25-nji noýabrda paýtagtymyzda Kuraş boýunça XIV dünýä çempionatynyň açylyş dabarasy boldy. Bu waka Aşgabadyň halkara sport merkezi hökmünde ykrar edilýändiginiň, hormatly Prezidentimiziň, türkmen halkynyň Milli Lideri, Gahryman Arkadagymyzyň baştutanlygynda durmuşa geçirilýän, ýurdumyzyň döwlet syýasatynyň ileri tutulýan ugurlarynyň biri hökmünde çykyş edýän bedenterbiýäni we sporty ösdürmäge gönükdirilen strategiýanyň Halkara kuraş assosiasiýasy (IKA) tarapyndan giň goldawa eýe bolýandygynyň nobatdaky subutnamasydyr.
Kuraş boýunça dünýä çempionatynyň açylyş dabarasy Olimpiýa şäherçesiniň 5 müň orunlyk üsti ýapyk tomaşa zalynda geçirildi.