Ýurdumyzda geçirilýän Kuraş boýunça dünýä çempionaty uly üstünliklere beslenýär
Ata Watanymyzda bedenterbiýe-sagaldyş, sport hereketi giň gerime eýe boldy. Dürli ýaşdaky we kärdäki adamlaryň müňlerçesini özünde jemleýän köpçülikleýin sport çärelerini, şeýle hem halkara sport ýaryşlaryny geçirmek asylly däbe öwrüldi. Muňa 23-nji noýabrda paýtagtymyz Aşgabatda badalga alan Kuraş boýunça XIV dünýä çempionaty aýdyň mysaldyr.