Parahatçylygyň we dost-doganlygyň merkezi hökmünde dünýäde ykrar edilen gözel paýtagtymyzda adamzady jebisleşdirýän gymmatlyklaryň ilçisi hasaplanýan sportuň baýramçylygy — Kuraş boýunça dünýä çempionaty ýokary ruhubelentlige beslenýär. Dünýäniň çar tarapyndan garşy alan myhmanlarymyzyň ýüzlerindäki begenç duýgulary, söhbetdeşliklerimizdäki mähirli sözleri olaryň eziz Diýarymyza, ilkinji nobatda, medallar ugrunda bäsleşmek üçin däl-de, dostlukly gatnaşyklary berkitmäge gelendigine şaýatlyk edýär.
Myhmansöýerligiň belent nusgasy