Moto GP boýunça möwsümiň tamamlanmagyna 1 ýaryş galsa-da çempion entek belli däl. Çempionlyk ugrunda 2 sürüjiniň arasynda ýiti göreş dowam edip, ýeňiji iň soňky bäsleşikde belli bolar. Möwsümiň 19-njy ýaryşy Kataryň Lusail şäherinde geçirilip, şäheriň adybir halkara trassasyndaky ýaryşda «Gresini Racing Ducati» toparynyň italýan sürüjisi Fabio Di Jannantonio ýeňiş gazandy. Karýerasyndaky ilkinji ýeňşini baýram eden Di Jannantonio 22 aýlawy 42 minut 43,654 sekuntda geçmegi başardy. Ýaryşda sanawyň lideri, italiýaly pilot Françesko Banaia («Ducati Lenovo») 2-nji, başga bir italýan sürüjisi Luka Marini («Mooney VR46 Racing») 3-nji ýeri eýeledi.
Çempionlyk ugrunda 2-nji ýerde barýan «Prima Pramac» toparynyň ispan sürüjisi Horge Martin Katar «Gran Prisini» 10-njy bolup tamamlady.
