pudaklary bilen bir hatarda, saglygy goraýyş ulgamynda hem halkymyzyň abadan durmuşda sagdyn ýaşaýşyna gönükdirilen ençeme netijeli işler alnyp barylýar. Hormatly Prezidentimiziň parasatly baştutanlygynda üstünlikli durmuşa geçirilýän «Saglyk» Döwlet maksatnamasynyň çäklerinde ýurdumyzyň baş baýlygy bolan ynsan saglygyny goramaga gönükdirilen möhüm wezipeler amala aşyrylýar. Soňky ýyllarda ähli welaýatlarymyzda we paýtagtymyz Aşgabat şäherinde saglygy goraýyş ulgamynyň döwrebap düzümi kemala getirildi. Ylmyň we innowasion tehnologiýalaryň soňky gazanan lukmançylyk enjamlary bilen üpjün edilen saglyk öýleri, anyklaýyş-maslahat beriş merkezleri, hassahanalar yzygiderli gurlup we düýpli durky täzelenip, halkymyzyň hyzmatyna berilýär. Ilata döwrebap saglyk hyzmatyny amala aşyrmakda, ýokanç we ýokanç däl keselleri başlangyç döwründe anyklamakda, ýüze çykarmakda we bejermekde iň täzeçil usullar ulanylýar.

Owadan ARMEDOWA,
Myrat Garryýew adyndaky Türkmenistanyň Döwlet lukmançylyk uniwersitetiniň Çaga stomatologiýasy kafedrasynyň assistenti.
Beýleki habarlar